ՀՀ գիտությունների ազգային ակադեմիա
ՀԱՅ  ENG  РУС
Home academy [@] sci.am Facebook Page
Գլխավոր էջ Ակադեմիայի մասին Բաժանմունքներ Կազմակերպություններ Անդամներ Կապ մեզ հետ
Երվանդ Զորյան
դոկտոր, պրոֆեսոր
COVID-19
Կառուցվածք
Նախագահության անդամներ
Փաստաթղթեր
Ինովացիոն առաջարկներ
Հրատարակություններ
Հիմնադրամներ
Գիտաժողովներ
Մրցույթներ
Լուսանկարներ
Տեսադարան
Վեբ ռեսուրսներ
Այլ ակադեմիաներ
«Գիտություն» թերթ
«Գիտության աշխարհում» հանդես
Հրապարակումներ մամուլում
Ազդեր
Հոբելյաններ
Համալսարաններ
Նորություններ
Գիտական արդյունքներ
Սփյուռքի բաժինը ներկայացնում է
Երիտասարդ գիտնականի ամբիոն
Մեր երախտավորները
Հայտարարություններ
Լինդաու քաղաքում Նոբելյան մրցանակի դափնեկրի հետ հանդիպում
Կայքի քարտեզ
Նորություններ
05/09/2022
Հայ-իրանական գիտական համագործակցության զարգացմանն ուղղված միջոցառումներ՝ ՀՀ ԳԱԱ Արևելագիտության ինստիտուտում

Սույն թվականի սեպտեմբերի 2-ին ՀՀ Գիտությունների ազգային ակադեմիայի Արևելագիտության ինստիտուտի և Իրանի Իսլամական Հանրապետության դեսպանատան մշակույթի կենտրոնի միջև կնքվեց համագործակցության հուշագիր: Այն ստորագրեցին ՀՀ ԳԱԱ Արևելագիտության ինստիտուտի տնօրեն Ռոբերտ Ղազարյանը և Հայաստանի Հանրապետությունում Իրանի Իսլամական Հանրապետության դեսպանության մշակույթի կենտրոնի խորհրդական Սեյյեդ Հոսեյն Թաբաթաբային ՀՀ ԳԱԱ Արևելագիտության ինստիտուտի Իրանի բաժնում: Հուշագրի կնքումը իրականություն է դարձել ՀՀ ԳԱԱ Արևելագիտության ինստիտուտի Իրանի բաժնի ակտիվ ջանքերի շնորհիվ։

Հուշագրով նախատեսվում է արևելագիտությանը վերաբերող գրականության ցանկերի  փոխանակում, համատեղ գիտաժողովների, վեբինարների, կլոր սեղանների անցկացում, «Հրաչյա Աճառյան»-ի անվան մրցանակաբաշխության շրջանակներում լավագույն իրանագետ անվանակարգի սահմանում: 

Հանդիպմանը ներկա էին բարերար Հովսեփ Ավետյանը, ԻԻՀ-ում ՀՀ արտակարգ և լիազոր առաջին դեսպան Վահան Բայբուրդյանը, Իրանի մեջլիսի պատգամավոր Ռոբերտ Բեգլարյանը, Իրանի մեջլիսի նախկին պատգամավոր Կարեն Խանլարյանը, Թավրիզի պետական համալսարանի ռեկտոր դոկտոր Սաֆար Սադեն, Թեհրանում «Ալիք» օրաթերթի արտոնատեր Ալբերտ Աճեմյանը, քաղաքական, մշակութային, բիզնես ոլորտի ներկայացուցիչներ ինչպես Իրանից, այնպես էլ Հայաստանից: 

«Իրանը մեզ համար ունի առանձնահատուկ նշանակություն: Մեր երկու ժողովուրդները ստեղծել են յուրահատուկ քաղաքակրթություն:  Արևելագիտության ինստիտուտի առաջնահերթություններից է իրանագիտության ոլորտում ուսումնասիրությունների խորացումը», - ասաց ՀՀ ԳԱԱ Արևելագիտության ինստիտուտի տնօրեն Ռոբերտ Ղազարյանը:

ՀՀ-ում ԻԻՀ դեսպանության մշակույթի կենտրոնի խորհրդական Սեյյեդ Հոսեյն Թաբաթաբային ընդգծեց ՀՀ ԳԱԱ Արևելագիտության ինստիտուտի հետ համագործակցության արդյունավետությունը:  

«Հայ-իրանական հարաբերություններն ունեն մի քանի հազար տարվա պատմություն, բարեկամություն, մշակույթ և ամուր կապեր: Ես լիահույս եմ, որ մենք կկարողանանք Արևելագիտության ինստիտուտի հետ լավ համագործակցություն ձևավորել», - ասաց Թավրիզի պետական համալսարանի ռեկտոր դոկտոր Սաֆար Սադեն: Նա ցանկություն հայտնեց մոտ ժամանակներս համագործակցության հուշագիր ստորագրել ՀՀ ԳԱԱ Արևելագիտության ինստիտուտի հետ։ 

Հուշագրի ստորագրմանը հաջորդեց «Հայաստան-Իրան. պատմական անցյալը և ներկան» ժողովածուի շնորհանդեսը: Այն ամփոփում է Հայաստանի Հանրապետության և Իրանի Իսլամական Հանրապետության միջև դիվանագիտական հարաբերությունների հաստատման 30-ամյակին նվիրված գիտաժողովի արդյունքները: Ժողովածուն ընդգրկում է երկու երկրների դեսպանների ելույթները տարբեր ժամանակներում, հայ և իրանցի գիտնականների զեկույցները: ՀՀ ԳԱԱ Արևելագիտության ինստիտուտի Իրանի բաժնի վարիչ, ժողովածուի գլխավոր խմբագիր Գոհար Իսկանդարյանը ներկայացրեց ժողովածուում կիրառված նորարարությունը՝ QR կոդը, որն ապահովում է 2020թ. փետրվարի 9-10-ին տեղի ունեցած գիտաժողովի տեսագրությունը։

ՀՀ ԳԱԱ Արևելագիտության ինստիտուտի կողմից շնորհակալագիր հանձնվեց բարերար Հովսեփ Ավետյանին հայրենանվեր գործունեության համար: Ավետյան ընտանիքի օժանդակությամբ վերանորոգվել և վերակահավորվել է Արևելագիտության ինստիտուտի Իրանի բաժինը:

«Արևելագիտության ինստիտուտի և Ավետյան ընտանիքի միջև համագործակցության շնորհիվ մեր ինստիտուտի գիտական միջավայրն ավելի բարելավվեց: Մենք շատ շնորհակալ ենք Ավետյան ընտանիքին: Այս ամենն էլ ավելի կնպաստի մեր նոր գիտական արդյունքների ստացմանը»,- ասաց ՀՀ ԳԱԱ Արևելագիտության ինստիտուտի տնօրենը:  

«Գիտության մշակների համար ստեղծվել են արժանապատիվ պայմաններ, և մենք պետք է ավելի ակտիվացնենք մեր համագործակցությունը: Հայաստանը և Իրանը միշտ պետք է խոսեն, գտնեն շփման եզրեր և ընդհանուր շահեր»,- ասաց ՀՀ ԳԱԱ Արևելագիտության ինստիտուտի Իրանի բաժնի վարիչ Գոհար Իսկանդարյանը՝ շնորհակալություն հայտնելով Ավետյան ընտանիքին: 

«Մեզ համար մեծ պատիվ է համագործակցել այս գիտական կենտրոնի հետ: Ներկայում Իրան-Հայաստան հարաբերությունները կարևոր փուլում են, և կենտրոնը կարող է օգտակար լինել այդ հարաբերությունների զարգացման գործում», - ասաց Հովսեփ Ավետյանը: 

ՀՀ ԳԱԱ գիտության հանրայնացման և հասարակայնության հետ կապերի բաժին
05.09.2022թ.


Ազդեր








Ս.թ. մարտի 21-ին ժամը 11:00-ին ՀՀ ԳԱԱ հիմնարար գիտական գրադարանը կազմակերպում է «Ֆրանսերեն տպագիր ժառանգության ոսկե ֆոնդը» խորագրով միջոցառում՝ նվիրված Ֆրանկոֆոնիայի միջազգային օրվան: Միջոցառումը տեղի կունենա ՀՀ ԳԱԱ նախագահության շենքի կլոր դահլիճում

Սույն թվականի մարտի 6-ին ժամը 15.00-ին ՀՀ ԳԱԱ նիստերի դահլիճում (Բաղրամյան պող., 24) տեղի կունենա Նովա Գորիցայի համալսարանի (Սլովենիա, ԵՄ) դոցենտ Արտեմ Բադասյանի «Ջրում սպիտակուցների կոնֆորմացիաների տեսական և փորձառական հարցեր» թեմայով գիտական զեկուցումը

ՀՀ ԳԱԱ Շիրակի հայագիտական հետազոտությունների կենտրոնը սկսում է «Գիտական աշխատություններ» պարբերականի 2024թ.1 (27) հատորի հոդվածների ընդունումը: Առաջնահերթությունը տրվում է անգլերեն և ռուսերեն լեզուներով հոդվածներին: Հոդվածների ընդունման վերջնաժամկետն է՝ 2024թ. մարտի 1-ը

Международный инновационный центр нанотехнологий СНГ (МИЦНТ СНГ) при поддержке Межгосударственного фонда гуманитарного сотрудничества государств - участников СНГ (МФГС) и Объединенного института ядерных исследований объявляет о проведении конкурса на соискание грантов на разработку проектов в рамках деятельности МИЦНТ СНГ в 2024 году и очередной Стажировки молодых ученых и специалистов стран СНГ в Дубне в апреле - мае 2024года

2024թ․ մարտի 28-30-ը ՀՀ գիտությունների ազգային ակադեմիան և Երևանի պետական համալսարանը անցկացնելու են «Հայաստանը որպես քաղաքակրթական խաչմերուկ․ պատմամշակութային առնչություններ» թեմայով միջազգային գիտաժողով

ՀՀ գիտության և տեխնիկայի զարգացման 2020-2024թթ. գերակայության ՀՀ կառավարության որոշման նախագիծ

Հրապարակումներ մամուլում
16/03/2024

Գիտական նոր խումբ, լաբորատոր նոր միջավայր՝ պետական դրամաշնորհով
1lurer.am
15/03/2024

Ակադեմիական քաղաքի կառուցվածքը հայտնի կդառնա հավանաբար 2025-ին․ մամուլում շրջանառվող ցանկում աշխատանքային խմբերի կազմն է
infocom.am
14/03/2024

«Գիտական հոդվածների տեսքով ներկայացվում է Արցախի մշակութային ժառանգությունը, Ադրբեջանի բռնայուրացման քաղաքականությունը»
aravot.am
13/03/2024

Բաց մրցույթներ և դրամաշնորհներ․ Բարձրագույն կրթության և գիտության կոմիտեի ծրագրերը
1lurer.am
Կայքը հաճախել են
6 873 806

անգամ սկսած 01.01.2005թ.
National Academy of Sciences of the Republic of Armenia
ՀՀ ԳԱԱ պատկերանիշ (սև, կապույտ)
Ճիշտ տառատեսակի արտապատկերման համար ներբեռնեք և տեղադրեք Arian AMU.ttf
Դեպի վեր Կայքը վերջին անգամ թարմացվել է՝  17:29, 18/03/2024 Դեպի վեր
Գլխավոր էջ - Ակադեմիայի մասին - Բաժանմունքներ - Կազմակերպություններ - Անդամներ - Կապ մեզ հետ - Կառուցվածք - COVID-19
Նախագահության անդամներ - Փաստաթղթեր - Ինովացիոն առաջարկներ - Հրատարակություններ - Հիմնադրամներ - Գիտաժողովներ - Մրցույթներ
Լուսանկարներ - Տեսադարան - Վեբ ռեսուրսներ - Այլ ակադեմիաներ - «Գիտություն» թերթ - «Գիտության աշխարհում» հանդես - Հրապարակումներ մամուլում
Ազդեր - Հոբելյաններ - Համալսարաններ - Նորություններ - Գիտական արդյունքներ - Սփյուռքի բաժինը ներկայացնում է - Երիտասարդ գիտնականի ամբիոն
Մեր երախտավորները - Հայտարարություններ - Լինդաու քաղաքում Նոբելյան մրցանակի դափնեկրի հետ հանդիպում - Կայքի քարտեզ
© Copyright 1998-2024 Բոլոր հեղինակային իրավունքները պաշտպանված են:
Կայքը պատրաստված է և սպասարկվում է Հայաստանի ակադեմիական գիտահետազոտական կոմպյուտերային ցանցի կողմից (ASNET-AM):
Հարցերի կամ առաջարկությունների համար կարող եք ուղարկել նամակ webmaster {[ at ]} sci.am էլեկտրոնային փոստին: