Ս.թ. մարտի 18-ին՝ ժամը 13:00-ին, ՀՀ Գիտությունների ազգային ակադեմիայի Երկրաբանական գիտությունների ինստիտուտի Հովհաննես Կարապետյանի անվան երկրաբանական թանգարանում տեղի կունենա սեմինար-դասախոսություն՝ «Ջրի համաշխարհային օր - 2022» թեմայով:
Միջոցառումը կազմակերպում են Հովհաննես Կարապետյանի անվան երկրաբանական թանգարանը և «Ազգային ջրային համագործակցություն» ՀԿ-ն:
Սեմինար-դասախոսության ժամանակ Երկրաբանական թանգարանի վարիչ Գայանե Գրիգորյանը կներկայացնի Վայոց Ձորի մարզի ջրաերկրաբանական հուշարձանները: «Ազգային ջրային համագործակցություն» ՀԿ-ի նախագահ Արևիկ Հովսեփյանը ելույթ կունենա «Ստորերկրյա ջրեր - անտեսանելին տեսանելի է դառնում» թեմայով: Երկրաբանական թանգարանի ավագ ճարտարագետ Նարեկ Սահակյանը կներկայացնի համառոտ ակնարկ Մարմարիկի հովիտի հանքային աղբյուրների և հորատանցքերի մասին:
ՀՀ ԳԱԱ տեղեկատվական-վերլուծական ծառայություն
17.03.2022թ.
![academy [@] sci.am](images/email.jpg "academy [@] sci.am")
