National Academy of Sciences of the Republic of Armenia
ՀԱՅ  ENG  РУС
Home academy [@] sci.am
Главная страница Об Академии Организации Члены Связь с нами
Газета "Гитутюн"
N346 Октябрь 2020г.
N346
COVID-19
Структура
Отделения
Члены президиума
Документы
Инновационные предложения
Новости
Конференции
Все публикации в прессе
Все объявления
Фотогалерея
Видеогалерея
Газета "Гитутюн"
Фонды
Юбилеи
Публикации
Веб ресурсы
Другие академии
Университеты
Встреча с Нобелевским лауреатом в Линдау
Карта сайта
Новости
06/06/2019
ՀՀ ԳԱԱ ֆիզիկական հետազոտությունների ինստիտուտի տնօրեն ՀՀ ԳԱԱ թղթակից անդամ Արամ Պապոյանը OSA-ի տնօրենների խորհրդի կողմից ճանաչվել է 2019թ. «օպտիկայի պաշտպան»

   ՀՀ ԳԱԱ ֆիզիկական հետազոտությունների ինստիտուտի (ՖՀԻ) տնօրեն ՀՀ ԳԱԱ թղթակից անդամ Արամ Պապոյանն Օպտիկական ընկերության տնօրենների խորհրդի կողմից ճանաչվել է 2019թ. «օպտիկայի պաշտպան»:Օպտիկական ընկերությունը (OSA) համաշխարհային ճանաչում ունեցող կազմակերպություն է, հիմնադրվել է 1916թ. որպես Ամերիկայի Օպտիկական ընկերություն: OSA-ի առաքելությունն օպտիկայի և ֆոտոնիկայի ոլորտում գիտելիքների ստացմանը, տարածմանը և կիրառմանը նպաստելն է:
   Արամ Պապոյանն այս մրցանակին արժանացել է ՀՀ ԳԱԱ ֆիզիկական հետազոտությունների ինստիտուտի՝ Եվրոպական հետազոտական տարածք (ERA) ինտեգրմանն ուղղված աշխատանքի համար:«Այս մրցանակը ճանաչումն է Արամ Պապոյանի ղեկավար դերի և արտառոց ջանքերի՝ ուղղված ՖՀԻ-ի ինտեգրմանը Եվրոպական հետազոտական տարածք (ERA)»,-նշված է OSA-ի պաշտոնական հաղորդագրության մեջ:ERA-ն գիտական հետազոտությունների ծրագրերի համակարգ է, որը կապում է Եվրամիության գիտական ռեսուրսները՝ կենտրոնանալով բժշկական, բնապահպանական, արդյունաբերական և սոցիալ-տնտեսական հետազոտություններում միջազգային համագործակցության վրա: 

20160606_1.jpg
   ERA/ՖՀԻ ինտեգրումը քվանտային տեղեկատվական գիտության, ատոմային և նյութական ալիքների ֆիզիկայի, սցինտիլյացիոն նյութերի ուղղություններով համագործակցության մեխանիզմներ է ընձեռում: Հայ հետազոտողները և երիտասարդ մասնագետներն այժմ հնարավորություն ունեն օգտվել ERA-ի ֆինանսավորումից` աջակցելու և խթանելու հետազոտություններն այդ ոլորտներում:«Ֆիզիկական հետազոտությունների ինստիտուտի՝ Եվրոպական հետազոտական տարածք ինտեգրվելուն Արամ Պապոյանի ջանքերն առանձնանում են որպես լույսի մասին գիտության առաջընթացի շարունակական ձգտում, ինչը ճանաչվել է «օպտիկայի պաշտպանի» մրցանակով: Արամ Պապոյանի աշխատանքի շնորհիվ հնարավոր կդառնա օպտիկայի և ֆոտոնիկայի հետազոտական բնագավառներում կարևոր համագործակցությունը Եվրոպական միության և Եվրոպական հանձնաժողովի ստեղծած ծրագրերի միջոցով», - ասել է OSA-ի նախագահ Ուրսուլա Գիբսոնը: 
   OSA-ի «օպտիկայի պաշտպանի» կոչումն ամեն տարի շնորհվում է հանրային այն պաշտոնյային, ով դրսևորում է առաջատարի հատկություններ՝ ուղղված լույսի մասին գիտության առաջընթացի աջակցությանը: Արամ Պապոյանին մրցանակը կշնորհվի 2019թ. հունիսի 24-27-ին Մյունխենում (Գերմանիա) կայանալիք «Laser World of Photonics» համաժողովի ընթացքում՝ մրցանակաբաշխության հանդիսավոր արարողության ժամանակ: Արամ Պապոյանը ղեկավարում է ՖՀԻ-ն 2006 թվականից: ՀՀ ԳԱԱ ՖՀԻ-ի գործունեության հիմնական ոլորտներն են լազերային ֆիզիկան և նյութագիտությունը:
   Արամ Պապոյանը 2011-2014թթ. համակարգել է Եվրոպական FP7 ծրագրի «Հայաստանի Հանրապետության գիտությունների ազգային ակադեմիայի ֆիզիկական հետազոտությունների ինստիտուտի ինտեգրումը ERA-ին» նախագիծը: Մինչ այդ նա եղել է  հայ-ֆրանսիական առաջին միջազգային ասոցացված լաբորատորիայի համահիմնադիրը և հայաստանյան համակարգողը, որի շրջանակներում հետազոտվել են ճառագայթման և նյութի փոխազդեցության խնդիրները: Արամ Պապոյանն Օպտիկայի միջազգային հանձնաժողովում (ICO) Օպտիկայի հայկական տարածքային կոմիտեի նախագահն է: 2015թ. նա արժանացել է «ICO Galileo Galilei Award» պատվավոր մրցանակի՝ ալկալի ատոմների բարձր լուծունակության սպեկտրասկոպիայի ոլորտում  կարևոր նվաճումների և Հայաստանում փորձարարական ատոմային ֆիզիկայի առաջմղման գործում ունեցած արժեքավոր ներդրման համար:

   ՀՀ ԳԱԱ տեղեկատվական-վերլուծական ծառայություն
   06.06.2019թ.

Последние объявления
Публикации в прессе
24/11/2020
«Մենք գտնում ենք, որ ամբողջ կառավարությունը պետք է հրաժարական տա»․ Ակադեմիան հանդես կգա հայտարարութամբ
ankakh.com
09/11/2020
Հիմա մենք գիտությունը թերսնուցում ենք և իրենից աշխարհի բոլոր հնարավոր բաներն ուզում ենք
lragir.am
22/10/2020
Նյութական եւ բարոյական ներդրում՝ գիտությանն ու ռազմարդյունաբերությանը
hraparak.am
20/10/2020
Աշխարհը ստիպված է լինելու առերեսվել թուրքական վտանգին
hhpress.am
15/10/2020
Գիտական շրջանակն արտերկրի գործընկերներին պատմել է թուրք- ադրբեջանաահաբեկչական դաշինքի պատերազմի մասին
armenpress.am
11/10/2020
Իսրայելցի գիտնականները կոչ են արել կառավարությանն անհապաղ դադարեցնել զենքի վաճառքն Ադրբեջանին
armenpress.am
с 01.01.2005г. сайт посещался
4 104 251

раз
National Academy of Sciences of the Republic of Armenia
Логотип НАН РА (черный, синий)
наверх Сайт последний раз обновлялся:  21:23, 27/11/2020 наверх
Главная страница - Об Академии - Организации - Члены - Связь с нами - Структура - COVID-19 - Отделения
Члены президиума - Документы - Инновационные предложения - Новости - Конференции - Все публикации в прессе
Все объявления - Фотогалерея - Видеогалерея - Газета "Гитутюн" - Фонды - Юбилеи
Публикации - Веб ресурсы - Другие академии - Университеты
Встреча с Нобелевским лауреатом в Линдау - Карта сайта
© Copyright 1998-2020, Все права защищены.
Сайт создан и поддерживается Академической научно-исследовательской компьютерной сетью Армении (ASNET-AM)
Вопросы и предложения можете посылать на электронный адрес webmaster {[ at ]} sci.am