National Academy of Sciences of the Republic of Armenia
ՀԱՅ  ENG  РУС
Home academy [@] sci.am
Գլխավոր էջ Ակադեմիայի մասին Կազմակերպություններ Անդամներ Կապ մեզ հետ
«Գիտություն» թերթ
N331 հունիս 2019թ.
N331
Կառուցվածք
Բաժանմունքներ
Նախագահության անդամներ
Փաստաթղթեր
Ինովացիոն առաջարկներ
Նորություններ
Գիտաժողովներ
Հրապարակումներ մամուլում
Հայտարարություններ
Լուսանկարներ
Տեսադարան
«Գիտություն» թերթ
Հիմնադրամներ
Հոբելյաններ
Հրատարակություններ
Վեբ ռեսուրսներ
Այլ ակադեմիաներ
Համալսարաններ
Լինդաուում Նոբելյան մրցանակի դափնեկրի հետ հանդիպում
Կայքի քարտեզ
Նորություններ
25/03/2019
ՀՀ ԳԱԱ բնական գիտությունների բաժանմունքն ամփոփեց 2018թ. գործունեության արդյունքները բաժանմունքի տարեկան ընդհանուր ժողովում

   Սույն թվականի մարտի 25-ին տեղի ունեցավ ՀՀ ԳԱԱ բնական գիտությունների բաժանմունքի տարեկան ընդհանուր ժողովը:
   ՀՀ ԳԱԱ բնական գիտությունների բաժանմունքի ակադեմիկոս-քարտուղար, ՀՀ ԳԱԱ թղթակից անդամ Ռուբեն Հարությունյանը ներկայացրեց 2018թ. գիտական և գիտակազմակերպական գործունեության հիմնական արդյունքները: Այսպիսով, բաժանմունքի կազմում ընդգրկված են հետևյալ գիտահետազոտական կազմակերպությունները` Էկոլոգանոոսֆերային հետազոտությունների կենտրոնը, «Հայկենսատեխնոլոգիա» գիտաարտադրական կենտրոնը, Կենդանաբանության և հիդրոէկոլոգիայի գիտական կենտրոնը, Ա.Թախտաջյանի անվան բուսաբանության ինստիտուտը, Հ.Բունիաթյանի անվան կենսաքիմիայի ինստիտուտը, Գ.Դավթյանի անվան հիդրոպոնիկայի պրոբլեմների ինստիտուտը, Մոլեկուլային կենսաբանության ինստիտուտը, Լ.Օրբելու անվան ֆիզիոլոգիայի ինստիտուտը:

20190325_5_body.jpg
    Բաժանմունքի կազմում ընդգրկված են` 7 ակադեմիկոս, 11 թղթակից և 27 արտասահմանյան անդամ, 12 պատվավոր դոկտոր:
    2018թ-ին տպագրվել է 298 հոդված (188-ն արտասահմանում), 140 թեզիս (92-ն արտասահմանում), 12 մենագրություն, 4 ուսումնական ձեռնարկ, և հատկացվել է 2 արտոնագիր: Անցկացվել է հանրապետական և միջազգային 16 գիտաժողով, որոնց մասնակցել է 904 մարդ (232-ն արտերկրից): Կազմակերպվել են քննարկումներ, այդ թվում` «Հիմնարար գիտության զարգացման հեռանկարները» ԱՊՀ գիտնականների 2018թ. ֆորումի շրջանակներում, «Կենսա-բժշկության ոլորտում Ռուսաստանի գիտությունների ակադեմիայի հետ համագործակցության քննարկումը» ՌԳԱ փոխնախագահ ակադեմիկոս Վ.Չեխոնինի հետ համատեղ և «Սևանա լճի էկոլոգիական հիմնահարցերը» ՀՀ ԳԱԱ-ին առընթեր Սևանա լճի պահպանության փորձագիտական հանձնաժողովի հետ համատեղ:
    Բնական գիտությունների բաժանմունքի տարեկան ժողովում ներկայացվեցին հետևյալ գիտական զեկուցումները՝

  • «Չարորակ ուռուցքների համաճարակաբանության պատկերը Հայաստանում» (Զեկ.` ՀՀ ԳԱԱ թղթ. անդամ Հ. Մ. Գալստյան)
  • «Հայաստանի շրջակա միջավայրի ռադիոակտիվության գնահատումը» (Զեկ.` կ.գ.թ. Օ. Ա. Բելյաևա)
  • «Ուռուցքների ֆոտոդինամիկ թերապիան և մանրէների ինակտիվացումը կենսաինժեներիայի մեթոդներով» (Զեկ.` կ.գ.թ. Գ. Վ. Գյուլխանդանյան)
  • «Բույսերի հիդրոպոնիկայի հեռանկարները Հայաստանում» (Զեկ.` կ.գ.թ. Ա. Հ. Թադևոսյան, կ.գ.թ. Խ. Ս. Մայրապետյան)
  • «Ապաբջջային սկաֆֆոլդների ստացում» (Զեկ.` կ.գ.թ. Ա. Գ. Քերյան)
  • «Հայաստանի էկոհամակարգերի պահպանման հեռանկարները» (Զեկ.` կ.գ.թ. Ա. Ս. Ալեքսանյան, կ.գ.դ. Գ. Մ. Ֆայվուշ)
  • «Նոր սերնդի հակամանրէային պատրաստուկների ստացումը և կիրառումը» (Զեկ.` կ.գ.թ. Ք. Ջ. Կարապետյան)
  • Մարդու մակաբույծների շրջապտույտը բնության մեջ (Զեկ.` կ.գ.թ. Ս. Ա. Աղայան)

   Կարևորագույն գիտական արդյունքներ

   «Հայկենսատեխնոլոգիա» ԳԱԿ

   «Հայկենսատեխնոլոգիա» ԳԱԿ-ն իր արտաբյուջետային միջոցների հաշվին իրականացնում է ինովացիոն ծրագրեր: Մասնավորապես, 2018 թ-ին Կենտրոնում գործող արտադրամասում ներդրվել են «Նարինե» ըմպելի և փոշենման կաթնաթթվային մթերքների ու մի շարք բուսական յուղերի արտադրություններ:

   Էկոլոգանոոսֆերային հետազոտությունների կենտրոն

   Անցկացվել են հետազոտություններ, որոնց արդյունքներով տեղական արտադրության կաթի և հանքալեռնային շրջաններում աճեցված պտուղ-բանջարեղենների համար հաշվարկված թունավոր տարրերի քաղցկեղածին ռիսկը գերազանցել է թույլատրելի սահմանը:
   Հայաստանի տարածքի ռադիոէկոլոգիական մոնիտորինգ. փուլ երկրորդ» թեմայի շրջանակներում  նմուշառվել է շրջակա միջավայրի տարբեր բաղադրիչների 60 ներկայացուցչական նմուշների հավաքածու, սկսվել են տարրալուծման աշխատանքներ:
   Էկոլոգանոոսֆերային հետազոտությունների կենտրոնը սննդի ոլորտում ռիսկի գնահատման վերաբերյալ սկսել է  համագործակցել Սննդամթերքի անվտանգության պետական ծառայության հետ:

   Կենդանաբանության և հիդրոէկոլոգիայի ԳԿ

   Կենդանաբանության և հիդրոէկոլոգիայի գիտական կենտրոնում ստեղծվել են երկու նոր գիտական խմբեր.

  • «Էկոլոգիական ռիսկերի և ազդեցությունների գնահատման» գիտական խումբ՝ ՀՀ ջրային պաշարների քիմիական և կենսաբանական աղտոտվածության և մարդու առողջության համար ռիսկերի գնահատման համար;
  • մոլեկուլային մակաբուծաբանության գիտական խումբ՝ մակաբուծային, վիրուսային և բակտերիոլոգիական հիվանդությունների և հարուցիչների ուսումնասիրության համար:

   Կատարվել է Սևանա լճի խորջրյա հատվածներ ջրաբանական, ջրաքիմիական և օդերևութաբանական ամենամսյա տվյալների հավաքագրում և վերլուծություն: Մշակվել է ջերմային ռեժիմի գնահատման  միաչափ մոդել, որի միջոցով գնահատվել է լճի ջրի ջերմաստիճանի ուղղահայաց վերջին 10 տարիների դինամիկան:

   Ա. Թախտաջյանի անվան Բուսաբանության ինստիտուտ

   Հայաստանի ֆլորայի կենսակարգաբանական ուսումնասիրությունների արդյունքում հայտնաբերվել են Հայաստանի համար, ինչպես նաև Կովկասի ֆլորայի համար նոր տեսակներ:
Ֆրանկֆուրտ-Մայն քաղաքի Սենկենբերգի անվան հնէաբանական ինստիտուտ-թանգարանի հետ համատեղ իրականացվել են հնէաբուսաբանական գիտահետազոտական աշխատանքներ Գերմանիայում և Հայաստանում։
Մեծ Բրիտանիայի Քյու Թագավորական բուսաբանական այգիների հետ համատեղ ծրագրի շրջանակում կատարվել է Հայաստանի ֆլորայի հազվադեպ բուսատեսակների հավաք:

   Գ.Ս. Դավթյանի անվան հիդրոպոնիկայի պրոբլեմների ինստիտուտ

    Գ.Դավթյանի անվան հիդրոպոնիկայի պրոբլեմների ինստիտուտը դիմել է ՀՀ պաշտպանության նախարարություն՝ ՀՀ     Բանակը համեմունքային բույսերի և թեյաբույսերի բուսահումքով ապահովելու նպատակով: Ինստիտուտը ստացել է պատասխան ՀՀ Զինված ուժերի գլխավոր շտաբի պետից, որի համաձայն նմուշները շուտով կենթարկվեն համապատասխան փորձաքննության, այնուհետև կփոխանցվեն անձնակազմին:
ՀՀ գյուղատնտեսության նախարարության հետ ձեռք է բերվել պայմանավորվածություն՝ մի շարք բույսերի բացօթյա հիդրոպոնիկ եղանակով արտադրության և ջերմատան կառուցման ծրագրեր ներկայացնելու մասին:

   Մոլեկուլային կենսաբանության ինստիտուտ

   Մոլեկուլային կենսաբանության ինստիտուտը մշակել և ՀՀ կառավարություն է ներկայացրել «Հայկական գենոմ» նախագիծը: Ինստիտուտի կենսաինֆորմատիկայի խումբն իրականացնում է գիտատեխնիկական ծառայությունների մատուցում, որից ստացված հասույթն այս տարի կկրկնապատկվի:

   Հ. Բունիաթյանի անվան կենսաքիմիայի ինստիտուտ

   Հաստավել է գալարմինի հակաքաղցկեղային ազդեցությունը in vitro պայմաններում Էռլիխի ասցիտային կարցինոմայով վարակված մկների քաղցկեղային բջիջների կախութային կուլտուրայի վրա: Կատարվել են ուսումնասիրություններ գալարմինի տարբեր չափաբաժինների ազդեցության ներքո գտնվող մկների քաղցկեղային բջիջների վրա:

   Լ. Օրբելու անվան ֆիզիոլոգիայի ինստիտուտ

   Թունաբանական հետազոտությունների արդյունքում  պատրաստ է գյուրզայի հակաթույնի պրոտոտիպը:

   ՀՀ ԳԱԱ Տեղեկատվական-վերլուծական ծառայություն
   25.03.2019թ.

Վերջին հայտարարություններ








ՀՀ ԳԱԱ Հայաստանի բժշկագիտություն հանդեսը ընդգրկվել է ԲՈԿ-ի կողմից ընդունելի հրատարակությունների ցանկում

Հայագիտական ուսումնասիրություները ֆինանսավորող համահայկական հիմնադրամը 2019 թ. հայտարարում է հայագիտական ուսումնասիրությունների նախագծերի մրցույթ, որոնք պետք է նպատակաուղղված լինեն հայագիտության բնագավառում կարևոր, արդիական հնչեղություն ունեցող խնդիրների լուծմանը

ՀՀ ԳԱԱ-ն հայտարարում է 2019թ-ի «ՀՀ ԳԱԱ համակարգի ինստիտուտների գիտական սարքավորումների սպասարկում, վերազինում, գիտափորձերի իրականացման համար նյութերի ձեռքբերում և չնախատեսված անհետաձգելի ծախսերի կատարում» և «ՀՀ ԳԱԱ համակարգի կազմակերպությունները սարքավորումներով վերազինում» ծրագրերից համակարգի կազմակերպություններին ֆինանսավորում տրամադրելու մրցույթ

ՀՀ ԳԱԱ-ն հայտարարում է «ՀՀ գիտությունների ազգային ակադեմիայի համակարգի գիտական գործուղումների իրականացում» ծրագրի միջոցներից 2019 թ. գիտական գործուղման ֆինանսավորման մրցույթ: Մրցույթն անցկացվելու է «ՀՀ գիտությունների ազգային ակադեմիայի համակարգի գիտական գործուղումների իրականացում» ծրագրի միջոցների օգտագործման կարգին համապատասխան

ՀՀ 2019թ. պետական բյուջեից ֆինանսավորման երաշխավորված գիտական միջոցառումների ցանկ

2019թ. սեպտեմբերի 23-ից 27-ը ՀՀ ԳԱԱ Մ.Գ. Մանվելյանի անվ. ընդհանուր և անօրգանական քիմիայի ինստիտուտը և ՀՀ ԳԱԱ քիմիայի և Երկրի մասին գիտությունների բաժանմունքը Երևանում կազմակերպում են «Քիմիա և քիմիական տեխնոլոգիաներ» VI միջազգային գիտաժողովը

ՀՀ ԳԱԱ Փիլիսոփայության, սոցիոլոգիայի և իրավունքի ինստիտուտը 2019 թ. նոյեմբերի 21-ին կազմակերպում է միջազգային գիտաժողով` նվիրված UNESCO-ի հռչակած փիլիսոփայության համաշխարհային օրվան: Լրացուցիչ տեղեկությունների համար՝ e-mail: jijyan@mail.ru

ՀՀ ԳԱԱ Փիլիսոփայության, սոցիոլոգիայի և իրավունքի ինստիտուտը 2019 թ. նոյեմբերի 26-ին կազմակերպում է գիտաժողով՝ նվիրված ՀՀ ԳԱԱ Փիլիսոփայության, սոցիոլոգիայի և իրավունքի ինստիտուտի 50-ամյակին: Լրացուցիչ տեղեկությունների համար՝ e-mail: jijyan@mail.ru

«Մատենադարանի երիտասարդ գիտաշխատողների միավորում» ՀԿ-ն 2019թ. նոյեմբերի 28-30-ը կազմակերպում է երիտասարդական 5-րդ գիտաժողովը, որն այս տարի նվիրված է Մաշտոցյան Մատենադարանի հիմնադրման 60-ամյակին

2019թ. հոկտեմբերի 15-ից 18-ը ՀՀ ԳԱԱ Մ. Աբեղյանի անվան գրականության ինստիտուտը, ՀՀ ԳԱԱ Հայագիտության և հասարակական գիտությունների բաժանմունքը և Երևանի պետական համալսարանը Երևանում կազմակերպում են հոբելյանական միջազգային գիտական նստաշրջան` նվիրված Հովհաննես Թումանյանի ծննդյան 150-ամյակին

2019թ. հոկտեմբերի 24-ին ՀՀ ԳԱԱ Մ. Աբեղյանի անվան գրականության ինստիտուտը կազմակերպում է հոբելյանական գիտական նստաշրջան՝ նվիրված Ակսել Բակունցի ծննդյան 120-ամյակին

Հրապարակումներ մամուլում
13/06/2019
Հայաստանի պատուհանը Բաշկիրիայում
hhpress.am
12/06/2019
«Ես նախկին իշխանությունների պալատական երգիչը չեմ եղել և չեմ էլ լինելու»
a1plus.am
11/06/2019
РАЗВИТИЕ ОСНОВАНО НА ИНТЕЛЛЕКТЕ
golosarmenii.am
08/06/2019
ИЗВЕРЖЕНИЕ ВУЛКАНА В ХХI ВЕКЕ МОЖЕТ ИЗМЕНИТЬ КЛИМАТ
golosarmenii.am
07/06/2019
Պատգամավոր. «Եթե արտասահմանյան դրամաշնորհները չլինեին, Հայաստանում գիտական սեկտորը վաղուց մահացած կլիներ»
hetq.am
31/05/2019
Հանրային խորհրդում քննարկվել է գիտատեխնոլոգիական կենտրոնի մասնաշենքերից մեկը մասնավոր ընկերությանը տրամադրելու հարցը
ankakh.com
Կայքը հաճախել են
1 752 732

անգամ սկսած 01.01.2005թ.
National Academy of Sciences of the Republic of Armenia
ՀՀ ԳԱԱ լոգոտիպ (սև, կապույտ)
Դեպի վեր Կայքը վերջին անգամ թարմացվել է՝  16:28, 17/07/2019 Դեպի վեր
Գլխավոր էջ - Ակադեմիայի մասին - Կազմակերպություններ - Անդամներ - Կապ մեզ հետ - Կառուցվածք - Բաժանմունքներ
Նախագահության անդամներ - Փաստաթղթեր - Ինովացիոն առաջարկներ - Նորություններ - Գիտաժողովներ - Հրապարակումներ մամուլում
Հայտարարություններ - Լուսանկարներ - Տեսադարան - «Գիտություն» թերթ - Հիմնադրամներ - Հոբելյաններ
Հրատարակություններ - Վեբ ռեսուրսներ - Այլ ակադեմիաներ - Համալսարաններ
Լինդաուում Նոբելյան մրցանակի դափնեկրի հետ հանդիպում - Կայքի քարտեզ
© Copyright 1998-2019, Բոլոր հեղինակային իրավունքները պաշտպանված են:
Կայքը պատրաստված է և սպասարկվում է Հայաստանի ակադեմիական գիտահետազոտական կոմպյուտերային ցանցի կողմից (ASNET-AM):
Հարցերի կամ առաջարկությունների համար կարող եք ուղարկել նամակ webmaster {[ at ]} sci.am էլեկտրոնային փոստին: