National Academy of Sciences of the Republic of Armenia
ՀԱՅ  ENG  РУС
Home academy [@] sci.am
Գլխավոր էջ Ակադեմիայի մասին Կազմակերպություններ Անդամներ Կապ մեզ հետ
«Գիտություն» թերթ
N333 սեպտեմբեր 2019թ.
N333
Կառուցվածք
Բաժանմունքներ
Նախագահության անդամներ
Փաստաթղթեր
Ինովացիոն առաջարկներ
Նորություններ
Գիտաժողովներ
Հրապարակումներ մամուլում
Հայտարարություններ
Լուսանկարներ
Տեսադարան
«Գիտություն» թերթ
Հիմնադրամներ
Հոբելյաններ
Հրատարակություններ
Վեբ ռեսուրսներ
Այլ ակադեմիաներ
Համալսարաններ
Լինդաու քաղաքում Նոբելյան մրցանակի դափնեկրի հետ հանդիպում
Կայքի քարտեզ
Նորություններ
25/03/2019
ՀՀ ԳԱԱ քիմիական և Երկրի մասին գիտությունների բաժանմունքն ամփոփեց 2018թ. գործունեության արդյունքները բաժանմունքի տարեկան ընդհանուր ժողովում

   Սույն թվականի մարտի 25-ին տեղի ունեցավ ՀՀ ԳԱԱ քիմիական և Երկրի մասին գիտությունների  բաժանմունքի տարեկան ընդհանուր ժողովը: Բաժանմունքի ակադեմիկոս-քարտուղար ՀՀ ԳԱԱ ակադեմիկոս Լևոն Թավադյանը ժողովի ընթացքում ներկայացրեց 2018թ. գիտական և գիտակազմակերպական գործունեության հիմնական արդյունքները: Այսպիսով, ՀՀ ԳԱԱ քիմիական և Երկրի մասին գիտությունների  բաժանմունքի կազմում ընդգրկված են Ա.Նալբանդյանի անվան քիմիական ֆիզիկայի, Մ.Մանվելյանի անվան ընդհանուր և անօրգանական քիմիայի, Երկրաբանական գիտությունների, Ա.Նազարովի անվան երկրաֆիզիկայի և ինժեներային սեյսմաբանության  ինստիտուտները, Օրգանական և դեղագործական քիմիայի գիտատեխնոլոգիական կենտրոնը (Օրգանական քիմիայի, Ա.Մնջոյանի անվան նուրբ օրգանական քիմիայի ինստիտուտներ, Մոլեկուլի կառուցվածքի ուսումնասիրման կենտրոն):
   2018 թվականին  բաժանմունքի ինստիտուտների կողմից տպագրվել է 301 հոդված (158-ն արտասահմանյան ամսագրերում), 84 թեզիս (19-ն արտասահմանում), 7 մենագրություն (2-ն արտասահմանում) և ստացվել է 4 արտոնագիր:
   Բաժանմունքի կազմում ընդգրկված են` ԳԱԱ 9 ակադեմիկոս, 6 թղթակից անդամ և 21 արտասահմանյան անդամ:  Բաժանմունքի գիտաշատողներ ք.գ.դ. Ս. Սիրականյանը և ք.գ.թ. Ա. Հովակիմյանն արժանացել են ՀՀ  Նախագահի մրցանակին, Հ. Բաբայանը, Ռ. Ջրբաշյանը, Է. Խաչիյանը, Ա. Կարախանյանը (հետմահու) պարգևատրվել են «Համագործակցություն հանուն փրկության» ԱԻՆ մեդալով, ԱԻՆ մեդալով պարգևատրվել են՝ Բ. Կարապետյանը, Ս. Հովհաննիսյանը,   Վ. Գրիգորյանը, Է. Գյոդակյանը, Ա. Հովսեփյան, Ս.Դարբինյանը, Հ.Բաբաջանյանը, Լ.Մխիթարյանը:

20190325_3_body.jpg
   Ժողովի ընթացքում ներկայացվեցին հետևյալ գիտական զեկուցումները՝

  1. «Կրիտիկական երևույթներ և ալիքային պրոցեսներ՝ էլեկտրական հոսանքով մետաղների տաքացման ժամանակ», զեկ.` ՀՀ ԳԱԱ թղթ.անդամ Ս. Խառատյան:
  2. «Բիս-հետերոարենների հենքի վրա կառուցված կենսաակտիվ, ֆոտովոլտայիկ և  լյումինեսցենտ հատկություններով օժտված նյութերի սինթեզ», զեկուցող` ՀՀ ԳԱԱ թղթ.անդամ Գ.Դանագուլյան
  3. «Երկրաշարժերի պարսեր Գեղամի հրաբխային բարձրավանդակում (Հայաստան)», զեկուցող` ե.գ.թ. Լ.Սարգսյան, ե.գ.դ. Խ.Մելիքսեթյան:
  4. «Սերպենտինացված ուլտրամաֆիտների մշակման նոր տեխնոլոգիաների ներդրման խնդիրները և հեռանկարները», զեկուցող` տ.գ.թ.  Ա. Իսահակյան:

   Բաժանմունքի կարևորագույն արդյունքներ
   ՕՐԳԱՆԱԿԱՆ ԵՎ ԴԵՂԱԳՈՐԾԱԿԱՆ ԳԻՏԱՏԵԽՆՈԼՈԳԻԱԿԱՆ ԿԵՆՏՐՈՆ

  • Հակաքաղցկեղային նոր տիպի թիրախային հատկություններով օժտված միացությունների որոնումների ուղղությամբ ստացվել են  2,5,6,7-ֆունկցիոնալ տեղակալված 5,8-դիհիդրոպիրիդո[2,3-d]պիրիմիդին-4(3H)-ոնային նոր ածանցյալներ: Մշակվել է նրանց մեկ փուլով եռակոմպոնենտ սինթեզի եղանակ (ղեկ.՝ Թ.Ռ. Հովսեփյան):

   ՔԻՄԻԱԿԱՆ ՖԻԶԻԿԱՅԻ ԻՆՍՏԻՏՈՒՏ

  • Տրոլոքսի և ասկորբինաթթվի հետ ֆլավոնոիդայն խառնուրդների  ոչ- ադդիտիվ ազդեցության մեխանիզմը(սինեգետիզմ, անտագոնիզմ)
  • Միկրոալիքային եղանակով գերամուր B4C-ReB2 կոմպոզիտի սինթեզ: 

- Կոմպոզիտը կարող է կիրառվել կտրող, հորատող և ողորկող գործիքների, ինչպես նաև զրահաբաճկոնների արտադրությունում:

  • Ոչ իզոթերմ պայմաններում NiO, WO3 օքսիդների վերականգնումը Mg/C համակցված վերականգնիչով: Սիներգետիկական էֆեկտ:

   ԸՆԴՀԱՆՈՒՐ ԵՎ ԱՆՕՐԳԱՆԱԿԱՆ ՔԻՄԻԱՅԻ ԻՆՍՏԻՏՈՒՏ

  • Ֆոսֆորսիլիկատային ապակիների երկաստիճանային  բյուրեղացմամբ, և որպես հիմնական  ֆազեր` Ca2Al(AlSiO7) և Ca2Mg(Si2O7) պինդ լուծույթների անջատմամբ, սինթեզվել են թափանցիկ բիոսիտալներ: Հետազոտվել են     CaO-CaF2-Al2O3-SiO2 համակարգում (SiO2 10-15; CaF 5 մոլ%) 3CaOAl2O3-ի առաջացման և կայունության տիրույթները 1200-14500C միջակայքում (ղեկ.` տ.գ.դ. Ն. Կնյազյան):

   ԵՐԿՐԱԲԱՆԱԿԱՆ ԳԻՏՈՒԹՅՈՒՆՆԵՐԻ ԻՆՍՏԻՏՈՒՏ

  • Նորագույն կառուցվածքաերկրաբանական և երկրադինամիկ հետազոտությունների հիման վրա առաջարկվել է Արարատյան գոգավորության ձևավորման նոր մոդել:

   ԵՐԿՐԱՖԻԶԻԿԱՅԻ ԵՎ ԻՆԺԵՆԵՐԱՅԻՆ ՍԵՅՍՄԱԲԱՆՈՒԹՅԱՆ ԻՆՍՏԻՏՈՒՏ

  • Մշակվել են ռենտգենառադիոմետրական մեթոդով երակային տիպի հանքամարմինների նմուշարկման և ստացված անոմալիաների մեկնաբանման եղանակներ՝ կախված չափող սարքերի զոնդերի կառուցվածքային առանձնահատկություններից (ղեկ.՝ ե.գ.դ. Ա. Թամրազյան):
  • «Օջախ-ծավալ» սեյսմիկ մոդելի հենքի վրա տրվել է ուժեղ երկրաշարժերի օջախային գոտիների սեյսմատեկտոնական բնութագիր, կազմվել է ՀՀ տարածքի երկրակեղևի սեյսմաակտիվ բեկորների սխեմատիկ քարտեզ: Հայտնի էմպիրիկ կախվածությունների հիման վրա գնահատվել է այդ բեկորների սահմաններում հնարավոր մաքսիմալ մագնիտուդի արժեքը (ղեկ.՝ ե-հ.գ.թ. Հ. Գասպարյան):
  • Պատրաստվել և փորձարկվել է 1Հց սեփական տատանման հաճախականություն ունեցող դյուրակիր սեյսմիկ տվիչ ինժեներային սեյսմաբանության խնդիրները լուծելու նպատակով (ղեկ.՝ Ա. Գասպարյան):

   ԻՆՈՎԱՑԻՈՆ ԱՌԱՋԱՐԿՆԵՐ
   ՕՐԳԱՆԱԿԱՆ ԵՎ ԴԵՂԱԳՈՐԾԱԿԱՆ ԳԻՏԱՏԵԽՆՈԼՈԳԻԱԿԱՆ ԿԵՆՏՐՈՆ

  • Նոր կոմպոզիցիոն սորբենտներ կենսատեխնոլոգիայի և դեղագործության համար (Առաջատար  գիտ. աշխատող, ք. գ. դ. Ս. Գ. Գրիգորյան)

- Մշակված է մոնոմերային և նոր օլիգոմերային բիս-ակրիլամիդների սինթեզման եղանակը միջֆազային սինթեզի պայմաններում, իրականացվել է կերամիկական մոնոլիտի և սիլիկագելի վրա նրանց պոլիմերումը և համապոլիմերումը ստիրոլի և մեթիլմետակրիլատի հետ: Ուսումնասիրվել են ստացված պոլիամիդային ծածկույթով նոր կոմպոզիցիոն սորբենտների կառուցվածքը, մորֆոլոգիան և ծակոտկեն հատկությունները:
  
     ԸՆԴՀԱՆՈՒՐ ԵՎ ԱՆՕՐԳԱՆԱԿԱՆ ՔԻՄԻԱՅԻ ԻՆՍՏԻՏՈՒՏ

  • Ալյումասիլիկատներից երկարատև գործող պարարտանյութերի ստացման նոր եղանակի մշակում (ղեկ.` Գրիգորյան Կ.Գ.):
  • Բազմամետաղային օքսիդացած հանքանյութերից ֆլոտացումով պղնձի, մոլիբդենի, ցինկի և կապարի կորզում և տեխնոլոգիական հիմունքների մշակում (ղեկ.` տ.գ.դ. Ա. Հովսեփյան):

    ԵՐԿՐԱԲԱՆԱԿԱՆ ԳԻՏՈՒԹՅՈՒՆՆԵՐԻ ԻՆՍՏԻՏՈՒՏ

  • Թումանյան համայնքում ակտիվացած սողանքի երկրաֆիզիկական և ինժեներաերկրաբանական աշխատանքները:

   Սողանքները վտանգ են ներկայացնում միջպետական տրանսպորտային ավտոմոբիլային և երկաթուղային հաղորդակցության, գազատարի համար, ինչպես նաև Դեբետ գետի պատնեշման վտանգի առկայության դեպքում: ԵԳԻ աշխատանքների հիման վրա ՀՀ ԱԻՆ կողմից միջոցներ են ձեռնարկվել հակասողանքային կանխարգելման գործընթացում՝ կայունացնելով սողանքը:

  • Ոսկու և արծաթի տեղաբաշխումը Քաջարանի պղինձ-մոլիբդենային հանքավայրում

- Քաջարանի գործող պղինձ-մոլիբդենային հանքավայրի բաց հանքի դարավանդների փաստագրմամբ իրականացված հանքաբանաերկրաքիմիական ուսումնասիրությունների արդյունքում որոշվել են հանքանյութում ոսկու և արծաթի տեղաբաշխման առանձնահատկությունները, առանձին միներալների ոսկեբերության և արծաթաբերության հեռանկարները:

   ԵՐԿՐԱՖԻԶԻԿԱՅԻ ԵՎ ԻՆԺԵՆԵՐԱՅԻՆ ՍԵՅՍՄԱԲԱՆՈՒԹՅԱՆ ԻՆՍՏԻՏՈՒՏ

  • Նախագծվել, պատրաստվել և ներդրվել է հորատանցքերում ջրի մակարդակի ստուգիչ-չափիչ, մոբիլ համակարգ (ղեկ.՝ Ս. Շահպարոնյան):
  • Մշակվել և Թուրքմենստանում ներդրվել է ջրի մակարդակի ստուգիչ-չափիչ հեռակառավարվող համակարգ (ղեկ.՝ ե.գ.թ. Ջ.Կարապետյան):
  • Նախագծվել և Արագածում, Նոր Ամբերդում ներդրվել են ժամանակակից պահանջներին համապատասխան սեյսմիկ կայաններ՝ գլոբալ մշտադիտարկման նպատակով (ղեկ.՝ ե.գ.թ. Ջ.Կարապետյան):


   ՀՀ ԳԱԱ Տեղեկատվական-վերլուծական ծառայություն
   25.03.2019թ.

Վերջին հայտարարություններ








Կյանքից հեռացավ ՀՀ ԳԱԱ Մոլեկուլային կենսաբանության ինստիտուտի փոխտնօրեն Հակոբ Դևեջյանը

Ընդունվում են Վիկտոր Համբարձումյանի անվան միջազգային գիտական մրցանակի 2020թ. հայտերը

2019թ. հոկտեմբերի 15-ից 18-ը ՀՀ ԳԱԱ Մ. Աբեղյանի անվան գրականության ինստիտուտը, ՀՀ ԳԱԱ Հայագիտության և հասարակական գիտությունների բաժանմունքը և Երևանի պետական համալսարանը Երևանում կազմակերպում են հոբելյանական միջազգային գիտական նստաշրջան` նվիրված Հովհաննես Թումանյանի ծննդյան 150-ամյակին

2019թ. հոկտեմբերի 21-26-ը ՀՀ ԳԱԱ Ֆիզիկայի կիրառական պրոբլեմների ինստիտուտը Երևանում և Մեղրիում կազմակերպում է «Էլեկտրոնների, պոզիտրոնների, նեյտրոնների և ռենտգենյան ճառագայթների ցրումն արտաքին ազդակների առկայությամբ» ավանդական միջազգային գիտաժողով և Գ.Ա. Ասկարյանի անվան երիտասարդ գիտնականների դպրոցը

2019թ. հոկտեմբերի 24-ին ՀՀ ԳԱԱ Մ. Աբեղյանի անվան գրականության ինստիտուտը կազմակերպում է հոբելյանական գիտական նստաշրջան՝ նվիրված Ակսել Բակունցի ծննդյան 120-ամյակին

ՀՀ ԳԱԱ մոլեկուլային կենսաբանության ինստիտուտը 2019 թ. նոյեմբերի 7-ին կազմակերպում է սեմինար «Թունավոր միացությունների ազդեցություններ և քաղցկեղ. կրթությունից մինչև հետազոտություն» խորագրով: Դասախոսություններն անց են կացվելու անգլերեն լեզվով Հելգա Շտոպպերի, Էյլուլ Բանկօղլուի և Ջիմա Կոնդանդարամանի կողմից: Գրանցման վերջնաժամկետը՝ նոյեմբերի 4

ՀՀ ԳԱԱ Փիլիսոփայության, սոցիոլոգիայի և իրավունքի ինստիտուտը 2019 թ. նոյեմբերի 21-ին կազմակերպում է միջազգային գիտաժողով` նվիրված UNESCO-ի հռչակած փիլիսոփայության համաշխարհային օրվան: Լրացուցիչ տեղեկությունների համար՝ e-mail: jijyan@mail.ru

ՀՀ ԳԱԱ Փիլիսոփայության, սոցիոլոգիայի և իրավունքի ինստիտուտը 2019 թ. նոյեմբերի 26-ին կազմակերպում է գիտաժողով՝ նվիրված ՀՀ ԳԱԱ Փիլիսոփայության, սոցիոլոգիայի և իրավունքի ինստիտուտի 50-ամյակին: Լրացուցիչ տեղեկությունների համար՝ e-mail: jijyan@mail.ru

«Մատենադարանի երիտասարդ գիտաշխատողների միավորում» ՀԿ-ն 2019թ. նոյեմբերի 28-30-ը կազմակերպում է երիտասարդական 5-րդ գիտաժողովը, որն այս տարի նվիրված է Մաշտոցյան Մատենադարանի հիմնադրման 60-ամյակին

Լինդաու քաղաքում Նոբելյան մրցանակակիրների հետ 70-րդ հանդիպում

Հրապարակումներ մամուլում
14/10/2019
Մերկուրին կանցնի արեգակի սկավառակի վրայով
hetq.am
11/10/2019
​Հայաստան. գիտական աստիճանների համապատասխանեցում եվրոպական չափանիշներին
ankakh.com
09/10/2019
Մահացել է ՀՀ ԳԱԱ էկոլոգանոոսֆերային հետազոտությունների կենտրոնի հիմնադիր տնօրեն Արմեն Սաղաթելյանը. հոգեհանգիստը` հոկտեմբերի 10-ին
www.aysor.am
16/09/2019
ՀՀ-ում կգործի սողունների պահպանման ու բազմացման կենտրոն
news.1tv.am
23/07/2019
Գիտության տոն նոր ուսումնական տարում
hhpress.am
13/06/2019
Հայաստանի պատուհանը Բաշկիրիայում
hhpress.am
Կայքը հաճախել են
1 794 272

անգամ սկսած 01.01.2005թ.
National Academy of Sciences of the Republic of Armenia
ՀՀ ԳԱԱ պատկերանիշ (սև, կապույտ)
Ճիշտ տառատեսակի արտապատկերման համար ներբեռնեք և տեղադրեք Arian AMU.ttf
Դեպի վեր Կայքը վերջին անգամ թարմացվել է՝  23:45, 19/10/2019 Դեպի վեր
Գլխավոր էջ - Ակադեմիայի մասին - Կազմակերպություններ - Անդամներ - Կապ մեզ հետ - Կառուցվածք - Բաժանմունքներ
Նախագահության անդամներ - Փաստաթղթեր - Ինովացիոն առաջարկներ - Նորություններ - Գիտաժողովներ - Հրապարակումներ մամուլում
Հայտարարություններ - Լուսանկարներ - Տեսադարան - «Գիտություն» թերթ - Հիմնադրամներ - Հոբելյաններ
Հրատարակություններ - Վեբ ռեսուրսներ - Այլ ակադեմիաներ - Համալսարաններ
Լինդաու քաղաքում Նոբելյան մրցանակի դափնեկրի հետ հանդիպում - Կայքի քարտեզ
© Copyright 1998-2019, Բոլոր հեղինակային իրավունքները պաշտպանված են:
Կայքը պատրաստված է և սպասարկվում է Հայաստանի ակադեմիական գիտահետազոտական կոմպյուտերային ցանցի կողմից (ASNET-AM):
Հարցերի կամ առաջարկությունների համար կարող եք ուղարկել նամակ webmaster {[ at ]} sci.am էլեկտրոնային փոստին: