National Academy of Sciences of the Republic of Armenia
ՀԱՅ  ENG  РУС
Home academy [@] sci.am
General Page About Academy Organisations Members Contact us
"Gitutyun" newspaper
N326 January 2019
N326
Structure
Divisions
Presidium Members
Documents
Innovation Proposals
News
Conferences
All Publications in Press
All Announcements
Photogallery
Videogallery
"Gitutyun" newspaper
Funds
Anniversaries
Publications
Web Resources
Other Academies
Universities
Lindau Nobel Laureate Meeting
Sitemap
News
27/06/2018
ՀՀ գիտությունների ազգային ակադեմիան և ՉԺՀ Ճարտարագիտության ակադեմիան ստորագրեցին համագործակցության հուշագիր

   Սույն թվականի հունիսի 26-ին Հայաստանի Հանրապետության գիտությունների ազգային ակադեմիան (ՀՀ ԳԱԱ) և Չինաստանի Ժողովրդական Հանրապետության (ՉԺՀ) ճարտարագիտության ակադեմիան ստորագրեցին ճարտարագիտության  և տեխնիկական գիտությունների ոլորտներում  համագործակցության  հուշագիր:
   Հուշագիրը ստորագրեցին ՀՀ ԳԱԱ նախագահ ակադեմիկոս Ռադիկ Մարտիրոսյանը և ՉԺՀ ճարտարագիտության ակադեմիայի գործադիր փոխնախագահ Պան Յունհեն:

    20180627_body2.jpg
   «Մենք շատ բարձր ենք գնահատում չինական գիտական կազմակերպությունների հետ մեր համագործակցությունը: Հայ-չինական հարաբերությունները մեծ պատմություն ունեն: Հին պատմական փաստաթղթերում կարելի է գտնել հիշատակումներ չինական կազմակերպությունների հետ հատկապես առևտրային կապերի մասին: Առաջին հերթին դա վերաբերում է Մետաքսի ճանապարհին: Անցած տարի մեր ակադեմիայի պատվիրակությունը մասնակցեց Չինաստանում Մետաքսի ճանապարհին նվիրված մեծ գիտաժողովի: Եվ մենք այլ երկրների հետ միասին ստորագրեցինք համաձայնագիր հետագա համագործակցության մասին: Երեկ Չինաստանում ստորագրվեց համաձայնագիր Հայաստանի միջազգային գործարար կապերի աջակցման խորհրդի և Չինաստանի համապատասխան մարմինների հետ տնտեսական հարաբերությունների զարգացման մասին: Ես կարծում եմ, որ մենք այսօր կշարունակենք այդ լավ ավանդույթը և կջանանք, որ այդ հարաբերությունները լրացվեն բովանդակությամբ, հստակ նպատակներով, ծրագրերով, որոնք կնպաստեն մեր երկրների գիտության, տեխնոլոգիաների, տնտեսության զարգացմանը»,- իր ելույթում մասնավորապես ասաց ՀՀ ԳԱԱ նախագահ ակադեմիկոս Ռադիկ Մարտիրոսյանը` նշելով, որ 2017թ-ին ՀՀ ԳԱԱ-ն համագործակցության համաձայնագիր է ստորագրել նաև Չինաստանի հասարակական գիտությունների ակադեմիայի հետ:

20180627_body.jpg
   «Հայ-չինական հարաբերությունները երկարամյա պատմություն ունեն դեռ Մետաքսի ճանապարհի ժամանակներից, երբ երկու երկրների միջև առևտրային կապեր կային: Չինաստանն այս նոր դարաշրջանում նոր տեխնոլոգիաների հիման վրա մտադիր է առաջ մղել Մետաքսի ճանապարհի զարգացումը: Եթե նախկինում Չինաստանի տնտեսության շարժիչները ներդրումներն էին, ապա վերջին 10 տարում ինովացիաներն են: Այսօր ոչ միայն մասնագետներն են ուշադրություն դարձնում տեխնոլոգիաների զարգացմանը, այլև կառավարությունը, ձեռնարկությունները` զարգացման գործընթացն արագացնելու համար: Չինաստանի ճարտարագիտության ակադեմիան Չինաստանի ամենահեղինակավոր ուղեղային կենտրոնն է, որը տեխնոլոգիաների զարգացման ոլորտի վերաբերյալ իր խորհուրդներն է ներկայացնում բարձր ղեկավարության համար: Ներկայումս մեր գործունեության առաջնահերթային ուղղություններից է Մետաքսի ճանապարհի երկրների հետ համագործակցության խորացումը»,- իր ելույթում ասաց ՉԺՀ ճարտարագիտության ակադեմիայի գործադիր փոխնախագահ Պան Յունհեն:
   Հանդիպմանը չինացի և հայ մասնագետները հանդես եկան ինովացիոն տեխնոլոգիաների վերաբերյալ զեկուցումներով: Առանձնահատուկ ուշադրություն դարձվեց համագործակցության ձևերին:
   Հուշագրի ստորագրմամբ նախատեսվում է տեղեկատվության փոխանակում, համատեղ հետազոտական աշխատանքներ, ուսումնական ծրագրեր:

   ՀՀ ԳԱԱ Տեղեկատվական-վերլուծական ծառայություն
   27.06.2018թ.

Latest Announcements
Publications in Press
13/02/2019
Կփորձեմ ջանքերս ներդնել գիտության նկատմամբ հարգանքն ու գնահատանքը բարձրացնելու համար. Նիկոլ Փաշինյանը պարգևատրել է Վ. Համբարձումյանի անվան միջազգային մրցանակի արժանացած գիտնականներին
primeminister.am
13/02/2019
Նիկոլ Փաշինյանը պարգևատրել է Վ. Համբարձումյանի անվան միջազգային մրցանակի արժանացած գիտնականներին
hetq.am
13/02/2019
Երևանում 300 հազար դոլար հանձնվեց երեք աստղաֆիզիկոսների
shantnews.am
13/02/2019
Միջազգային գիտական մրցանակները հանձնեց Նիկոլ Փաշինյանը
news.1tv.am
13/02/2019
Աստղագիտության մեջ Հայաստանը մեծ երկիր է. մրցնակակիր գիտնական
panorama.am
11/02/2019
Կյանքից հեռացավ ականավոր բանագետ Սարգիս Հարությունյանը
shoghakat.am
This site has been visited
1 684 644

times since 01.01.2005
National Academy of Sciences of the Republic of Armenia
NAS RA Logo (black, blue)
Top Website last updated on:  15:55, 18/02/2019 Top
General Page - About Academy - Organisations - Members - Contact us - Structure - Divisions
Presidium Members - Documents - Innovation Proposals - News - Conferences - All Publications in Press
All Announcements - Photogallery - Videogallery - "Gitutyun" newspaper - Funds - Anniversaries
Publications - Web Resources - Other Academies - Universities
Lindau Nobel Laureate Meeting - Sitemap
© Copyright 1998-2019, All Rights Reserved.
Website is created and supported by Academical Scientific Research Computer Network of Armenia (ASNET-AM)
For any suggestions write to webmaster {[ at ]} sci.am