National Academy of Sciences of the Republic of Armenia
ՀԱՅ  ENG  РУС
Home academy [@] sci.am
General Page About Academy Organisations Members Contact us
"Gitutyun" newspaper
N319 June 2018
N319
Structure
Divisions
Presidium Members
Documents
News
Conferences
All Publications in Press
All Announcements
Photogallery
"Gitutyun" newspaper
Funds
Anniversaries
Publications
Web Resources
Other Academies
Universities
Lindau Nobel Laureate Meeting
Sitemap
News
27/03/2018
ՀՀ ԳԱԱ-ի Մաթեմատիկական և տեխնիկական գիտությունների բաժանմունքն ամփոփեց 2017թ-ի գործունեության արդյունքները բաժանմունքի տարեկան ընդհանուր ժողովում

   Սույն թվականի մարտի 27-ին տեղի ունեցավ ՀՀ ԳԱԱ-ի Մաթեմատիկական և տեխնիկական գիտությունների  բաժանմունքի տարեկան ընդհանուր ժողովը:
   ՀՀ ԳԱԱ-ի Մաթեմատիկական և տեխնիկական գիտությունների բաժանմունքի կազմում ընդգրկված են՝ Մաթեմատիկայի, Մեխանիկայի, Ինֆորմատիկայի և ավտոմատացման պրոբլեմների ինստիտուտները, «Հիդրոմեխանիկայի և վիբրոտեխնիկայի բաժին» ՓԲԸ-ն:
   Բաժանմունքի կազմում ընդգրկված են` ՀՀ ԳԱԱ 14 ակադեմիկոս, 9 թղթակից անդամ, 28 արտասահմանյան անդամ, 5 պատվավոր դոկտոր:
   2017թ-ին բաժանմունքի գիտաշխատողները տպագրել են  2  մենագրություն, որոնցից 2-ը` արտերկրում, միջազգային 2 գիտաժողովների ժողովածու, 3  ուսումական  ձեռնարկ, 226 հոդված, որոնցից 91-ը` արտերկրում:
   Բաժանմունքի ինստիտուտները կազմակերպել են 2 միջազգային գիտաժողով:
   Հրատարակվել են` «ՀՀ ԳԱԱ տեղեկագիր. Մաթեմատիկա» (4 համար), «ՀՀ ԳԱԱ տեղեկագիր. Մեխանիկա» (4 համար) հանդեսները, «Հայկական մաթեմատիկական հանդես» էլեկտրոնային ամսագիրը (2 համար), Ինֆորմատիկայի և ավտոմատացման պրոբլեմների ինստիտուտի գիտական աշխատությունների ժողովածուն` «Կիբերնետիկայի և հաշվողական տեխնիկայի մաթեմատիկական հարցեր» (2 համար): Ժողովածուն հրատարակվում է 1964թ-ից:
   Ժողովի ընթացքում 2017թ-ի գիտական և գիտակազմակերպական գործունեության հիմնական արդյունքները ներկայացրեց բաժանմունքի ակադեմիկոս-քարտուղար ՀՀ ԳԱԱ ակադեմիկոս Լենսեր Աղալովյանը:

20180327_m3.jpg

Այնուհետև ներկայացվեցին հետևյալ գիտական զեկուցումները՝

  • «Ֆուրյեի շարքերի ուժեղ գումարման խնդրի մասին», զեկուցող` Ֆ.-մ. գ.դ. Գ.Ա. Կարագուլյան
  • «Ֆիզիկական և/կամ կառուցվածքային անհամասեռություններովէլեկտրաառաձգական ալիքատարներ», զեկուցող` ՀՀ ԳԱԱ  թղթակից անդամ Ա.Ս.Ավետիսյան
  • «Դինամիկ կայուն կոոպերացիա» զեկուցող`ՀՀ ԳԱԱ արտասահմանյան անդամ  Լեոն Պետրոսյան (ՌԴ)  
  • «Ազատ եզրով խնդիրներ, ակնարկ» զեկուցող`ՀՀ ԳԱԱ արտասահմանյան անդամ  Հենրիկ Շահղուլյան (Շվեդիա)
  • «Ամպային հաշվարկների հնարավորությունները և մարտահրավերները» զեկուցող`տ.գ.թ Հ.Վ. Ասցատրյան
  • «Ադապտիվ սպեկտրոէլիպսոմետրիկ տեխնոլոգիա ջրային էկոհամակարգերի  ախտորոշման համար» զեկուցող` ՀՀ ԳԱԱ արտասահմանյան անդամ Ֆերդինանդ Մկրտչյան (ՌԴ)        

   Բաժանմունքի հիմնարկների կարևորագույն տեսական-կիրառական արդյունքներ
   Մաթեմատիկայի ինստիտուտ

  • Սահմանվել և հետազոտվել են երկու և ավելի փուլերով քառակուսացվող մակերևույթներ: Ապացուցվել է համապատասխան խնդիրների լուծման գոյությունը, ինչպես նաև ստացվել են ողորկության և որակական նկարագրությանը վերաբերվող արդյունքներ: Ապացուցվել է երեք և ավելի կարգի հանգուցային կետերի  առաջացման անհնարինությունը:
  • Տվյալ տիրույթում մերոմորֆ ֆունկցիաների համար առաջարկվել է մի նոր մոտեցում, որը հնարավորություն է տալիս ստանալ նրանց ածանցյալների ստորին գնահատականները:
  • Ուսումնասիրվել է էներգիա հավանականություն կապը դասական վիճակագրական ֆիզիկայի անվերջ համակարգերի համար:
  • Ավարտուն տեսքի է հասցվել փաթեթի ինտեգրալ ու դիսկրետ հավասարումների տեսության մի ուղղություն, որը հիմնված է օպերատորային ֆակտորիզացիայի, ռեդուկցիայի հատուկ մեթոդների և վերջավոր տեպլիցյան օպերատորների շրջման նոր եղանակի վրա:
  • Հայտնաբերվել է մի հայտանիշ, որը թույլ է տալիս ստանալ համարժեք դիֆերենցելիության բազիսների լայն դասեր:
  • Ուսումնասիրվել են կիսաառանցքի և ամբողջ առանցքի վրա ոչ կոմպակտ օպերատորներով փաթեթի տիպի ոչ գծային ինտեգրալ հավասարումների որոշ դասերի լուծման գոյության և կառուցվող լուծումների ասիմտոտիկ վարքի ուսումնասիրության հարցերը:

20180327_m1.jpg

   Մեխանիկայի ինստիտուտ

  • Որպեսզի նվազագույնի հասցվի արտաքին գործոնների ազդեցությունը Երկրագնդի լիտոսֆերային սալերի և նրա առանձին հատվածների ներսում ընթացող պրոցեսների գնահատման ճշտության վրա, սեյսմոլոգիայում, որպես կանոն, չափիչ սարքերը (թեքաչափեր, դեֆորմոգրաֆներ) աշխատում են տեղադրել արտաքին մակերևույթից որոշ խորության վրա: Շերտավոր սալ-փաթեթի համար լուծվել է առաձգականության տեսության համապատասխան տարածական խնդիրը, երբ չափիչ տվյալները վերցրված են փաթեթի  K-րդ շերտի մակերևույթի կետերից:
  • Չօգտագործելով որևէ տեսակի պլաստիֆիկատոր` ՀՀ տարածքում տարածված կարբոնատային կազմով սուֆուզիոն անկայուն սպիտակահողերի հիման վրա մշակվել է բաղադրությունում մինչև 10% պորտլանդ ցեմենտ պարունակող 10ՄՊա ամրությամբ օժտված ցեմենտագրուն -տե կոմպոզիտների ստացման տեխնոլոգիա: Այն կարող է կիրառվել շինարարական որոշ արտադրատեսակների` շինությունների հիմքերում օգտագործվող մեծաղյուսների, ինչպես նաև միջնորմային սալերի, սնամեջ մեծաղյուսների արտադրման նպատակով:
  • Ուսումնասիրվել է ակուստիկ ալիքների տարածումը առաձգական հարթ շերտալիքատարում՝ Կոսերայի միջավայրի պարզեցված մոդելի հաշվառմամբ: Ցույց է տրված, որ հարթ դեֆորմացիայի ալիքային ազդանշանի դեպքում միկրոպոլյար հատկությունը կարող է բերել նոր տիպի տեղայնացված ալիքի տարածման:
  • Արտածված է մագնիսաստրիկցիոն կիսատարածությունում սահքի մակերևույթային ալիքի տարածման արագության որոշման բանաձև, երբ միջավայրը գտնվում է շարժման հարթությանն ուղղահայաց մագնիսական դաշտում:
  • Ուսումնասիրվել է հավասար հաստությամբ երկու տարասեռ շերտերի հաջորդաբար միացումից ստացված կտոր առ կտոր համասեռ հարթության հարթ դեֆորմացիոն վիճակը, երբ այն՝ շերտերի միջին գծերի վրա պարունակում է  ներքին ճաքերի երկպարբերական համակարգ: Ստացվել են պարզ հաշվարկային բանաձևեր ճաքերի ծայրակետերում քայքայող լարումների ինտենսիվության գործակիցների համար:
  • Առաջարկված է մատակարարման պրոցեսի մաթեմատիկական մոդել, որի հիմնական տարրը հանդիսանում է ղեկավարվող բազմօղակ մանիպուլյատորը, որն ավտոմատ կերպով ապահովում է օբյեկտների անընդհատ աշխատանքը, կախված մատակարարման պրոցեսի նշանակությունից:

20180327_m2.jpg

   Ինֆորմատիկայի և ավտոմատացման պրոբլեմների ինստիտուտ

  • Նկարագրվել են հավասարակշռված երկմասնյա զույգ համացիկլիկ բոլոր կողմնորոշված գրաֆները տրված պայմանների դեպքում:
  • Ստեղծվել է բջջային ավտոմատը մոդելավորող բազմաօգտատեր ծրագրային փաթեթ երկչափ և եռաչափ արտապատկերման հնարավորությամբ, որը հնարավորություն է տալիս օգտագործողներին աշխատել ինչպես առանձին, այնպես էլ միևնույն մոդելի վրա միևնույն պահին՝ անկախ աշխարհագրական դիրքից:
  • Մշակվել է բաց բանալիով ծածկագրական համակարգ հիմնված պրիմիտիվ և  տեղադրության բազմանդամների վրա: Կառուցվել են նաև կոդավորման և ապակոդավորման ալգորիթմներ ավելի մեծ այբուբենների վրա կառուցված կոդերի համար  (ղեկ.՝ ակադ. Գ.Խաչատրյան):
  • Մշակվել են պատկերների ավտոմատացված ճանաչման մեթոդներ, որոնց միջոցով հնարավոր է որոշ տիպի ֆիզիկական օբյեկտների համար կատարել նրանց ճանաչման և դասակարգման գործողությունները:
  • Ապացուցվել է այնպիսի հիպերպարզ, միթոտիկ (ըստ աղյուսակային հանգեցման) բազմության գոյությունը, որը չունի միթոտիկ (ըստ սահմանափակ աղյուսակային հանգեցման) տրոհում:
  • Մշակվել է քանակական ասոցիատիվ կանոնների պեղման մոդել մոնոտոնության հատկությամբ օժտված ատրիբուտների համար: Կիրառման տիրույթը ներառում է LOG ֆայլերի պեղում ցանցային ներխուժումների հայտնաբերման համար, տեքստային հաղորդագրությունների քանակական պեղում առաջարկ-պահանջարկ համապատասխանության բացահայտման համար:
  • Ուսումնասիրվել   է     ստոխաստիկ բլոկ  մոդելի և ինֆորմացիայի  տեսության միջև կապը: Ստոխաստիկ բլոկ մոդելի օգնությամբ ստեղծվել են պատահական ցանցեր՝ համեմատելու ալգորիթմներն ըստ մոդուլյարության չափի, հայտնաբերման ժամանակի և ցանցի մեծության:
  • Մշակվել է անօդաչու թռչող սարքի (ԱԹՍ) օգնությամբ տեղանքի պատկերահանման միջոցով օբյեկտների հայտնաբերման ալգորիթմ: Կատարելագործվել է աղավաղված պատկերների բնութագրերի վերլուծության և երևակայական վերականգնման` նախկինում մշակված համակարգը: Մասնավորապես, այն կիրառելի է նաև գունավոր պատկերների մշակման համար:
  • Մեծ հաշվարկներ պահանջող գիտական խնդիրների լուծման համար մշակվել են ամպային և մետատվյալների ղեկավարման միջավայրեր, այդ թվում ֆոտոնային խառնաշփոթ համակարգերի (համիլտոնյան հավասարումների) թվային հաշվարկների և վիզուալիզացիայի, աստղագիտական տվյալների վերլուծության IVOA հիմնօրինակների հենքի վրա, կենսաբանական տվյալների վերլուծության PID (RDA Persistent Identifier) հենքի վրա համակարգեր:
  • Մշակվել է բազմաֆունկցիոնալ տեղեկատվական UNIMail համակարգը` ցանցային և sms տեխնոլոգիաների (MailInformer, Websms, Mail2sms) հիման վրա։ Այն նախատեսված է ներկայում գործածվող ASNET-AM համակարգչային ցանցի մի շարք առանձին  տեղեկատվական ծառայությունների փոխարինման համար: Uտեղծվել է համակարգի կիրառական ծրագրային ապահովումը  և կատարվում է UNIMail-ի առաջնային տարբերակի փորձարկումը: UNIMail համակարգը  ներկայանում է որպես ինքնուրույն ցանցային բազմաֆունկցիոնալ, տեղեկատվական ռեսուրս` նախատեսված էլեկտրոնային փոստի օգտատերերին մուտքային նամակների մասին sms ծանուցում ուղարկելու համար, ինչպես նաև էլեկտրոնային փոստի կիրառմամբ sms հաղորդագրությունների ուղարկման և մի շարք այլ ծառայությունների տրամադրման համար, որոնք կիրառելի են այն տարածաշրջանում, որտեղ տեղակայված է սերվերային համակարգիչը։
  • Մշակվել է վարորդի ուղղորդման ավտոմատ համակարգ, որն իր մեջ ընդգրկում է հետևյալ բաղադրիչները՝ (1) ճանապարհային գծանշումների հայտնաբերում; (2) ավտոմեքենայի դիրքի գնահատում տեսախցիկի տեսադաշտում երևացող գծերի համեմատ; (3) զգուշացում վարորդին մի երթևեկելի գծից մյուսին անցման ժամանակ; (4) ավտոմեքենան երթևեկելի գոտում ֆիքսելու ավտոմատացված համակարգ; (5) երթևեկելի գոտու արտապատկերման ուղղում ճանապարհի երթևեկելի հատվածի մասին իրական պատկերացում ստանալու և ճշգրիտ չափումներ կատարելու նպատակով։
  • Կատարելագործվել է աղավաղված պատկերների բնութագրերի վերլուծության և երևակայական վերականգնման` նախկինում մշակված համակարգը: Ստեղծվել է համակարգի շարժական մոդել` ռոբոտի և սմարթֆոնի կիրառմամբ:
  • Մշակվել է ծրագրային փաթեթ RDF ֆորմատով ներկայացված սեմանտիկ տվյալների քլաուդ միջավայրում ներմուծման և էֆեկտիվ օգտագործման համար։
  • Մշակվել և իրականացվել են վեբ կայքերի և վեբ սերվերների համար լրացուցիչ պաշտպանության մեխանիզմներ։ Մշակվել և ներդրվել են ASNET-AM ցանցում  էլեկտրոնային փոստի (Email) և դոմենային տիրույթների (DNS) ծառայությունների անվտանգության աստիճանը բարձրացնող ծրագրային բարելավումները։ Համակարգում նաև ինտեգրված են այլ ծառայություններ,  ինչպիսիք են՝ ASNET-AM Handipum վեբ կոնֆերանս համակարգը (https://handipum.asnet.am) և ASNET-AM Drive ծառայությունը (https://drive.asnet.am):

   ՀՀ ԳԱԱ հիդրոմեխանիկայի և վիբրոտեխնիկայի բաժին ՓԲԸ

  • BBЭР-440 տիպի ատոմային կայանների կոնդենսատային պոմպերում կավիտացիոն երևույթները վերացնելու նպատակով մշակված են կոնդենսատի ճնշման և ծախսի պուլսացիաների կայունացուցիչներ:

   ՀՀ ԳԱԱ Տեղեկատվական-վերլուծական ծառայություն
   27.03.2018թ.

Latest Announcements
The Foundation for Armenian Science and Technology (FAST) is pleased to announce the Call for Applications for its "Travel Grant for Collaborative Research" program 2018-2019. The grants (maximum 7500 USD per application) aim to foster collaboration in the STEM field between Armenian and international researchers. Deadline: October 30, 2018. In case of inquiries please contact grants@fast.foundation.

The 19th Congress of the European Section of the International Society of Toxinology "Basic Science and Clinical aspects of Animal, Plant and Microbial Toxins" will be organized by the Institute of Physiology after L.Orbeli NAS RA on September 22-26 in Yerevan

On 24-26 September, 2018, the Institute of Molecular Biology NAS RA is organizing a Practical Course “R for bioinformatics - a beginner's guide”. The course objective is to introduce R computing language to students and scientists interested in data analysis and bioinformatics. Course covers basics of R data types, syntax and main/popular biological data analysis packages

On 25-29 September, 2018, the V International Conference on “Current Problems of Chemical Physics” will be held in Yerevan, organized by the Institute of Chemical Physics after A.B. Nalbandyan of NAS RA

On 27-28 September, 2018, the Institute of Molecular Biology NAS RA is organizing a Practical Course “Scientific programming in R”. The course objective is to introduce participants with advanced statistical and machine learning techniques and approaches used in analysis of big biological data

On Ocober 1-6, 2018, the Institute of Mechanics of NAS RA, National Committee on Theoretical and Applied Mechanics of Armenia, Ishlinsky Institute for Problems in Mechanics of the Russian Academy of Sciences, Goris State University, Artsakh State University, National Polytechnic University of Armenia, National University of Architecture and Construction of Armenia, organize 9 th International Conference on "The Problems of Interaction of Deformable Media" (Goris, Armenia). For more information see http://www.mechins.sci.am

On Ocober 12-13, 2018, Institute for Informatics and Automation Problems of the NAS RA and SmartGateVC with the support of the National Academy of Sciences of Armenia, the Committee of Science (Ministry of Education and Science of Armenia), Young Scientists Support Program, the Youth Foundation of Armenia, the Enterprise Incubator Foundation, Zero and GiZ, organize conference on “Science and Technology Convergence” (Yerevan, Armenia). For more information see www.stcc.am. For further questions please write to stc@asnet.am

The Ministry of Diaspora of the RA, the National Academy of Sciences of the RA and Mkhitarist Congregation organize a conference dedicated to the 175th anniversary of the armenological journal "Bazmavep" on October 19, 2018, in Yerevan.

On October 22-24, 2018, Institute of Mathematics of NAS RA, Armenian Mathematical Union organize International Conference dedicated to the 100th Anniversary of academician Mkhitar Djrbashyan (Yerevan, Armenia). For more information see: http://math.sci.am/conference/djrbashian-100

On October 26-27, 2018 “China-Eurasia” Council for Political and Strategic Research, Foundation, Institute of Oriental Studies, National Academy of Sciences, Republic of Armenia and Department of Oriental Studies, International Scientific-Educational Center of National Academy of Sciences, Republic of Armenia organize international conference “China-Eurasia” (orient.sci.am, chinastan.org).

On 15 November, 2018, the Institute of Philosophy, Sociology and Law of NAS RA is organizing a scientific conference dedicated to UNESCO’s World Philosophy Day

On 14 November, 2018, the Institute of Philosophy, Sociology and Law of NAS RA is organizing a scientific conference «Humanities and Social Sciences within the academic framework» dedicated to 75th anniversary of the NAS RA

The list of scientific events guaranteed for financing by State Budget for 2018

The list of young scientists’ schools guaranteed for financing by State Budget for 2018

Publications in Press
18/09/2018
Վիկտոր Համբարձումյանի ծննդյան և Հայաստանում աստղագիտության օրն է
panorama.am
18/09/2018
Առանց մեծերի դժվար է, առանց հույսի՝ անհնար. այսօր Վիկտոր Համբարձումյանի ծննդյան օրն է
haydzayn.am
17/09/2018
Առաջընթաց և հայտնագործություններ ունենալու համար պետք է խիզախություն դրսևորել. Արայիկ Հարությունյան
nt.am
11/09/2018
Դադարեցվել է ատենախոսությունների պաշպանության ընդունելու գործընթացը․ կուսումնասիրվեն մասնագիտական խորհուրդները
hetq.am
10/09/2018
НАУЧНЫЙ ПОТЕНЦИАЛ ДАЛЕКО НЕ ИСЧЕРПАН
golosarmenii.am
26/07/2018
Ակադեմիան խանութ չէ, որ այսօր բացես, վաղը՝ փակես. Ռադիկ Մարտիրոսյանը՝ նախարար Հարությունյանի հայտարարության մասին
haydzayn.am
This site has been visited
1 578 407

times since 01.01.2005
National Academy of Sciences of the Republic of Armenia
NAS RA Logo (black, blue)
Top Website last updated on:  15:46, 24/09/2018 Top
General Page - About Academy - Organisations - Members - Contact us - Structure - Divisions
Presidium Members - Documents - News - Conferences - All Publications in Press
All Announcements - Photogallery - "Gitutyun" newspaper - Funds - Anniversaries - Publications
Web Resources - Other Academies - Universities
Lindau Nobel Laureate Meeting - Sitemap
© Copyright 1998-2018, All Rights Reserved.
Website is created and supported by Academical Scientific Research Computer Network of Armenia (ASNET-AM)
For any suggestions write to webmaster {[ at ]} sci.am