National Academy of Sciences of the Republic of Armenia
ՀԱՅ  ENG  РУС
Home academy [@] sci.am
Գլխավոր էջ Ակադեմիայի մասին Կազմակերպություններ Անդամներ Կապ մեզ հետ
«Գիտություն» թերթ
N328 մարտ 2019թ.
N328
Կառուցվածք
Բաժանմունքներ
Նախագահության անդամներ
Փաստաթղթեր
Ինովացիոն առաջարկներ
Նորություններ
Գիտաժողովներ
Հրապարակումներ մամուլում
Հայտարարություններ
Լուսանկարներ
Տեսադարան
«Գիտություն» թերթ
Հիմնադրամներ
Հոբելյաններ
Հրատարակություններ
Վեբ ռեսուրսներ
Այլ ակադեմիաներ
Համալսարաններ
Լինդաուում Նոբելյան մրցանակի դափնեկրի հետ հանդիպում
Կայքի քարտեզ
Նորություններ
02/03/2018
ՀՀ ԳԱԱ արտասահմանյան անդամ, ՌԳԱ ակադեմիկոս Յուրի Հովհաննիսյանին շնորհվել է Լոմոնոսովի անվան մեծ ոսկե մեդալ

ՀՀ Գիտությունների ազգային ակադեմիայի արտասահմանյան անդամ, ՌԴ Գիտությունների ակադեմիայի ակադեմիկոս, աշխարհահռչակ ֆիզիկոս Յուրի Հովհաննիսյանին շնորհվել է ՌԴ Գիտությունների ակադեմիայի բարձրագույն պարգևը՝ Լոմոնոսովի անվան մեծ ոսկե մեդալը 2017թ-ի համար: Որոշումը կայացվել է սույն թվականի փետրվարի 27-ին` ՌԴ Գիտությունների ակադեմիայի նախագահության նիստում:

Դուբնայի Միջուկային հետազոտությունների միավորված ինստիտուտի Գ. Ն. Ֆլերովի անվան Միջուկային ռեակցիաների լաբորատորիայի գիտական ղեկավար Յուրի Հովհաննիսյանն այս պարգևին արժանացել է «բարդ միջուկների փոխազդեցության ոլորտում հիմնարար հետազոտությունների և գերծանր տարրերի «Կայունության կղզիների» գոյության հիպոթեզի էքսպերիմենտալ հաստատման համար»: 

ՌԳԱ նախագահության նիստում ներկայացնելով Յուրի Հովհաննիսյանի գիտական նվաճումները` ՌԳԱ ակադեմիկոս Յուրի Օսիպովն ասել է.«ՌԳԱ ակադեմիկոս Յուրի Ցոլակի Հովհաննիսյանը միջուկային ֆիզիկայի ոլորտում համաշխարհային ճանաչում ունեցող գիտնական է: Նա հայտնի է համաշխարհային գիտական հանրությանը Մենդելեևի քիմիական տարրերի պարբերական աղյուսակի նոր տարրերի սինթեզի և հատկությունների ուսումնասիրության վերաբերյալ էքսպերիմենտալ հետազոտություններով: Ակադեմիկոս Գ.Ն. Ֆլերովի հետ համատեղ մեր երկրում Յուրի Հովհաննիսյանը նոր գիտական ուղղության` ծանր իոնների ֆիզիկայի գիտատեխնիկական և էքսպերիմենտալ բազայի ստեղծողն է: Այս ոլորտում կատարած հետազոտությունների համար նա ավելի վաղ արժանացել է Ռուսաստանի Դաշնության պետական պարգևի: 

20180302_1.jpg
Ինչպես հայտնի է, բնական գիտության հիմնարար խնդիրներից մեկը կապված է միջուկների զանգվածների սահմանների որոշման հետ: Իր հերթին, քիմիական տարրերի գոյության սահմանները, ըստ ժամանակակից տեսակետների, որոշվում են ատոմային միջուկի անկայունությամբ: Այս առումով, բարդ միջուկների փոխգործակցության մեխանիզմի, ծանր իոնների հզոր արագացուցիչների ստեղծման, միջուկային փոխակերպումների հազվադեպ գործընթացների ուսումնասիրման յուրահատուկ մեթոդի մշակման վերաբերյալ Յուրի Հովհաննիսյանի հետազոտությունները հանգեցրել են խոշոր արդյունքների:  Դրանց թվում հարկ է նշել` մեծ ամպլիտուդայի միջուկների կոլեկտիվ շարժման վրա, ինչպիսիք են միաձուլումը և բաժանումը,  միջուկային մատերիայի կառուցվածքի ազդեցության էքսպերիմենտալ ապացույցը, նոր դասի ռեակցիաների բացահայտումը` զանգվածային միջուկների սառը միաձուլումը, որը համաշխարհային պրակտիկայում օգտագործվում է շուրջ 40 տարի 107-113 ատոմային համարներով ամենածանր տարրերի սինթեզման և հատկությունների ուսումնասիրման համար:

Կալցիում-48 հազվադեպ իզոտոպի իոնների փնջի գործողության ներքո տաք միաձուլման ռեակցիաներում գերծանր միջուկների ոլորտում բեկումը հանգեցրեց 114,115,116,117 և 118 ատոմային համարներով ծանր տարրերի սինթեզմանը:  2000-2010 թթ-ին գերծանր տարրերի մի ամբողջ ընտանիքի բացահայտումը,  այդ ընտանիքի անդամների` 52 նոր նեյտրոնաավելցուկային նուկլիդների ատոմային հատկությունների մանրամասն որոշումը դարձան միջուկների քարտեզում «Կայունության կղզիների» գոյության առաջին և ուղղակի էքսպերիմենտալ ապացույցը, ինչը տեսականորեն կանխատեսվել էր մոտ 50 տարի առաջ: Ֆիզիկայի և քիմիայի միջազգային միությունների (IUPAP, IUPAC) որոշմամբ  նոր տարրերը ներառված են Դ.Ի. Մենդելեևի քիմիական տարրերի պարբերական աղյուսակում: Ծանր միջուկների և ատոմների հետազոտություններում Յուրի Հովհաննիսյանի ունեցած մեծ ներդրման համար 118 ատոմային համարի ամենածանր տարրը կոչվեց «Օգանեսոն»:

Յուրի Հովհաննիսյանի գաղափարի հիման վրա աշխարհի այլ երկրների միջազգային գիտական դպրոցներում ստեղծվում են նոր միջուկային ֆիզիկայի և քիմիայի լաբորատորիաներ և մշակվում են կայունության սահմաններում միջուկների ուսումնասիրության վերաբերյալ լայնածավալ աշխատանքների ծրագրեր: Դուբնայի Միջուկային հետազոտությունների միավորված ինստիտուտում ավարտին է մոտենում աշխարհում առաջին «Գերծանր տարրերի ֆաբրիկայի»` յուրահատում արագացուցիչ համալիրի ստեղծումը, որը կդառնա ծանր տարրերի ուսումնասիրման կենտրոն: Բացի այն, որ դա բոլոր հետազոտությունները բարձրացնում է նոր մակարդակի վրա, այն ամրապնդում է ռուսական գիտության առաջատարությունը և միջազգային կապերը»:

ՀՀ ԳԱԱ Տեղեկատվական-վերլուծական ծառայություն
02.03.2018թ.

Վերջին հայտարարություններ








Հայագիտական ուսումնասիրություները ֆինանսավորող համահայկական հիմնադրամը 2019 թ. հայտարարում է հայագիտական ուսումնասիրությունների նախագծերի մրցույթ, որոնք պետք է նպատակաուղղված լինեն հայագիտության բնագավառում կարևոր, արդիական հնչեղություն ունեցող խնդիրների լուծմանը

ՀՀ ԳԱԱ-ն հայտարարում է 2019թ-ի «ՀՀ ԳԱԱ համակարգի ինստիտուտների գիտական սարքավորումների սպասարկում, վերազինում, գիտափորձերի իրականացման համար նյութերի ձեռքբերում և չնախատեսված անհետաձգելի ծախսերի կատարում» և «ՀՀ ԳԱԱ համակարգի կազմակերպությունները սարքավորումներով վերազինում» ծրագրերից համակարգի կազմակերպություններին ֆինանսավորում տրամադրելու մրցույթ

ՀՀ ԳԱԱ-ն հայտարարում է «ՀՀ գիտությունների ազգային ակադեմիայի համակարգի գիտական գործուղումների իրականացում» ծրագրի միջոցներից 2019 թ. գիտական գործուղման ֆինանսավորման մրցույթ: Մրցույթն անցկացվելու է «ՀՀ գիտությունների ազգային ակադեմիայի համակարգի գիտական գործուղումների իրականացում» ծրագրի միջոցների օգտագործման կարգին համապատասխան

ՀՀ 2019 թ. պետական բյուջեից ֆինանսավորման երաշխավորված գիտական միջոցառումների ցանկ

ՀՀ ԳԱԱ Փիլիսոփայության, սոցիոլոգիայի և իրավունքի ինստիտուտը Մեսրոպ Մաշտոցի անվան Մատենադարանի հետ համատեղ 2019թ. մայիսի 22-23-ը կազմակերպում են հայագիտական միջազգային գիտաժողով՝ նվիրված անվանի հայագետ, ակադեմիկոս Սեն Արևշատյանի ծննդյան 90-ամյակին: Լրացուցիչ տեղեկությունների համար սեղմեք այստեղ

2019թ. հունիսի 30-ից հուլիսի 5-ը տեղի կունենա Նոբելյան մրցանակակիրների 69-րդ հանդիպումը ֆիզիկայի բնագավառի ներկայացուցիչների հետ

ՀՀ ԳԱԱ Մոլեկուլային կենսաբանության ինստիտուտը Գերմանիայի Լեյպցիգի համալսարանի Կենսաինֆորմատիկայի միջառարկայական կենտրոնի և Հայ-Ռուսական համալսարանի հետ համատեղ ս.թ. հուլիսի 1-5-ը կազմակերպում է կենսաինֆորմատիկայի ամառային դպրոց և աշխատաժողով «Genome Bioinformatics for Health» ուսանողների և երիտասարդ գիտնականների համար։ Գրանցման վերջնաժամկետը՝մայիսի 1, 2019

2019թ. սեպտեմբերի 23-ից 27-ը ՀՀ ԳԱԱ Մ.Գ. Մանվելյանի անվ. ընդհանուր և անօրգանական քիմիայի ինստիտուտը և ՀՀ ԳԱԱ քիմիայի և Երկրի մասին գիտությունների բաժանմունքը Երևանում կազմակերպում են «Քիմիա և քիմիական տեխնոլոգիաներ» VI միջազգային գիտաժողովը

ՀՀ ԳԱԱ Փիլիսոփայության, սոցիոլոգիայի և իրավունքի ինստիտուտը 2019 թ. նոյեմբերի 21-ին կազմակերպում է միջազգային գիտաժողով` նվիրված UNESCO-ի հռչակած փիլիսոփայության համաշխարհային օրվան: Լրացուցիչ տեղեկությունների համար՝ e-mail: jijyan@mail.ru

ՀՀ ԳԱԱ Փիլիսոփայության, սոցիոլոգիայի և իրավունքի ինստիտուտը 2019 թ. նոյեմբերի 26-ին կազմակերպում է գիտաժողով՝ նվիրված ՀՀ ԳԱԱ Փիլիսոփայության, սոցիոլոգիայի և իրավունքի ինստիտուտի 50-ամյակին: Լրացուցիչ տեղեկությունների համար՝ e-mail: jijyan@mail.ru

Հրապարակումներ մամուլում
26/03/2019
Կարեւոր է գիտության ինտեգրումը երկրի հանրային կյանքի բոլոր ոլորտներում. վարչապետ
news.am
26/03/2019
Հայաստանի Գիտությունների ազգային ակադեմիան շարունակել է բեղուն աշխատանքը. ԳԱԱ նախագահ
news.am
26/03/2019
«Եթե որևէ խոսակցություն սկսում ենք փողից, շատ արագ մտնում ենք փակուղի». Փաշինյանի ելույթը ԳԱԱ տարեկան ժողովին
azatutyun.am
20/03/2019
Գիտական դիվանագիտություն ստեղծողները. Արեւելագիտության ինստիտուտ
hetq.am
13/03/2019
Срубим дерево, Чтобы Собрать Урожай?
golosarmenii.am
07/03/2019
Տնտեսագիտության ինստիտուտ. կադրերի դարբնոց, որտեղից հեռանում են՝ մեծ գումարներ վաստակելու համար
hetq.am
Կայքը հաճախել են
1 717 701

անգամ սկսած 01.01.2005թ.
National Academy of Sciences of the Republic of Armenia
ՀՀ ԳԱԱ լոգոտիպ (սև, կապույտ)
Դեպի վեր Կայքը վերջին անգամ թարմացվել է՝  16:29, 25/04/2019 Դեպի վեր
Գլխավոր էջ - Ակադեմիայի մասին - Կազմակերպություններ - Անդամներ - Կապ մեզ հետ - Կառուցվածք - Բաժանմունքներ
Նախագահության անդամներ - Փաստաթղթեր - Ինովացիոն առաջարկներ - Նորություններ - Գիտաժողովներ - Հրապարակումներ մամուլում
Հայտարարություններ - Լուսանկարներ - Տեսադարան - «Գիտություն» թերթ - Հիմնադրամներ - Հոբելյաններ
Հրատարակություններ - Վեբ ռեսուրսներ - Այլ ակադեմիաներ - Համալսարաններ
Լինդաուում Նոբելյան մրցանակի դափնեկրի հետ հանդիպում - Կայքի քարտեզ
© Copyright 1998-2019, Բոլոր հեղինակային իրավունքները պաշտպանված են:
Կայքը պատրաստված է և սպասարկվում է Հայաստանի ակադեմիական գիտահետազոտական կոմպյուտերային ցանցի կողմից (ASNET-AM):
Հարցերի կամ առաջարկությունների համար կարող եք ուղարկել նամակ webmaster {[ at ]} sci.am էլեկտրոնային փոստին: