Սույն թվականի նոյեմբերի 13-ին՝ ժամը 11։00-ին, ՀՀ ԳԱԱ նախագահության նիստերի դահլիճում (Մարշալ Բաղրամյան 24, 2-րդ հարկ) կմեկնարկի ՀՀ ԳԱԱ ակադեմիկոս, գրականագետ Սերգեյ Սարինյանի 100-ամյակին նվիրված գիտաժողովը։
Ողջույնի խոսքով հանդես կգան ՀՀ ԳԱԱ հայագիտության և հասարակական գիտությունների բաժանմունքի ակադեմիկոս-քարտուղար Յուրի Սուվարյանը, ՀՀ ԳԱԱ Մանուկ Աբեղյանի անվան գրականության ինստիտուտի տնօրեն Հերիքնազ Որսկանյանը, Խաչատուր Աբովյանի անվան հայկական պետական մանկավարժական համալսարանի բանասիրական ֆակուլտետի դեկան Աշոտ Գալստյանը։ Կցուցադրվի ակադեմիկոս Սարինյանի կյանքին և գործունեությանը նվիրված ֆիլմ։ Այնուհետև, կրթական և գիտական հաստատությունների մասնագետները կներկայացնեն Սերգեյ Սարինյանի գործունեության վերաբերյալ զեկուցումներ։
Գիտաժողովի աշխատանքները կշարունակվեն մինչև նոյեմբերի 15-ը։
ՀՀ ԳԱԱ գիտության հանրայնացման և հասարակայնության հետ կապերի բաժին
12.11.2024թ․
![academy [@] sci.am](images/email.jpg "academy [@] sci.am")
