«Երիտասարդ գիտնականների աջակցության ծրագիրը» (ԵԳԱԾ) ամփոփել է «Երիտասարդ գիտնականների վերապատրաստում արտասահմանում մրցույթի» 2025թ․ արդյունքները։

Մրցույթի նպատակն է հնարավորություն ընձեռել երիտասարդ գիտնականներին մասնակցելու իրենց ոլորտի նորարարական մեթոդների և մասնագիտական հմտությունների ձեռքբերմանն ուղղված դասընթացներին արտասահմանյան առաջատար գիտական կենտրոններում,  նպաստել ՀՀ գիտական արդյունքի որակի բարձրացմանը և միջազգայնացմանը։

Մրցույթի առաջին ենթածրագրով նախատեսվում է ֆինանսավորման տրամադրում երիտասարդ գիտնականներին արտասահմանյան գիտական կենտրոններում վերապատրաստման համար։ Այս ենթածրագրով շահառու են ճանաչվել Թամարա Համբարձումյանը՝ ՀՀ ԳԱԱ Երկրաբանական գիտությունների ինստիտուտից, Մարիա Օհանյանը՝ ՀՀ ԳԱԱ Փիլիսոփայության, սոցիոլոգիայի և իրավունքի ինստիտուտից, Անահիտ Խլղաթյանը՝ ՀՀ ԳԱԱ Էկոլոգանոոսֆերային հետազոտությունների կենտրոնից, Աննա Զաքոյանը՝ ՀՀ ԳԱԱ «Հայկենսատեխնոլոգիա» գիտաարտադրական կենտրոնից, Անի Ավետիսյանը՝ ՀՀ ԳԱԱ Լևոն Օրբելու անվան ֆիզիոլոգիայի ինստիտուտից, Գայանե Տոնոյանը՝ ՀՀ ԳԱԱ Ֆիզիկայի կիրառական պրոբլեմների ինստիտուտից, Մարիամ Սարիբեկյանը՝ ՀՀ ԳԱԱ Հնագիտության և ազգագրության ինստիտուտից, Պարգև Ղարիբյանը՝ ՀՀ ԳԱԱ Կենդանաբանության և հիդրոէկոլոգիայի գիտական կենտրոնից, Էլեն Սահակյանը՝ Երևանի Մխիթար Հերացու անվան պետական բժշկական համալսարանից, Ռոզա Գաբրիելյանը, Ռուզաննա Շուշանյանը և Լիլիթ Մելիքյանը՝ Երևանի պետական համալսարանից։

Մրցույթի երկրորդ ենթածրագրով, որով նախատեսվում է ֆինանսավորման տրամադրում արտասահմանյան գիտական կենտրոններում գիտական ստորաբաժանումների երիտասարդ ղեկավարների մասնագիտական վերապատրաստման համար, շահառու է ճանաչվել Նաղաշ Միրաքյանը՝ ՀՀ ԳԱԱ Օրգանական և դեղագործական քիմիայի գիտատեխնոլոգիական կենտրոնից։

Չորրորդ ենթածրագրով նախատեսվում է ֆինանսավորման տրամադրում արտասահմանյան մասնագիտացված կազմակերպությունների կողմից իրականացվող դասընթացներին մասնակցության համար։ Այս ենթածրագրով շահառու են ճանաչվել Դերենիկ Անդրեասյանը՝  ՀՀ ԳԱԱ Վիկտոր Համբարձումյանի անվան Բյուրականի աստղադիտարանից և Լիլիթ Երանյանը՝ Երևանի պետական համալսարանից։

ՀՀ ԳԱԱ տեղեկատվության և հանրային կապերի բաժին
05․12․2025թ․