Նորություններ
16/03/2020
Կյանքից հեռացել է ՀՀ ԳԱԱ թղթակից անդամ Հրանտ Մարանջյանը

    ՀՀ ԳԱԱ նախագահությունը խորը վշտով հայտնում է, որ մարտի 14-ին 80 տարեկան հասակում երկարատև հիվանդությունից հետո կյանքից հեռացել է ՀՀ ԳԱԱ թղթակից անդամ Հրանտ Բաբկենի Մարանջյանը:
    Ֆիզիկամաթեմատիկական գիտությունների դոկտոր, պրոֆեսոր Հրանտ Մարանջյանը գիտական հանրության կողմից ճանաչված է որպես նշանավոր գիտնական, Հայաստանում ինֆորմատիկայի և կոմպյուտերային գիտության հետևողական ջատագով: Նա ստացել է բազմաթիվ գիտական արդյունքներ, որոնք բարձր են գնահատվել մաթեմատիկական տրամաբանության և ալգորիթմների տեսության մասնագետների կողմից: Դրանցից են Ա. Կոլմոգորովի բարդության հատկությունների վերաբերյալ արդյունքները, հայտնի Ա. Մեյերի պրոբլեմի բացասական լուծումը, ռեկուրսիվ հավասարումների հետազոտությունները և այլք:
    Հրանտ Մարանջյանը մեծ ավանդ ունի երիտասարդ կադրերի պատրաստման գործում: Նրա ղեկավարությամբ թեկնածուական ատենախոսություն է պաշտպանել 11 ասպիրանտ: Հրանտ Մարանջյանի շնորհիվ ալգորիթմների տեսության բնագավառում ձևավորվել է ուրույն գիտական դպրոց:
    Խորապես ցավակցում ենք Հրանտ Մարանջյանի ընտանիքի անդամներին մեծ կորստի կապակցությամբ: Նշանավոր հայ գիտնականի, քաղաքացու և մտավորականի հիշատակը միշտ վառ կմնա:



Կայքը վերջին անգամ թարմացվել է՝  16:35, 04/08/2020

Գլխավոր էջ - Ակադեմիայի մասին - Բաժանմունքներ - Կազմակերպություններ - Անդամներ - Կապ մեզ հետ - COVID-19 - Կառուցվածք - Նախագահության անդամներ
Փաստաթղթեր - Ինովացիոն առաջարկներ - Նորություններ - Գիտաժողովներ - Հրապարակումներ մամուլում - Հայտարարություններ - Լուսանկարներ
«Գիտություն» թերթ - Հիմնադրամներ - Հոբելյաններ - Հրատարակություններ - Վեբ ռեսուրսներ - Այլ ակադեմիաներ
Համալսարաններ - Լինդաու - Կայքի քարտեզ - Որոնում