Новости
29/11/2019
Նոր տվյալներ Երկրի մագնիսական դաշտի մասին

   ՀՀ Գիտությունների ազգային ակադեմիայի նախագահ ակադեմիկոս Ռադիկ Մարտիրոսյանը և  Ռուսաստանի Գիտությունների ակադեմիայի Գեոֆիզիկական կենտրոնի տնօրեն ՌԳԱ թղթակից անդամ Անատոլի Սոլովյովը օրերս այցելեցին ՀՀ Լոռու մարզի Գյուլագարակ գյուղում գտնվող Երկրի մագնիսական դաշտի մշտադիտարկում իրականացնող փորձարարական բազա: Փորձարարական բազան ստեղծվել է ՀՀ ԳԱԱ Ա. Նազարովի անվան երկրաֆիզիկայի և ինժեներային սեյսմաբանության ինստիտուտի և Ռուսաստանի գիտությունների ակադեմիայի Գեոֆիզիկական կենտրոնի համագործակցության արդյունքում:

20191129_1_body.jpg
   Այցի ընթացքում քննարկվեցին համագործակցության նոր ծրագրեր, որոնք մոտ շրջանում կներկայացվեն 2 երկրների պետական լիազոր մարմիններին:Փորձարարական բազայում, որը կառուցված է բացառապես  մագնիսական հատկություններ չունեցող կոմպոզիցիոն նյութերից և մագնիսական դաշտ չունեցող փայտից, տեղադրված է սարքավորում, որն իրականացնում է Երկրի մագնիսական դաշտի փոփոխությունների գերզգայուն ճշգրիտ չափումներ: Դրանց շնորհիվ հնարավոր է բացահայտել և հաստատել Երկրի  մագնիսական դաշտի (Real-time) փոփոխությունների և երկրաշարժի նախապատրաստման միջև պատճառահետևանքային կապերը, որպես հնարավոր երկրաշարժի առաջացման նախանշան, հետագայում լուծելու երկրաշարժի կանխագուշակման հիմնարար պրոբլեմը:

20191129_2_body.jpg 

   Ստացված արդյունքները համալրում են միջազգային տվյալների բազան՝ հետագա մշակման, նոր խնդիրների ձևավորման համար: 

   ՀՀ ԳԱԱ Տեղեկատվական-վերլուծական ծառայություն
   29.11.2019թ.


Сайт последний раз обновлялся:  16:23, 31/03/2020

Главная страница - Об Академии - Отделения - Организации - Члены - Связь с нами - Структура - Члены президиума
Документы - Инновационные предложения - Новости - Конференции - Публикации в прессе - Объявления - Фотогалерея
Газета "Гитутюн" - Фонды - Юбилеи - Публикации - Веб ресурсы - Другие академии
Университеты - Линдау - Карта сайта - Поиск