Ազդեր / Պահոց
2009 թ. փետրվարի 17-ին տեղի ունեցավ ՀՀ գիտությունների ազգային ակադեմիայի հայագիտության և հասարակական գիտությունների բաժանմունքի ընդհանուր ժողովը, որը, քննարկեց ԱՄՆ հասարակական կազմակերպությունների կողմից ՀՀ նախագահ Սերժ Սարգսյանին հղված դիմումը

2009 թ. փետրվարի 17-ին տեղի ունեցավ ՀՀ գիտությունների ազգային ակադեմիայի հայագիտության և հասարակական գիտությունների բաժանմունքի ընդհանուր ժողովը, որը, քննարկելով ԱՄՆ հասարակական կազմակերպությունների կողմից ՀՀ նախագահ Սերժ Սարգսյանին հղված դիմումը և նաև դիտելով հունվար-փետրվար ամիսներին շրջանառվող տեսաֆիլմը` նվիրված ԱՄՆ բուհերում դասավանդվող ՙՀայ ժողովրդի պատմության՚ դասագրքերի բովանդակությանը, որոշեց ստեղծել հանձնաժողով հետևյալ կազմով` ակադեմիկոս Համլետ Գևորգյան (նախագահ), ակադեմիկոս Սեն Արևշատյան, ակադեմիկոս Մանվել Զուլալյան, թղթ. անդամ Բաբկեն Հարությունյան, թղթ. անդամ Աշոտ Մելքոնյան, դր. Ռուբեն Սաֆրաստյան, դր.Արամ Պետրոսյան: Հանձնարարվեց հանձնաժողովին մինչև ս.թ. մարտի 20-ը ուսումնասիրել 1997 թվականից ԱՄՆ-ում շրջանառության մեջ գտնվող “The Armenian People from Ancient to Modern Times” խորագրով դասագիրքը և տալ եզրակացություն: