Национальная академия наук Республики Армения
ՀԱՅ  ENG  РУС
Home academy [@] sci.am Facebook Page
Главная страница Об Академии Отделения Организации Члены Связь с нами
Армен Юрьевич Казарян
д.и., профессор
COVID-19
Структура
Члены президиума
Документы
Инновационные предложения
Публикации
Фонды
Конференции
Конкурсы
Фотогалерея
Видеогалерея
Веб ресурсы
Другие академии
Газета "Гитутюн"
Журнал "В мире науки"
Публикации в прессе
Анонсы
Юбилеи
Университеты
Новости
Научные результаты
Отдел диаспоры представляет
Трибуна молодого ученого
Наши заслуженные деятели
Объявления
Встреча с Нобелевским лауреатом в Линдау
Карта сайта
Научные результаты
18/07/2022
ՀՀ ԳԱԱ Մաթեմատիկայի ինստիտուտում ստացված գիտական արդյունքներն արտոնագրված են ԱՄՆ-ի «VMware» ընկերության կողմից

ՀՀ ԳԱԱ Մաթեմատիկայի ինստիտուտում  իրականացվում են աշխատանքներ՝ ուղղված ամպային ենթակառուցվածքների և նրանցում աշխատող ծրագրերի աշխատանքի մոնիտորինգին, կանոնավոր աշխատանքի պահպանմանը և առաջացած պրոբլեմների հաղթահարմանը: 

Աշխատանքներն իրականացվում են Գիտության պետական կոմիտեի ֆինանսավորմամբ՝ «Մեքենայական ուսուցմամբ հզորացված կանխազգուշացնող անալիտիկա ամպային տվյալների կենտրոնների համար» գիտական թեմայի շրջանակներում:

Աշխատանքների կարևորության մասին ՀՀ ԳԱԱ Մաթեմատիկայի ինստիտուտի Դիֆերենցիալ և ինտեգրալ հավասարումների բաժնի ղեկավար, ֆիզիկամաթեմատիկական գիտությունների թեկնածու Առնակ Պողոսյանը նշեց. «Բիզնեսի տեսանկյունից շատ կարևոր է ամպային տիրույթների նորմալ աշխատանքը, քանի որ նրանց անկանոն աշխատանքը բերելու է ֆինանսական և վստահության կորստի: Ծրագրերի անխափան աշխատանքի ապահովումը հնարավոր է ամպային համակարգերում ընթացող պրոցեսների մոնիտորինգով, որի արդյունքում հավաքվում և պահվում են տվյալներ` հետագա մշակման համար: Ներկայիս ամպային համակարգերը շատ բարդ են, և դրանց պատասխանատուներն ի վիճակի չեն հետևելու և հասկանալու նրանցում ընթացող պրոցեսները, արագ արձագանքելու պրոբլեմներին: Անհրաժեշտ են խելացի լուծումներ` հիմնված արհեստական բանականության մեթոդների վրա: Մոնիտորինգի ընթացքում տարբեր տեսակի տվյալների հավաքումն օգնում է ընթացող պրոցեսների բազմակողմանի ուսումնասիրմանը: Տվյալների յուրաքանչյուր տեսակ դիտարկում է ամպային համակարգը որոշակի անկյան տակ` ամբողջական պատկերը բացահայտելու համար: Տեսակներից մեկը ժամանակային շարքերն են (time series data), 
որոնք նկարագրում են պրոցեսների վարքը ժամանակի ընթացքում: Ժամանակային շարքերը բազմաթիվ հարցերի պատասխաններ կարող են տալ: Կարևորագույն խնդիրներից մեկը ժամանակային շարքերի վարքագծի մոդելավորումն է և դրա հիման վրա ապագա արժեքների կանխատեսումը: Այն կարևոր է վատ պրոցեսների կանխագուշակման և կանխարգելման, ինչպես նաև ապագայի պլանավորման համար»,- ասաց նա:

Առնակ Պողոսյանի ղեկավարած գիտական խումբն այս աշխատանքների վերաբերյալ արդեն իսկ 2 գիտական հոդված է հրապարակել: 

[1] Poghosyan A., Harutyunyan A., Grigoryan N., Pang C., Oganesyan G., Ghazaryan S., Hovhannisyan N., An Enterprise Time Series Forecasting System for Cloud Applications Using Transfer Learning. Sensors, 21(5):1590, pp. 1-28, 2021. https://doi.org/10.3390/s21051590  

[2] Poghosyan A., Harutyunyan A.N., Grigoryan N., Kushmerick N. (2021) Incident Management for Explainable and Automated Root Cause Analysis in Cloud Data Centers. Journal of Universal Computer Science (JUCS), 27(11), pp. 1152-1173, 2021. https://doi.org/10.3897/jucs.76608     

Աշխատանքներում ներկայացված արդյունքներն արտոնագրված են ԱՄՆ-ում` «VMware» ընկերության կողմից: Աշխատանքներին երիտասարդ գիտնականներից մասնակցում են Տիգրան Բունարջյանը («VMware» ընկերությունից) և Արման Զաքարյանը (ServiceTitan ընկերությունից): Խմբի խորհրդատուն է պրոֆեսոր Սլավա Վոլոշինովսկին ժնևի համալսարանից:

««An Enterprise Time Series Forecasting System for Cloud Applications Using Transfer Learning» աշխատանքում քննարկվում է ժամանակային շարքերի վարքագծի մոդելավորման մի եղանակ՝ հիմնված նեյրոնային ցանցերի աշխատանքի վրա: Սովորաբար, նեյրոնային ցանցերի կիրառումը պրակտիկ խնդիրներում պահանջում է այնպիսի ռեսուրսների օգտագործում, որոնք կա՛մ հասանելի չեն, կա՛մ  շատ թանկ արժեն: Խոսքը վերաբերում է այնպիսի հաշվողական ռեսուրսներին, ինչպիսին են CPU, GPU, մեքենայական հիշողություն և այլն: Մենք առաջարկում ենք մոտեցում, որտեղ նեյրոնային ցանցերի կիրառումն ուղեկցվում է համապատասխան ռեսուրսների խնայողական օգտագործմամբ»,- ասաց Առնակ Պողոսյանը:

Անդրադառնալով «Incident Management for Explainable and Automated Root Cause Analysis in Cloud Data Centers» գիտական հոդվածին՝ Առնակ Պողոսյանն ասաց. «Ժամանակային շարքերը կարևոր է ուսումնասիրել նաև խմբերով` հասկանալու համար նրանց կորելիացիաները հատկապես որոշակի պրոբլեմների դեպքում, պարզել կարևոր և անկարևոր խմբերը և ներմուծել պրոցեսների բացատրելիություն: Էական է հասկանալ տարբեր ժամանակային շարքերից ստացված «ալերթների» կորելացիաները, որոնք կավելացնեն որոշակի տեսակի խափանումների վերաբերյալ մեր տեղեկությունները: Այստեղ պետք է կարևորել բացատրելի արհեստական բանականության նշանակությունը, որի մեթոդները հնարավորություն են տալիս միաժամանակ կանխատեսել և բացատրել երևույթները: Այս աշխատանքում ներկայացվում է նման մի ալգորիթմ` հիմնված ժամանակային շարքերի տվյալների միաժամանակյա խոտորումների վրա: Նման խոտորումները բաժանվում են խմբերի, որոնք նկարագրում են տարբեր բնույթի խաթարումները»: 

Մյուս գիտական հոդվածներն անդրադառնում են  ֆունկցիաների մոտարկմանը եռանկյունաչափական համակարգերով: «Նման համակարգերն իրենց մի շարք առավելությունների հետ միաժամանակ ունեն էական թերություն` արդյունավետ չեն խզվող կամ ոչ պարբերական ֆունկցիաների համար: Աշխատանքների մի շարք նվիրված է եղել նման համակարգերով իրականացվող մոտարկումների և ինտերպոլիացիաների զուգամիտության արագացմանը, որոնք հնարավորություն են տվել  այդ մեթոդներն արդյունավետ կիրառել նաև նշված անհարմար ֆունկցիաների համար: Զուգամիտության արագացման ուղղություններից մեկը բազմանդամային ֆունկցիաների համակցումն է եռանկյունաչափական համակարգերին: Մեկ այլ արդյունավետ եղանակ է քննարկվել աշխատանքներ [3,4]-ում` հիմնված քվազիպարբերական ֆունկցիաների կիրառման վրա: Այս ֆունկցիաների պարբերությունները չեն համընկնում այն վերջավոր հատվածի երկարությանը, որտեղ որոշված են մոտարկվող ֆունկցիաները, որի պատճառով վերլուծություններն ավելի արդյունավետ են աշխատում հատվածի ծայրակետերում, որտեղ ֆունկցիաներն ունեն խզումներ` ոչ պարբերականության պատճառով: Այստեղ ևս հնարավոր է բազմանդամային ֆունկցիաների համակացումը քվազի-պարբերական եռանկյունաչափական ֆունկցիաներին` զուգամիտության լրացուցիչ    արագացման նպատակով»,- ասաց Առնակ Պողոսյանը:

[3] Poghosyan A., Poghosyan L., Barkhudaryan R., On the convergence of the quasi-periodic approximations on a finite interval, Armenian Journal of Mathematics, 13(10), pp. 1-44, (2021). https://doi.org/10.52737/18291163-2021.13.10-1-44  

[4] Nersessian A., On Some Fast Implementations of Fourier Interpolation. In: Karapetyants A.N., Kravchenko V.V., Liflyand E., Malonek H.R. (eds) Operator Theory and Harmonic Analysis. OTHA 2020. Springer Proceedings in Mathematics & Statistics, vol 357. Springer, Cham, 2021. https://doi.org/10.1007/978-3-030-77493-6_27  

ՀՀ ԳԱԱ գիտության հանրայնացման և հասարակայնության հետ կապերի բաժին
18.07.2022թ.


Анонсы








Հունիսի 7-ին՝ ժամը 15:00-ին, ՀՀ ԳԱԱ նախագահության նիստերի դահլիճում զեկույցով հանդես կգա Նեապոլի ազգային հետազոտությունների խորհրդի Կենսակառուցվածքների և կենսաիմիջինգի ինստիտուտի գիտաշխատող, կենսատեխնոլոգիական գիտությունների դոկտոր Ջիովանի Ռովիելոն

С 12 по 17 июня 2023г. Институт прикладных проблем физики НАН РА в городах Ереван и Севан организует “Международную научную школу-конференцию по акустофизике имени академика А.Р.Мкртчяна”. Подробности на сайте www.school.iapp.am. МЕСТО ПРОВЕДЕНИЯ: ИППФ НАН РА, Ереван, Гр. Нерсисяна 25, Главный корпус, тел. (+374) 10240423

The Ministry of Education, Science, Culture and Sports of the Republic of Armenia has launched the "100 Ideas for Armenia" competition for innovative projects and scientific and technical developments. For more information see: http://escs.am/

В апреле - мае 2023 года «Международный инновационный центр нанотехнологий СНГ» (МИЦНТ СНГ) при поддержке Межгосударственного фонда гуманитарного сотрудничества государств-участников СНГ и Объединенного института ядерных исследований проводит очередную Стажировку молодых ученых и специалистов стран СНГ в Дубне продолжительностью 30 дней

Международный инновационный центр нанотехнологий СНГ (МИЦНТ СНГ) при поддержке Межгосударственного фонда гуманитарного сотрудничества государств - участников СНГ (МФГС) и Объединенного института ядерных исследований объявляет о проведении конкурса на соискание грантов на разработку проектов в рамках деятельности МИЦНТ СНГ в 2023 году

31-я Международная конференция Центра функционального питания пройдет в Матенадаране с 29 сентября по 1 октября 2023 года (в очной форме с возможностью виртуального общения). На конференции соберутся эксперты в области медицины, биологии и пищевой промышленности

В рамках проекта EU4Business "Инновационный туризм и развитие технологий для Армении", который реализуется Немецкой корпорацией международного сотрудничества (GIZ), совместно с Фондом "Центр содействия научному и инновационному партнерству" (SIPAC) объявляют о начале раунда поддержки армянским ученым в разработке предложений для подачи заявок в рамках программы "Горизонт Европа" - крупнейшей рамочной программы ЕС

ՀՀ գիտությունների ազգային ակադեմիան, Համաշխարհային հայկական կոնգրեսը և Ռուսաստանի հայերի միությունը հայտարարում են «Լավագույն գիտական աշխատանք» մրցույթ երիտասարդ գիտնականների համար

ՀՀ կառավարությունը հաստատել է 2022 թվականին իրականացվելիք գիտական և գիտատեխնիկական պետական նպատակային ծրագրերը

Поддержка по разработке предложений для подачи заявок в рамках программы Горизонт Европа

ՀՀ գիտության և տեխնիկայի զարգացման 2020-2024թթ. գերակայության ՀՀ կառավարության որոշման նախագիծ

Публикации в прессе
25/05/2023

ԳԱԱ Էկոլոգանոոսֆերային հետազոտությունների կենտրոնը նշում է հիմնադրման 30 և հիմնադիր Ա․Սաղաթելյանի 70-ամյակը
panorama.am
25/05/2023

Ականավոր գիտնականն ու ուսուցիչը
168.am
23/05/2023

Աստղիկ Բաբաջանյան․ հնագետը, որը կարծրատիպեր է կոտրել
ankakh.com
22/05/2023

«Երբ սկսվեց Արցախյան շարժումը, ո՞վ էր մտածում, որ Վիկտոր Համբարձումյանը հացադուլ կանի». Հայկ Հարությունյան
168.am
с 01.01.2005г. сайт посещался
6 535 033

раз
National Academy of Sciences of the Republic of Armenia
Логотип НАН РА (черный, синий)
наверх Сайт последний раз обновлялся:  13:44, 31/05/2023 наверх
Главная страница - Об Академии - Отделения - Организации - Члены - Связь с нами - Структура - COVID-19
Члены президиума - Документы - Инновационные предложения - Публикации - Фонды - Конференции - Конкурсы
Фотогалерея - Видеогалерея - Веб ресурсы - Другие академии - Газета "Гитутюн" - Журнал "В мире науки" - Публикации в прессе
Анонсы - Юбилеи - Университеты - Новости - Научные результаты - Отдел диаспоры представляет - Трибуна молодого ученого
Наши заслуженные деятели - Объявления - Встреча с Нобелевским лауреатом в Линдау - Карта сайта
© Copyright 1998-2023 Все права защищены.
Сайт создан и поддерживается Академической научно-исследовательской компьютерной сетью Армении (ASNET-AM)
Вопросы и предложения можете посылать на электронный адрес webmaster {[ at ]} sci.am