ՀՀ գիտությունների ազգային ակադեմիա
ՀԱՅ  ENG  РУС
Home academy [@] sci.am Facebook Page
Գլխավոր էջ Ակադեմիայի մասին Բաժանմունքներ Կազմակերպություններ Անդամներ Կապ մեզ հետ
Արմաիս Ալբերտի Կամալով
Բժշկ.գ.դ., պրոֆեսոր
COVID-19
Կառուցվածք
Նախագահության անդամներ
Փաստաթղթեր
Ինովացիոն առաջարկներ
Հրատարակություններ
Հիմնադրամներ
Գիտաժողովներ
Մրցույթներ
Լուսանկարներ
Տեսադարան
Վեբ ռեսուրսներ
Այլ ակադեմիաներ
«Գիտություն» թերթ
«Գիտության աշխարհում» հանդես
Հրապարակումներ մամուլում
Ազդեր
Հոբելյաններ
Համալսարաններ
Նորություններ
Գիտական արդյունքներ
Սփյուռքի բաժինը ներկայացնում է
Երիտասարդ գիտնականի ամբիոն
Մեր երախտավորները
Հայտարարություններ
Լինդաու քաղաքում Նոբելյան մրցանակի դափնեկրի հետ հանդիպում
Կայքի քարտեզ
Երիտասարդ գիտնականի ամբիոն
Վիկտորյա Ռստակյան

ԵԳԱԾ-ի «Երիտասարդ գիտնականների վերապատրաստման ծրագրի» հաղթող

Ամփոփվել են «Երիտասարդ գիտնականների աջակցության ծրագրի» (ԵԳԱԾ) շրջանակներում իրականացվող «Երիտասարդ գիտնականների վերապատրաստման ծրագրի» մրցույթի արդյունքները: ԵԳԱԾ մասնագիտական փորձագիտական խորհրդի կողմից ընտրվել և ֆինանսավորման է երաշխավորվել 15 հայտ: ՀՀ Գիտությունների ազգային ակադեմիան ներկայացնում է հարցազրույցների շարք մրցույթի հաղթող երիտասարդ գիտնականների հետ: 

Մեր զրուցակիցը ՀՀ ԳԱԱ Նալբանդյանի անվան քիմիական ֆիզիկայի ինստիտուտի գիտաշխատող Վիկտորյա Ռստակյանն է:

 

Ինչպե՞ս որոշեցիք դիմել մրցույթին, ո՞ր գիտական կենտրոնում պետք է անցնեք վերապատրաստում, ի՞նչ թեմայով:

- Իմ ընտրած թեման վերաբերում է բիոքայքայվող բիոհամատեղելի իմպլանտների պատրաստման համար հումքի մշակմանը: Ներկայում մեր լաբորատորիայում կենդանական ծագման ոսկորներից հումք ստանալու փորձեր ենք անում, որը կօգտագործվի իմպլանտների պատրաստման համար։ Իմպլանտները 3D տպագրությամբ են պատրաստվելու։ Արդեն կան իմպլանտների նախնական նմուշներ, որոնք պետք է «Երիտասարդ գիտնականների վերապատրաստման ծրագրի» շրջանակներում տեղափոխեմ Իսպանիայի կերամիկայի և ապակու համալսարան, որտեղ իրականացվելու են արդեն ստացված իմպլանտների բիոհամատեղելիության և բիոքայքայվողականության ուսումնասիրությանն ուղղված մի շարք փորձարկումներ: Համագործակցում ենք պրոֆեսոր Միգել Ռոդրիգեզի հետ: 

Ո՞րն է եղել Ձեր մոտիվացիան, որը Դուք ներկայացրել եք մրցույթի հայտում: 

- Ինձ համար այս ծրագիրն ունի շատ մեծ կարևորություն: Այն հնարավորություն է տալիս այցելել և տեղում կատարել հետազոտություններ, փորձարկումներ, որոնք հնարավոր չէ իրականացնել Հայաստանում: Ծրագրի արդյունքում ակնկալում եմ համագործակցության ամրապնդում, նոր գիտելիքների ձեռքբերում և կապերի հաստատում: Հույս ունեմ, որ ձեռք կբերեմ նոր սարքավորումների հետ աշխատելու հմտություններ և կծանոթանամ ժամանակակից կիրառվող մեթոդներին, որոնք հետագայում  կներդրվեն մեր լաբորատորիայում:

 

Ինչպե՞ս եկաք գիտության ոլորտ, ի՞նչը ոգեշնչեց Ձեզ:

- Իմ ուսուցիչների, դասախոսների և գիտական ղեկավարների դերն ահռելի է գիտական ուղի ընտրելու հարցում: Համալսարանական տարիներին իմ դասախոսներից պարոն Աշոտ Բաբախանյանը լսարանում հարց ուղղեց՝ ո՞վ կցանկանար գիտնական դառնալ: Ես և ևս մեկ հոգի ձեռք բարձրացրեցինք: Հաջորդ շաբաթ արդեն հայտնվեցինք Գիտությունների ազգային ակադեմիայի Օրգանական քիմիայի ինստիտուտում, որտեղ էլ հետագայում պետք է կատարեինք մեր թեկնածուական  հետազոտությունները: Ատենախոսությունը պաշտպանելուց հետո մոտ 10 տարի աշխատել եմ մասնավոր ընկերությունում՝ շարունակելով իմ գիտական հետազոտությունները: Անցյալ տարի որոշեցի ամբողջությամբ նվիրվել գիտությանը: Գիտությունը հնարավորություն է տալիս ստեղծել նորը: Երբ զբաղվում ես քո սիրելի աշխատանքով, երբեք չես ձանձրանում և հոգնում: Մենք համագործակցում ենք բազմաթիվ արտասահմանյան գիտական կենտրոնների՝  Ֆինլանդիայի Ալտոյի համալսարանի, Տալլինի տեխնիկական համալսարանի, Ռիգայի տեխնիկական համալսարանի, Իսպանիայի ապակու և կերամիկայի համալսարանի հետ: 

Եղե՞լ են հիասթափություններ: Ինչպե՞ս եք հաղթահարել դրանք:

- Հիասթափություններ միշտ էլ լինում են: Դրանք անգամ ցանկալի են: Նման իրավիճակներում մի պահ կանգ ես առնում, ետ նայում, նորովի արժևորում անցած ուղիդ և կատարած աշխատանքներդ, հետո նորից առաջ շարժվում:

Եթե չզբաղվեիք գիտությամբ, ինչո՞վ կզբաղվեիք:  

- Կզբաղվեի նաև ուսուցչությամբ: Մի քանի տարի դասավանդել եմ դպրոցում: Մեծ հաճույք է հետևել երեխաների հետաքրքրված հայացքներին:

Կբնութագրեք Ձեզ մեկ նախադասությամբ:

- Նպատակասլաց եմ, սիրում եմ անհնարինը դարձնել հնարավոր և միշտ լինել շարժման մեջ։

Ամուսնացա՞ծ եք, երեխաներ ունե՞ք:

- Երեք չքնաղ աղջիկների մայրիկ եմ։ Երեխաներիս ծնվելուց հետո մոտ 4 տարի տանն եմ եղել, զբաղվել եմ իրենց խնամքով։ Ինձ թվում էր, որ բալիկներիս հետ ոչինչ չեմ կարող հասցնել, աշխատանքի անցնելու մասին միտքը վախեցնում էր, սակայն երբ հստակ որոշում ես կայացնում, լուծումներն անսպասելի գալիս են։ Որքան ծանրաբեռնված ես լինում, այնքան շատ բան ես հասցնում։  Բոլոր մայրիկները, ովքեր ցանկություն և ձգտում ունեն, պետք է շարունակեն զբաղվել իրենց սիրելի աշխատանքով, զգան իրենց պիտանի նաև հանրության և պետության համար:

Ի՞նչ կարգախոսով եք առաջնորդվում:

- Ամեն ինչ լավ է լինելու:

Մոնիկա Երիցյան


Ազդեր








2022թ.-ի հոկտեմբերի 7-10-ը ՀՀ ԳԱԱ Օրբելու անվ. ֆիզիոլոգիայի ինստիտուտը ԲԻՈ-ՍԻԻ ընկերության հետ համատեղ Երևանում կանցկացնի հոբելյանական գիտաժողով «Կենսապատկերման ժամանակակից մեթոդները ֆիզիոլոգիայում և բժշկագիտության մեջ», նվիրված Լ.Ա. Օրբելի ծննդյան 140-ամյակին

ՀՀ ԳԱԱ Հ. Բունիաթյանի անվան կենսաքիմիայի ինստիտուտի հետ համագործակցության շրջանակներում 2022թ.-ի սեպտեմբերի 22-ին, ժամը 16:00-ին, ՀՀ ԳԱԱ նախագահության նիստերի դահլիճում «New insights into pathomechanisms of genetic skin fragility» թեմայով զեկուցումով հանդես կգա Շվեյցարիայի Ֆրիբուրգի համալսարանի պրոֆեսոր Յորն Դենգելը

2022թ.-ի սեպտեմբերի 14-16-ը ՀՀ ԳԱԱ ֆիզիկական հետազոտությունների ինստիտուտը Աշտարակում անց է կացնում «Լազերային Ֆիզիկա 2022» միջազգային գիտաժողովը: Մանրամասներին կարելի է ծանոթանալ http://ipr.sci.am/lp/ կայքում

2022թ.-ի սեպտեմբերի 12-16-ը ՀՀ ԳԱԱ Վ.Համբարձումյանի անվ. Բյուրականի աստղադիտարանը Բյուրականում անց է կացնում 8-րդ Բյուրականյան միջազգային ամառային դպրոց (8BISS) երիտասարդ աստղագետների համար: Մանրամասներին կարելի է ծանոթանալ http://www.bao.am կայքում

Ս.թ. սեպտեմբերի 2-ին, ժամը 11:00-ին, ՀՀ ԳԱԱ նիստերի կլոր դահլիճում (Մարշալ Բաղրամյան պող. 24) տեղի կունենա ՌԳԱ քիմիայի և նյութերի մասին գիտության բաժանմունքի ակադեմիկոս-քարտուղարի տեղակալ, ք.գ.դ. Մալեև Վիկտոր Իվանի «Կոբալտ (III)-ի մետաղ-տեմպլանտնային կոմպլեքսները որպես ջրածնական կապերի դոնորական ֆունկցիաներով կատալիզատորներ» և ՌԳԱ Ա.Նեսմեյանովի անվ. էլեմենտօրգանական միացությունների ինստիտուտի ավագ գիտաշխատող, ք.գ.թ. Լարիոնով Վլադիմիր Անատոլիի «Նոր սինթետիկ մոտեցումներ դժվարանցանելի և գործնականորեն կարևոր էնանտիոմերմաքուր ամինաթթուների ստացման համար» թեմաներով գիտական զեկուցումները

ԵՄ-բիզնեսի համար նախաձեռնության «Նորարական տուրիզմի և տեխնոլոգիաների զարգացում Հայաստանի համար» ծրագրի շրջանակներում Գերմանական միջազգային համագործակցության ընկերության և «Գիտական և նորարարական գործընկերությանն աջակցման կենտրոն» հիմնադրամի հետ համագործակցությամբ հայտարարվում է «Հորիզոն Եվրոպա» ԵՄ շրջանակային ծրագրի հայաստանյան հնարավոր մասնակիցների նախագծերի նախապատրաստման աջակցության ծրագրի մեկնարկը

ՀՀ գիտությունների ազգային ակադեմիան, Համաշխարհային հայկական կոնգրեսը և Ռուսաստանի հայերի միությունը հայտարարում են «Լավագույն գիտական աշխատանք» մրցույթ երիտասարդ գիտնականների համար

Международный инновационный центр нанотехнологий СНГ (МИЦНТ СНГ) при поддержке Межгосударственного фонда гуманитарного сотрудничества государств - участников СНГ (МФГС) и Объединенного института ядерных исследований объявляет о проведении конкурса на соискание грантов на разработку проектов в рамках деятельности МИЦНТ СНГ в 2022 году

ՀՀ կառավարությունը հաստատել է 2022 թվականին իրականացվելիք գիտական և գիտատեխնիկական պետական նպատակային ծրագրերը

Աջակցություն պոտենցիալ հայ դիմորդներին` «Հորիզոն Եվրոպա» ծրագրի շրջանկներում նախագծերի առաջարկների մշակման համար

ՀՀ գիտության և տեխնիկայի զարգացման 2020-2024թթ. գերակայության ՀՀ կառավարության որոշման նախագիծ

Հրապարակումներ մամուլում
28/09/2022

Պատերազմից հետո ո՛չ ժամանակ ունենք, ո՛չ շռայլություն. ռազմավարական որոշումներ են պետք. Սյուզաննա Շամախյան
168.am
26/09/2022

NEWS.am Tech. նոր նախագիծ նորարարությունների եւ գիտության մասին
news.am
26/09/2022

Մարսն այլ մոլորակ ունենալու մեր ամենամոտ հնարավորությունն է․ բացառիկ հարցազրույց լուսնագնաց Չարլի Դյուքի հետ
armenpress.am
23/09/2022

Կմշակվեն գյուղատնտեսական հողերում ռադիոնուկլիդների ակտիվության մակարդակների տարածաբաշխման քարտեզներ
hy.armradio.am
Կայքը հաճախել են
6 279 099

անգամ սկսած 01.01.2005թ.
National Academy of Sciences of the Republic of Armenia
ՀՀ ԳԱԱ պատկերանիշ (սև, կապույտ)
Ճիշտ տառատեսակի արտապատկերման համար ներբեռնեք և տեղադրեք Arian AMU.ttf
Դեպի վեր Կայքը վերջին անգամ թարմացվել է՝  16:27, 30/09/2022 Դեպի վեր
Գլխավոր էջ - Ակադեմիայի մասին - Բաժանմունքներ - Կազմակերպություններ - Անդամներ - Կապ մեզ հետ - Կառուցվածք - COVID-19
Նախագահության անդամներ - Փաստաթղթեր - Ինովացիոն առաջարկներ - Հրատարակություններ - Հիմնադրամներ - Գիտաժողովներ - Մրցույթներ
Լուսանկարներ - Տեսադարան - Վեբ ռեսուրսներ - Այլ ակադեմիաներ - «Գիտություն» թերթ - «Գիտության աշխարհում» հանդես - Հրապարակումներ մամուլում
Ազդեր - Հոբելյաններ - Համալսարաններ - Նորություններ - Գիտական արդյունքներ - Սփյուռքի բաժինը ներկայացնում է - Երիտասարդ գիտնականի ամբիոն
Մեր երախտավորները - Հայտարարություններ - Լինդաու քաղաքում Նոբելյան մրցանակի դափնեկրի հետ հանդիպում - Կայքի քարտեզ
© Copyright 1998-2022 Բոլոր հեղինակային իրավունքները պաշտպանված են:
Կայքը պատրաստված է և սպասարկվում է Հայաստանի ակադեմիական գիտահետազոտական կոմպյուտերային ցանցի կողմից (ASNET-AM):
Հարցերի կամ առաջարկությունների համար կարող եք ուղարկել նամակ webmaster {[ at ]} sci.am էլեկտրոնային փոստին: