ՀՀ գիտությունների ազգային ակադեմիա
ՀԱՅ  ENG  РУС
Home academy [@] sci.am Facebook Page
Գլխավոր էջ Ակադեմիայի մասին Բաժանմունքներ Կազմակերպություններ Անդամներ Կապ մեզ հետ
COVID-19
Կառուցվածք
Նախագահության անդամներ
Փաստաթղթեր
Ինովացիոն առաջարկներ
Հրատարակություններ
Հիմնադրամներ
Գիտաժողովներ
Մրցույթներ
Լուսանկարներ
Տեսադարան
Վեբ ռեսուրսներ
Այլ ակադեմիաներ
«Գիտություն» թերթ
«Գիտության աշխարհում» հանդես
Հրապարակումներ մամուլում
Ազդեր
Հոբելյաններ
Համալսարաններ
Նորություններ
Գիտական արդյունքներ
Սփյուռքի բաժինը ներկայացնում է
Երիտասարդ գիտնականի ամբիոն
Մեր երախտավորները
Հայտարարություններ
Լինդաու քաղաքում Նոբելյան մրցանակի դափնեկրի հետ հանդիպում
Կայքի քարտեզ
Երիտասարդ գիտնականի ամբիոն
Գուրգեն Սիմոնյան

«2020թ.-ի պատերազմին գիտական մակարդակում դեռևս գնահատական չի տրվել»

«Գիտական մակարդակում դեռևս գնահատական չի տրվել 2020թ.-ի պատերազմին, իսկ որքան մենք հեռանում ենք պատերազմի օրերից՝ դա անելն ավելի է բարդանում»,- պնդում է ՀՀ ԳԱԱ Փիլիսոփայության, սոցիոլոգիայի և իրավունքի ինստիտուտի գիտաշխատող Գուրգեն Սիմոնյանը: Նա մեկն է այն համարձակներից, ով կամավորագրվել է պատերազմի առաջին օրերին և հոկտեմբերի 6-ից եղել Ջրականում։

Հայաստանի Հանրապետության Գիտությունների ազգային ակադեմիայի Փիլիսոփայության, սոցիոլոգիայի և իրավունքի ինստիտուտի տնօրեն Լիլիթ Ղազանչյանը  պատմում է, որ Գուգեն Սիմոնյանին սահմանից հետ պահելու հորդորները ապարդյուն էին. «Նրա համար օրինակ է եղել հայրը, ով արցախյան առաջին պատերազմի ժամանակ կամավորագրվել է և որպես ռազմական բժիշկ անցել մարտական ուղի»

Գուգեն Սիմոնյանը քաղաքական գիտությունների թեկնածու է,  ՀՀ ԳԱԱ Փիլիսոփայության, սոցիոլոգիայի և իրավունքի ինստիտուտի ավագ գիտաշխատող և դոկտորանտ: Դոկտորական ատենախոսության թեման է «Ազգային շահերի սիներգիայի հիմնախնդիրը Հայաստանի Հանրապետությունում, պետականաշինության և ռազմավարական քաղաքականության հայեցակարգային կառուցակարգման և իրացման համատեքստում»։

Ատենախոսության թեմայի շրջանակներում հրապարակել է շուրջ 20 հոդված՝ հայաստանյան և ռուսալեզու ամսագրերում: Նշում է, որ նպատակ ունի անգլալեզու հրապարակումներով հանդես գալ միջազգային գիտատեղեկատվական շտեմարաններում հաշվառվող ամսագրերում:

Գիտական արդյունքի միջազգայնացման վերաբերյալ: Երիտասարդ քաղաքագետն առաջ է քաշում 2020 թ.-ի պատերազմի վերաբերյալ հատկապես միջազգային մակարդակում գիտական գնահատականներ ձևակերպելու անհրաժեշտությանը՝ նշելով. «Նույն կերպ՝ հայաստանյան գիտական կազմակերպությունների կողմից միջազգային մակարդակի գիտական գնահատական չի տրվել նաև վերջին 100 տարիների ընթացքում հայ ազգին պատուհասած պատմական իրողություններից և ոչ մեկին՝ սկսած 1915թ.-ի Հայոց ցեղասպանությունից: Հայաստանից դուրս գործող հայագիտական կենտրոններն ավելի լուրջ աշխատանք են իրականացնում և ավելի ճշգրտորեն ներկայացնում պատմական վերոնշյալ ժամանակաշրջանը, քան Հայաստանի ներսում պարփակված կենտրոնները»:

Գտնում է, որ 2020թ.-ից հետո միջազգային հանրությունը փորձում է հնարավորինս մեղմ տարբերակով անդրադառնալ այն հանգամանքին, որ Արցախյան խնդիրը [1] սկսվել է ոչ թե Արցախյան առաջին պատերազմից [2], այլ նախընթաց՝ 100 տարվա իրողություններով [3]: Նկատում է. «Դա արվում է ծայրահեղ զգուշությամբ»։

Աշխարհայացքը. «Կարևոր է հայրենաճանաչությունը և ցանկացած պահի հնարավոր պատերազմին պատրաստվածությունը»: Իր գիտակրթական գործունեությունն ամբողջությամբ ուղղված է հայրենաճանաչությանը, իսկ ինչպե՞ս է ինքը նախապատրաստվել պատերազմին: 

Պարտադիր ժամկետային զինվորական ծառայությունից տասը տարի անց՝ 2018թ.-ին դարձել է ՀՀ զինված ուժերի ինժեներային զորքերի պահեստազորի լեյտենանտ: 2020թ.-ի սեպտեմբերի 27-ին [4] նշանակվել է Ինժեներասակրավորային դասակի հրամանատար։ Պատերազմի բուն ընթացքից խոսել չի ցանկանում: Պատերազմի ծանրագույն ավարտից հետո դրա ընթացքի վերաբերյալ խոսքեր շռայլելը համարում է ավելորդ: Ընդունելի է համարում գիտության ոլորտում ասելիք ունենալը:

Աշխատանքային գործունեության ընթացքից հատկանշականն այն է, որ քաղաքագիտությունը համատեղել է ռազմական կրթական հաստատություններում աշխատանքի հետ՝ Վազգեն Սարգսյանի անվան Ռազմական համալսարան [5], Ռազմավարական եւ ազգային հետազոտությունների հայկական կենտրոն [6]: Մասնակցել է Պաշտպանության նախարարության կազմակերպած մի շարք դասընթացների և վարժանքների:

2020թ.-ի պատերազմին Գուրգեն Սիմոնյանը կամավորագրվել է առանց հարազատների հետ խորհրդակցելու և սահման է հասել առանց նրանց իմացության: Երբ հորն այդ մասին տեղեկացրել են, նա կրկին հավաքել է հին ջոկատի մարտական ընկերներին: Մեկնել են ռազմաճակատ: Նրանց ուղին հասել է մինչև Շուշի:

Ծանոթագրություններ

  1. Լեռնային Ղարաբաղի հիմնախնդիրը ծագել է 1917թ. Ռուսաստանյան կայսրության փլուզման արդյունքում Անդրկովկասում երեք ազգային պետությունների` Հայաստանի, Ադրբեջանի և Վրաստանի հանրապետությունների կազմավորման շրջանում: ՀՀ արտաքին գործերին նախարարության կայք՝ https://www.mfa.am/hy/nagorno-karabakh-issue/
  2. Արցախյան ազատամարտ (նաև գոյամարտ, պատերազմ), Արցախի հայ բնակչության պայքարը հանուն Հայաստանի հետ միացման և ընդդեմ ադրբեջանական ագրեսիայի,Վիքիպեդիա՝ https://hy.wikipedia.org/wiki/Արցախյան_ազատամարտ
  3. Հայկական տարածքների կցումը Թուրքիային և Խորհրդային Ադրբեջանին՝ https://168.am/2021/09/14/1577704.html 
  4. Հայ-ադրբեջանական 3-րդ պատերազմի սկիզբը՝ 2020թ. սեպտեմբերի 27:
  5. ՀՀ պաշտպանության նախարարության Վազգեն Սարգսյանի անվան ռազմական համալսարան:
  6. Հիմնադրվել է 1994թ.-ին ՀՀ առաջին արտգործնախարար Րաֆֆի Կ. Հովհաննիսյանի կողմից՝ արժանանալով հայաստանյան և Սփյուռքի աջակիցների լայն շրջանակների զորակցությանը:

Հերմինե Օհանյան


Ազդեր








Հունիսի 24-ին, ժամը 14։00-ին, ՀՀ ԳԱԱ Հր. Բունիաթյանի անվ. կենսաքիմիայի ինստիտուտի դահլիճում տեղի կունենա ինստիտուտի կողմից կազմակերպած սեմինարների շարքի առաջին հանդիպումը

ԵՄ-բիզնեսի համար նախաձեռնության «Նորարական տուրիզմի և տեխնոլոգիաների զարգացում Հայաստանի համար» ծրագրի շրջանակներում Գերմանական միջազգային համագործակցության ընկերության և «Գիտական և նորարարական գործընկերությանն աջակցման կենտրոն» հիմնադրամի հետ համագործակցությամբ հայտարարվում է «Հորիզոն Եվրոպա» ԵՄ շրջանակային ծրագրի հայաստանյան հնարավոր մասնակիցների նախագծերի նախապատրաստման աջակցության ծրագրի մեկնարկը

Международный инновационный центр нанотехнологий СНГ (МИЦНТ СНГ) при поддержке Межгосударственного фонда гуманитарного сотрудничества государств-участников СНГ (МФГС) и Объединенного института ядерных исследований (ОИЯИ) с 19 июня по 19 июля 2022 г. проводит очередную 15-ю Стажировку молодых ученых и специалистов из стран Содружества в Дубне (Россия)

ՀՀ գիտությունների ազգային ակադեմիան, Համաշխարհային հայկական կոնգրեսը և Ռուսաստանի հայերի միությունը հայտարարում են «Լավագույն գիտական աշխատանք» մրցույթ երիտասարդ գիտնականների համար

Международный инновационный центр нанотехнологий СНГ (МИЦНТ СНГ) при поддержке Межгосударственного фонда гуманитарного сотрудничества государств - участников СНГ (МФГС) и Объединенного института ядерных исследований объявляет о проведении конкурса на соискание грантов на разработку проектов в рамках деятельности МИЦНТ СНГ в 2022 году

ՀՀ կառավարությունը հաստատել է 2022 թվականին իրականացվելիք գիտական և գիտատեխնիկական պետական նպատակային ծրագրերը

Աջակցություն պոտենցիալ հայ դիմորդներին` «Հորիզոն Եվրոպա» ծրագրի շրջանկներում նախագծերի առաջարկների մշակման համար

ՀՀ գիտության և տեխնիկայի զարգացման 2020-2024թթ. գերակայության ՀՀ կառավարության որոշման նախագիծ

Հրապարակումներ մամուլում
21/06/2022

Հայաստանից տաղանդավոր գիտնականների արտահոսքը նույնպես կապված է ցածր աշխատավարձերի հետ․ Անի Մարկոսյան
news.am
21/06/2022

Հաճույքով պատրաստ եմ համագործակցել Հայաստանից ասպիրանտների հետ. STARMUS-ի կազմակերպիչ
news.am
20/06/2022

Մենք ընտանիքում առաջին հերթին որպես հայ ենք մեծացել. Նոբելյան մրցանակակիր
1lurer.am
19/06/2022

2021 թ. գիտության ֆինանսավորման ավելացման շնորհիվ իրականացվել են նոր ծրագրեր. Վահրամ Դումանյան
1lurer.am
Կայքը հաճախել են
6 186 771

անգամ սկսած 01.01.2005թ.
National Academy of Sciences of the Republic of Armenia
ՀՀ ԳԱԱ պատկերանիշ (սև, կապույտ)
Ճիշտ տառատեսակի արտապատկերման համար ներբեռնեք և տեղադրեք Arian AMU.ttf
Դեպի վեր Կայքը վերջին անգամ թարմացվել է՝  17:32, 24/06/2022 Դեպի վեր
Գլխավոր էջ - Ակադեմիայի մասին - Բաժանմունքներ - Կազմակերպություններ - Անդամներ - Կապ մեզ հետ - Կառուցվածք - COVID-19
Նախագահության անդամներ - Փաստաթղթեր - Ինովացիոն առաջարկներ - Հրատարակություններ - Հիմնադրամներ - Գիտաժողովներ - Մրցույթներ
Լուսանկարներ - Տեսադարան - Վեբ ռեսուրսներ - Այլ ակադեմիաներ - «Գիտություն» թերթ - «Գիտության աշխարհում» հանդես - Հրապարակումներ մամուլում
Ազդեր - Հոբելյաններ - Համալսարաններ - Նորություններ - Գիտական արդյունքներ - Սփյուռքի բաժինը ներկայացնում է - Երիտասարդ գիտնականի ամբիոն
Մեր երախտավորները - Հայտարարություններ - Լինդաու քաղաքում Նոբելյան մրցանակի դափնեկրի հետ հանդիպում - Կայքի քարտեզ
© Copyright 1998-2022 Բոլոր հեղինակային իրավունքները պաշտպանված են:
Կայքը պատրաստված է և սպասարկվում է Հայաստանի ակադեմիական գիտահետազոտական կոմպյուտերային ցանցի կողմից (ASNET-AM):
Հարցերի կամ առաջարկությունների համար կարող եք ուղարկել նամակ webmaster {[ at ]} sci.am էլեկտրոնային փոստին: