Национальная академия наук Республики Армения
ՀԱՅ  ENG  РУС
Home academy [@] sci.am Facebook Page
Главная страница Об Академии Отделения Организации Члены Связь с нами
Григорий Габриэлянц
доктор, профессор
COVID-19
Структура
Члены президиума
Документы
Инновационные предложения
Публикации
Фонды
Конференции
Фотогалерея
Видеогалерея
Веб ресурсы
Другие академии
Газета "Гитутюн"
Журнал "В мире науки"
Публикации в прессе
Анонсы
Юбилеи
Университеты
Новости
Научные результаты
Отдел диаспоры представляет
Трибуна молодого ученого
Наши заслуженные деятели
Объявления
Встреча с Нобелевским лауреатом в Линдау
Карта сайта
Трибуна молодого ученого
Հովհաննես Ասատրյան

«Մտադիր եմ մասնակցել գերակա հարցերի լուծմանն ուղղված գիտական թեմատիկ մրցույթների»

   Ինչպես ինքն իրեն ներկայացնում է Հովհաննես Ասատրյանը, արագ հարմարվում է փոփոխվող իրավիճակներում և կողմնորոշվում առաջադրանքների լուծման մեջ: Սիրում է ինքնակրթվել և զարգանալ: Շփվող է, ինչը հեշտացնում է թիմային աշխատանքը: Իսկ վիճտվյալների հետ աշխատելու ունակությունները՝ գրաֆիկական ներկայացման հմտությունները, դրական են ազդում թիմային աշխատանքի արդյունքների վրա: Հագեցած զրույցի ընթացքում համոզվեցինք, որ ինքնագնահականի հարցում ճիշտ է: Տիրապետում է մի շարք ծրագրային փաթեթների: Օտար լեզուներից հեշտությամբ հաղորդակցվում է անգլերեն և ռուսերեն:


   Մտադիր եմ մասնակցել գերակա հարցերի լուծմանն ուղղված գիտական թեմատիկ մրցույթների: Զուգահեռ պատրաստվում եմ ժամանակին ավարտին հասցնել թեկնածուական ատենախոսությունս, քանի որ թեման բավական արդիական է և ուղղված է ներկայիս կոնկրետ խնդիրների լուծմանն,- ասում է ՀՀ ԳԱԱ Մ.  Քոթանյանի անվան տնտեսագիտության ինստիտուտի կրտսեր գիտաշխատող և ասպիրանտ Հովհաննես Ասատրյանը: Գիտական թեման է «Խաղողագինեգործական համալիրի զարգացման հեռանկարները ՀՀ Արմավիրի մարզում»: Թեմայի արդիականությանը քաջածանոթ է. ծնվել և մեծացել է Արմավիրի մարզում:
   -Ծնվել եմ Այգեվան (նախկինում՝ Ձերժինսկի) գյուղում: Մինչ այժմ բնակվում եմ այնտեղ: Ծննդավայրս միջին վիճակագրական հայկական գյուղ է՝ նույն խնդիրներով, միևնույն մտածելակերպն ունեցող մարդկանցով: Ինչ-որ առանձնահատուկ բան չեմ կարող ասել գյուղիս հետ կապված: Թերևս մի հատկանշական հանգամանք նշեմ. մարզկենտրոն Արմավիր քաղաքին մոտ է գտնվում, ինչը բավական հեշտացնում է մեր գյուղի բնակիչների կյանքը:

   -Տարվա եղանակներից ո՞րն է ամենագեղեցիկը Ձեր ծննդավայրում:

   -Իմ աչքերում տարվա եղանակների փոփոխությունը ծննդավայրիս գեղեցկության վրա չի ազդում, բայց պիտի ասեմ, որ ամռանը գյուղը վերածվում է մի դինամիկ երևույթի: Կյանքը եռում է: Վստահ եմ, որ, եթե առանձնացնելու լինեմ, թերևս, կառանձնացնեմ ամառը՝ որպես մեր գյուղում տարվա ամենահետաքրքիր ու դեպքաշատ եղանակ:
   
   -Ո՞ր ուղղությամբ եք մտադիր շարժվել՝ մաքուր գիտության, թե՝ առավելապես կիրառական:

   -Հաշվի առնելով մասնագիտությունս, երկրում առկա իրավիճակը և իմ նախասիրությունները՝ միանշանակ ընտրում եմ կիրառական տարբերակը:

   -Ի՞նչ հետազոտություններ եք ցանկանում իրականացնել Ձեր ընտրած մասնագիտության շրջանակներում:
 
   -Պատրաստվում եմ մասնակցել տարբեր արդիական և գերակա հարցերի լուծմանն ուղղված գիտական թեմատիկ ֆինանսավորմամբ մրցույթների: Ըստ այդմ, հետազոտության նոր ուղղությունները կուղենշվեն:
 
   -Ընդհանրապես, ի՞նչ նպատակներ ունեք՝ կապված հետագա աշխատանքային գործունեության հետ:

   -Չեմ ցանկանում խոսել նպատակներիցս, դրանց հանրայնացումը ճիշտ չեմ համարում: Սակայն հարցն անպատասխան չթողնելու համար ասեմ հետևյալը: Ես սիրում եմ բազմազանություն և չեմ սահմանափակվում կոնկրետ մեկ բանով: Հետևաբար չեմ բացառում, որ գիտությամբ զբաղվելուն զուգահեռ նաև սեփական ինչ-որ գործ կսկսեմ:


   -Ի՞նչ հրապարակումներ ունեք հայաստանյան ամսագրերում:
 
   -Ունեմ մեկ հրապարակում հայկական «Ֆինանսեր և էկոնոմիկա» հանդեսում: Որքանով տեղյակ եմ, ներկայումս այն այլևս չի տպագրվում: Ունեմ նաև տպագրված հոդված Մ. Քոթանյանի անվան տնտեսագիտության ինստիտուտի «Տնտեսական նորոգություններ. գործարկման ուղիները ՀՀ-ում» ժողովածուում:

   -Ի՞նչ հրապարակումներ ունեք միջազգային ամսագրերում:
 
   -Այսօր գիտական որևէ ամսագրի ընտրությունը խիստ իրավիճակային է: Միանշանակ, հաշվի առնելով գլոբալացման միտումները՝ կարևորում եմ միջազգային ամսագրերում հոդվածներ տպագրելը՝ մասնավորապես ազդեցության բարձր գործակից ունեցող ամսագրերում: Միջազգային ամսագրերում դեռևս չունեմ տպագրված հոդվածներ: Այս պահին աշխատում եմ երկու հրապարակման վրա, որը, ըստ նախնական իմ որոշման, ուղարկելու եմ “Scopus”-ի կամ “Web of science”-ի որևէ ամսագրում տպագրության: Գիտական գործունեության ընթացքում, սակայն, մասնակցել եմ արտասահմանյան գիտաժողովների, և ներկայացված հոդվածներս տպագրվել են այդ գիտաժողովների հոդվածների ժողովածուներում:
 
   -Որքանո՞վ կկարևորեք ամսագրերի ընտրության հարցում ղեկավարի դերը:

   -Հաշվի առնելով ղեկավարի փորձառությունը՝ խիստ կարևորում եմ նրա մասնակցությունը ամսագրի ընտրության հարցում: Գիտական ղեկավարս տ.գ.թ., դոցենտ Վարդան Ալեքսանյանն է, ով նաև Հայաստանի ազգային ագրարային համալսարանի Ագրարային էկոնոմիկայի ամբիոնի վարիչն է:
 
   -Ո՞վ է գիտության մեջ Ձեր կուռքը: Ինչո՞վ կցանկանաք նրան գերազանցել:
 
   -Ես չունեմ կուռքեր: Չկա անգամ մեկը, ում կարող եմ նմանատիպ համարել: Ինձ համար շարժիչ ուժ ցանկացած պարագայում հանդես է գալիս իմ՝ շարժման մեջ լինելու անսպառ ցանկությունն ու ծարավը:


   -Աշխարհը գնում է գլոբալացման: Ի՞նչ քայլեր անձամբ Դո՛ւք կձեռնարկեիք Հայաստանի զարգացման և աշխարհին համընթաց քայլելու համար:

   -Այն ամենն, ինչ կապված է մեր երկրի հետ, ունի համակարգային լուծման խնդիր: Ինձ համար աշխարհին համընթաց քայլելը չի սահմանափակվում միայն բարձր կենսամակարդակով, ցածր աղքատությամբ կամ օրինակ բարձր տեխնոլոգիաների կիրառմամբ: Շատ եմ կարևորում նախ և առաջ մեր հասարակության մտածելակերպի փոփոխությունը, բնակչության կրթվածության և հասարակական պատասխանատվության մակարդակի բարձրացումը: Միայն երբ մարդն իր մտքում ընդունում է փոփոխությունն, այդ պարագայում է հնարավոր լինում հասնել զարգացման:
 
   -Իսկ ի՞նչ գլոբալ քայլեր կձեռնարկեիք մարդկության զարգացման համար:

   -Ես ինձ բավարար փորձառու չեմ համարում նման բարձրագույն խնդիր լուծելու համար, ու հեռու կմնամ այսպես ասած «բաժակաճառ» ասելուց: Միայն մի բան կնշեմ. գիտությունը և տեխնոլոգիաները շատ սահուն և արագ զարգանում են, ու դրանց զարգացումը առավել քան բնականոն է: Բայց մարդու անասնական բնազդները շարունակում են իրենցն անել: Հաճախ խոսում ենք մարդու իրավունքներից, գլոբալացումից, բայց շարունակում ենք համամարդկային մակարդակով կիրառել երկակի ստանդարտներ: Երբ անհատի շահերը կդրվեն մի կողմ, և մոլորակի ողջ բնակչությունը կդիտարկվի որպես մեկ միասնություն, միասնական շահ ունեցող ամբողջություն, այդ ժամանակ միայն մարդկության զարգացման նոր դարաշրջան կսկսվի:

   -Ո՞րն է Ձեր՝ կյանքի կարգախոսը:

   -Երբեք չհանձնվել և ապրել այնպիսի կյանքով, որ ինձ հանդիպած ցանկացած մարդու դեմքին ինձ հիշելիս միայն ժպիտ հայտնվի, ու անգամ ինձ չսիրողներն ուղղակի չկարողանան վատն ասել իմ հասցեին:

   Հերմինե Օհանյան


Анонсы








Международный инновационный центр нанотехнологий СНГ (МИЦНТ СНГ) при поддержке Межгосударственного фонда гуманитарного сотрудничества государств - участников СНГ (МФГС) и Объединенного института ядерных исследований объявляет о проведении конкурса на соискание грантов на разработку проектов в рамках деятельности МИЦНТ СНГ в 2022 году

ՀՀ կառավարությունը հաստատել է 2022 թվականին իրականացվելիք գիտական և գիտատեխնիկական պետական նպատակային ծրագրերը

Поддержка по разработке предложений для подачи заявок в рамках программы Горизонт Европа

Հայաստանի և սփյուռքի 16-35 տարեկան երիտասարդները կարող են մասնակցել «100 գաղափար Հայաստանի համար» մրցույթին

Ազդարարվել է Մարի Կյուրիի անվան կրթաթոշակային ծրագրի 2021թ. մրցույթի մեկնարկը

Федеральное министерство образования и науки (BMBF) объявило конкурс по совместным проектам в области «Зеленый водород» - Научно-исследовательское сотрудничество с Украиной, странами Южного Кавказа и Средней Азии и Ираном

ՀՀ ԿԳՄՍՆ գիտության կոմիտեն կազմակերպում է գիտական և գիտատեխնիկական գործունեության պայմանագրային (թեմատիկ) ֆինանսավորման շրջանակներում կիրառական արդյունքի ձեռքբերմանն ուղղված գիտական նախագծերի հայտերի ՄՐՑՈՒՅԹ: Հայտերի ներկայացման վերջնաժամկետն է 2021 թ. օգոստոսի 13-ը ներառյալ:

Специальные награды от ILUCIDARE: Объявлен конкурс наград Европейского Наследия - European Heritage Awards / Europa Nostra Awards 2021.

ՀՀ գիտության և տեխնիկայի զարգացման 2020-2024թթ. գերակայության ՀՀ կառավարության որոշման նախագիծ

Публикации в прессе
18/01/2022
Հայ գիտնականները Պարկինսոնի հիվանդությունը բուժելու փորձեր են անում 1lurer.am
17/01/2022
Դրամաշնորհներ՝ կենսաբանորեն ակտիվ միացություններ ստանալու համար 1lurer.am
12/01/2022
Անալգինին և դիկլոֆենակին փոխարինող ցավազրկող. հայ գիտնականների բացահայտումը 1lurer.am
12/01/2022
«ՀՀ» օրաթերթի «Հյուրասրահի» հյուրերը Ռուբեն Սաֆրաստյանը և Վիկտոր Անատոլիի Նադեին-Ռաեւսկին են hhpress.am
с 01.01.2005г. сайт посещался
6 019 509

раз
National Academy of Sciences of the Republic of Armenia
Логотип НАН РА (черный, синий)
наверх Сайт последний раз обновлялся:  13:25, 19/01/2022 наверх
Главная страница - Об Академии - Отделения - Организации - Члены - Связь с нами - Структура - COVID-19
Члены президиума - Документы - Инновационные предложения - Публикации - Фонды - Конференции -
Фотогалерея - Видеогалерея - Веб ресурсы - Другие академии - Газета "Гитутюн" - Журнал "В мире науки" - Публикации в прессе
Анонсы - Юбилеи - Университеты - Новости - Научные результаты - Отдел диаспоры представляет - Трибуна молодого ученого
Наши заслуженные деятели - Объявления - Встреча с Нобелевским лауреатом в Линдау - Карта сайта
© Copyright 1998-2021, Все права защищены.
Сайт создан и поддерживается Академической научно-исследовательской компьютерной сетью Армении (ASNET-AM)
Вопросы и предложения можете посылать на электронный адрес webmaster {[ at ]} sci.am