ՀՀ գիտությունների ազգային ակադեմիա
ՀԱՅ  ENG  РУС
Home academy [@] sci.am Facebook Page
Գլխավոր էջ Ակադեմիայի մասին Բաժանմունքներ Կազմակերպություններ Անդամներ Կապ մեզ հետ
Ալեքսանդր Չուբարյան
պատմական գիտությունների դոկտոր, պրոֆեսոր
COVID-19
Կառուցվածք
Նախագահության անդամներ
Փաստաթղթեր
Ինովացիոն առաջարկներ
Հրատարակություններ
Հիմնադրամներ
Գիտաժողովներ
Մրցույթներ
Լուսանկարներ
Տեսադարան
Վեբ ռեսուրսներ
Այլ ակադեմիաներ
«Գիտություն» թերթ
«Գիտության աշխարհում» հանդես
Հրապարակումներ մամուլում
Ազդեր
Հոբելյաններ
Համալսարաններ
Նորություններ
Գիտական արդյունքներ
Սփյուռքի բաժինը ներկայացնում է
Երիտասարդ գիտնականի ամբիոն
Մեր երախտավորները
Հայտարարություններ
Լինդաու քաղաքում Նոբելյան մրցանակի դափնեկրի հետ հանդիպում
Կայքի քարտեզ
Երիտասարդ գիտնականի ամբիոն
Մարիետա Զաքարյան

«Իմ ամենամեծ երազանքներներից մեկն է իմ աշխատանքով իմ երկրում ինչ-որ բան փոխել»

    Երիտասարդ քիմիկոս, ՀՀ Գիտությունների ազգային ակադեմիայի Քիմիական ֆիզիկայի ինստիտուտի գիտաշխատող, քիմիական գիտությունների թեկնածու Մարիետա Զաքարյանը մասնագիտությամբ նյութագետ է: Ընդամենը 27 տարեկանում Մարիետան արդեն հասցրել է դառնալ շուրջ 30 գիտական աշխատության հեղինակ, որոնց մեծ մասը տպագրված են միջազգային գիտական ամսագրերում:

    «Պետք է փորձել աստիճանաբար «դուրս գալ միջազգային շուկա» և տպագրվել առաջատար ամսագրերում: Ուսանողները պետք է պարտադիր կերպով գիտական աշխատանք իրականացնեն գիտությունների ակադեմիայի ինստիտուտներում և արդյունքը զեկուցեն իրենց կրթական հաստատություններում և հնարավորության դեպքում տպագրեն իրենց առաջին հոդվածը՝ համագործակցելով ինստիտուտների գիտնականների հետ», - կարծիք հայտնեց երիտասարդ գիտնականը:


Ճանապարհ դեպի գիտություն

    Մարիետան ծնունդով Գյումրիից է: Դպրոցն ավարտելուց հետո ընդունվել է Երևանի պետական համալսարանի Քիմիայի ֆակուլտետ, ուսանել նախ Քիմիա բաժնում, այնուհետև շարունակել մագիստրատուրան Դեղագիտության և քիմիայի ֆակուլտետում, որից հետո էլ ասպիրանտուրան Անօրգանական և անալիտիկ քիմիայի ամբիոնում: Քիմիկոս դառնալու ցանկությունը ձևավորվել է դեռևս դպրոցից: «Հենց 7-րդ դասարանում սկսեցինք անցնել քիմիա, շատ սիրեցի: Պատճառը իմ ուսուցչուհին էր, ով շատ հետաքրքիր կերպով մատուցեց այդ առարկան, և ես տեսա  քիմիայի կարևորությունը մեր կյանքում», - ասաց Մարիետա Զաքարյանը:

    Ուսանող տարիներին նա ՀՀ ԳԱԱ Քիմիական ֆիզիկայի ինստիտուտում միացավ գիտական խմբի աշխատանքներին՝ ՀՀ ԳԱԱ թղթակից անդամ, պրոֆեսոր Սուրեն Խառատյանի ղեկավարմամբ:  «Արդեն երրորդ կուրսից գիտական աշխատանքով էի զբաղվում: Մեր աշխատանքների արդյունքում ստանում ենք այնպիսի նյութեր, որոնք հետաքրքիր են այս կամ այլ ոլորտի համար կիրառական տեսակետից: Գրեթե 7 տարի այդ ոլորտում եմ և փորձում եմ տենդենցը պահել, հետ չմնալ: Գիտության մեջ եթե մտար, պետք է անընդհատ այդ ռիթմի մեջ լինես, եթե կանգնեցիր, շատ հետ կմնաս», - նշեց քիմիկոսը:


Մարիետան և միջազգային գիտական հարթակները

    Մարիետան հաճախ է  մասնակցում միջազգային գիտաժողովների, համագործակցում արտասահմանցի գործընկերների հետ, նաև ժամանակ առ ժամանակ աշխատում արտերկրում: Նա վերջերս է վերադարձել ԱՄՆ-ի Ինդիանա նահանգի Սաուդ Բենդ քաղաքում գտնվող Նոտր Դամի համալսարանից, որտեղ երեք ամիս աշխատել է Ֆիզիկայի ֆակուլտետի Միջուկային հետազոտությունների լաբորատորիայում: 

    «Առաջին անգամ այնտեղ 2019 թ-ին եմ եղել: Այս տարի առաջարկ ստացա երեք ամսով աշխատելու և մեծ հաճույքով համաձայնեցի: Շատ հետաքրքիր ամիսներ էին, այնտեղ շատ արագ է ամեն ինչ տեղի ունենում: Սարքավորումները  շատ են, և որ պահին ինչ մտքովդ անցնում է,  նույն օրը կարող ես դրա պատասխանը ստանալ: Մեր Քիմիական ֆիզիկայի ինստիտուտը համագործակցում է այդ համալսարանի հետ, համատեղ հոդվածներ ենք գրում, աշխատանքներ ենք անում, այնտեղ նաև աշխատող հայ գիտնականներ ունենք: Մեր ինստիտուտը նաև համագործակցում է Ֆրանսիայում, Կոեայում, Իսպանիայում, Ռուսաստանում գտնվող գիտական կենտրոնների հետ: Ներկայում բացի ԱՄՆ-ից ակտիվ համագործակցություն կա Էստոնիայում գտնվող Տալլինի Տեխնոլոգիական ինստիտուտի հետ: Արտասահմանյան գործընկերների հետ համատեղ գիտական հոդվածներ ենք տպագրում, նոր հետազոտություններ անցկացնում», - պատմեց Մարիետա Զաքարյանը: 


Ի՞նչ է անհրաժեշտ գիտությանը. գիտնականի կարծիքը

    Մարիետա Զաքարյանը նշեց, որ համապատասխան լծակներ ունենալու դեպքում Հայաստանում առաջինը կվերափոխեր կրթական համակարգը, կվերապատրաստեր դասախոսներին, կբարձրացներ ուսանողների կրթաթոշակը և կստեղծեր նոր, մոտիվացնող մրցանակներ կրթական համակարգում, և, իհարկե կբարձրացներ գիտնականների աշխատավարձը։

    «Պատերազմից հետո սկսել են մեծ ուշադրություն դարձնել գիտությանը: Պարզ դարձավ, թե ինչքան մեծ է գիտնականի դերը: Գիտության մեջ պետք է ֆինանսավորում,  որ մարդիկ կարողանան այդ ոլորտում աշխատեն: Մեծ ֆինանսավորում է պետք  սարքավորումներ գնելու, լաբորատորիաներն արդիականացնելու համար: Առանց նորագույն սարքերի ինչքան էլ մարդ խելք ու միտք ունենա, չի կարողանա գործի վերածել», - նշեց գիտնականը:

    Մարիետա Զաքարյանի կարծիքով՝ Հայաստանում գիտությունը կարող է հետաքրքիր դառնալ նաև ներդրումների համար: Ներդնողին պետք է նախնական արդյունքներ ցույց տալ, օրինակ մինի-արտադրական պրոցեսներ, փոքր կիրառական արդյունքներ, որոնց հիման վրա ներդրումները կշատանան։ 

    «Ինձ համար իդեալական կլինի, որ ես ապրեմ, աշխատեմ Հայաստանում, բայց նաև հնարավորություն ունենամ ժամանակ առ ժամանակ արտերկրում աշխատելու՝ միջազգային տենդենցներին հետևելու և իմ ստացած փորձն ու գիտելիքները իմ երկրում կիրառելու համար: Իմ ամենամեծ երազանքներներից մեկն է իմ աշխատանքով իմ երկրում ինչ-որ բան փոխել», - ասաց երիտասարդ գիտնականը:

   Մոնիկա Երիցյան


Ազդեր








Ս.թ. ապրիլի 1-ին, ժամը 12:00-ին ՀՀ ԳԱԱ Նախագահության նիստերի դահլիճում տեղի կունենա «Մագնիսաչափությունը՝ միջուկային սպին-բևեռացված 14N-ով ադամանդում NV-կենտրոնների հիման վրա» թեմայով սեմինար, որը կներկայացնի Լատվիայի համալսարանի պրոֆեսոր Մարցիս Աուզինշը

Ս.թ. մարտի 21-ին ժամը 11:00-ին ՀՀ ԳԱԱ հիմնարար գիտական գրադարանը կազմակերպում է «Ֆրանսերեն տպագիր ժառանգության ոսկե ֆոնդը» խորագրով միջոցառում՝ նվիրված Ֆրանկոֆոնիայի միջազգային օրվան: Միջոցառումը տեղի կունենա ՀՀ ԳԱԱ նախագահության շենքի կլոր դահլիճում

Սույն թվականի մարտի 6-ին ժամը 15.00-ին ՀՀ ԳԱԱ նիստերի դահլիճում (Բաղրամյան պող., 24) տեղի կունենա Նովա Գորիցայի համալսարանի (Սլովենիա, ԵՄ) դոցենտ Արտեմ Բադասյանի «Ջրում սպիտակուցների կոնֆորմացիաների տեսական և փորձառական հարցեր» թեմայով գիտական զեկուցումը

ՀՀ ԳԱԱ Շիրակի հայագիտական հետազոտությունների կենտրոնը սկսում է «Գիտական աշխատություններ» պարբերականի 2024թ.1 (27) հատորի հոդվածների ընդունումը: Առաջնահերթությունը տրվում է անգլերեն և ռուսերեն լեզուներով հոդվածներին: Հոդվածների ընդունման վերջնաժամկետն է՝ 2024թ. մարտի 1-ը

Международный инновационный центр нанотехнологий СНГ (МИЦНТ СНГ) при поддержке Межгосударственного фонда гуманитарного сотрудничества государств - участников СНГ (МФГС) и Объединенного института ядерных исследований объявляет о проведении конкурса на соискание грантов на разработку проектов в рамках деятельности МИЦНТ СНГ в 2024 году и очередной Стажировки молодых ученых и специалистов стран СНГ в Дубне в апреле - мае 2024года

2024թ․ մարտի 28-30-ը ՀՀ գիտությունների ազգային ակադեմիան և Երևանի պետական համալսարանը անցկացնելու են «Հայաստանը որպես քաղաքակրթական խաչմերուկ․ պատմամշակութային առնչություններ» թեմայով միջազգային գիտաժողով

ՀՀ գիտության և տեխնիկայի զարգացման 2020-2024թթ. գերակայության ՀՀ կառավարության որոշման նախագիծ

Հրապարակումներ մամուլում
27/03/2024

«Օպերային թատրոնի ստեղծագործական անձնակազմի արածը սխրանք է»
aravot.am
27/03/2024

Կլիմայի փոփոխության ազդեցությունը Հայաստանի ջրային ռեսուրսների վրա
1lurer.am
25/03/2024

Ակադեմիական քաղաքի պարագայում գիտական համակարգի 2/3-ը կկրճատվի
hraparak.am
25/03/2024

Այդ կարգի ցնցումների կարիք ո՛չ երկիրն ունի, ո՛չ էլ մեր գիտությունը
hraparak.am
Կայքը հաճախել են
6 933 162

անգամ սկսած 01.01.2005թ.
National Academy of Sciences of the Republic of Armenia
ՀՀ ԳԱԱ պատկերանիշ (սև, կապույտ)
Ճիշտ տառատեսակի արտապատկերման համար ներբեռնեք և տեղադրեք Arian AMU.ttf
Դեպի վեր Կայքը վերջին անգամ թարմացվել է՝  14:07, 29/03/2024 Դեպի վեր
Գլխավոր էջ - Ակադեմիայի մասին - Բաժանմունքներ - Կազմակերպություններ - Անդամներ - Կապ մեզ հետ - Կառուցվածք - COVID-19
Նախագահության անդամներ - Փաստաթղթեր - Ինովացիոն առաջարկներ - Հրատարակություններ - Հիմնադրամներ - Գիտաժողովներ - Մրցույթներ
Լուսանկարներ - Տեսադարան - Վեբ ռեսուրսներ - Այլ ակադեմիաներ - «Գիտություն» թերթ - «Գիտության աշխարհում» հանդես - Հրապարակումներ մամուլում
Ազդեր - Հոբելյաններ - Համալսարաններ - Նորություններ - Գիտական արդյունքներ - Սփյուռքի բաժինը ներկայացնում է - Երիտասարդ գիտնականի ամբիոն
Մեր երախտավորները - Հայտարարություններ - Լինդաու քաղաքում Նոբելյան մրցանակի դափնեկրի հետ հանդիպում - Կայքի քարտեզ
© Copyright 1998-2024 Բոլոր հեղինակային իրավունքները պաշտպանված են:
Կայքը պատրաստված է և սպասարկվում է Հայաստանի ակադեմիական գիտահետազոտական կոմպյուտերային ցանցի կողմից (ASNET-AM):
Հարցերի կամ առաջարկությունների համար կարող եք ուղարկել նամակ webmaster {[ at ]} sci.am էլեկտրոնային փոստին: