National Academy of Sciences of the Republic of Armenia
ՀԱՅ  ENG  РУС
Home academy [@] sci.am
General Page About Academy Organisations Members Contact us
"Gitutyun" newspaper
N342 June 2020
N342
COVID-19
Structure
Divisions
Presidium Members
Documents
Innovation Proposals
News
Conferences
All Publications in Press
All Announcements
Photogallery
Videogallery
"Gitutyun" newspaper
Funds
Anniversaries
Publications
Web Resources
Other Academies
Universities
Lindau Nobel Laureate Meeting
Sitemap
COVID-19
Information about NAS RA COVID-19 Scientific Council

17/06/2020
Հունիսի 12-ին կայացավ COVID-19-ի գիտական ուսումնասիրությունների համակարգման գիտական խորհրդի առաջին առցանց նիստը

    Նիստի ընթացքում ելույթ ունեցավ ՀՀ ԳԱԱ բնական գիտությունների բաժանմունքի ակադեմիկոս-քարտուղար Ռ. Հարությունյանը, ով տեղեկացրեց, որ Գիտությունների Ակադեմիաների միջազգային ասոցիացիայի (ԳԱՄԱ) կողմից առաջարկ է ստացվել ԳԱՄԱ անդամ Ակադեմիաներին՝ կից ստեղծել գիտական խորհուրդ, որը կհամակարգի COVID-19-ի վերաբերյալ գիտական ուսումնասիրությունները, կզբաղվի վիրուսաբանության արդի հարցերով և կփորձի համակարգային լուծումներ գտնել վիրուսաբանության առկա խնդիրների համար: Ռ. Հարությունյանը նշեց, որ ՀՀ ԳԱԱ կողմից որոշվել է կազմել COVID-19-ի գիտական ուսումնասիրությունների համակարգման գիտական խորհուրդ և ներկայացրեց ՀՀ ԳԱԱ նախագահության կողմից առաջադրված խորհրդի կազմը, իսկ խորհրդի նախագահի պաշտոնի համար առաջարկեց ՀՀ ԳԱԱ ակադեմիկոս, «Հայկենսատեխնոլոգիա» ԳԱԿ-ի տնօրեն Ա. Սաղյանի թեկնածությունը: Ա. Սաղյանը նշեց, որ COVID-19 համավարակի ի հայտ գալով բացահայտվեց, որ վիրուսաբանության մի շարք հիմնարար հարցերի լուծումներ հանրապետությունում թերի են կատարվում, իսկ երբեմն նույնիսկ բացակայում են՝ պատշաճ գիտատեխնիկական բազայի բացակայության պատճառով: Համավարակը ցույց տվեց, որ անհրաժեշտ է մշակել ընդհանուր ռազմավարություն, ստեղծել ընդհանուր հարթակ՝ տարբեր գիտական խմբերի համար, որը կարող է իրականացնել համատեղ գիտական ծրագրեր: Նա նշեց, որ գիտական խմբի անվանումը լինելու է “COVID-19-ի գիտական ուսումնասիրությունների համակարգման գիտական խորհուրդ”, սակայն դա չի նշանակում որ խորհուրդը զբաղվելու է միայն COVID-19-ի հարցերով, այն ուղղված կլինի ընդհանրապես համավարակների դեմ պայքարում գիտական մոտեցումների մշակմանը, ընդհանուր ռազմավարության ստեղծմանը և վիրուսաբանության ոլորտում հիմնարար հետազոտությունների իրականացմանը:
    Նիստի ընթացքում ելույթ ունեցան ՀՀ ԳԱԱ թղթակից անդամ Արմեն Թռչունյանը, ՀՀ ԳԱԱ մոլեկուլային կենսաբանության ինստիտուտի տնօրեն Արսեն Առաքելյանը, ՀՀ ԳԱԱ մոլեկուլային կենսաբանության ինստիտուտի բջջային կենսաբանության և վիրուսաբանության լաբորատորիայի վարիչ Զավեն Կարալյանը, ՀՀ ԱՆ «Հիվանդությունների և կանխարգելման ազգային կենտրոն» ՊՈԱԿ գլխավոր տնօրենի տեղակալ Լիլիթ Ավետիսյանը, ՀՀ ԱՆ «Հիվանդությունների և կանխարգելման ազգային կենտրոն» ՊՈԱԿ-ի «Ռեֆերենս լաբորատոր կենտրոն» մասնաճյուղի գիտական գծով տնօրենի տեղակալ Գայանե Մելիք-Անդրեասյանը, ՀՀ ԵՊԲՀ գիտության գծով պրոռեկտոր Կոնստանտին Ենկոյանը, ովքեր նշեցին, որ խնդիրն իսկապես արդիական է և անհրաժեշտ է համախմբել ողջ գիտական ներուժը՝ օպտիմալ լուծումներ գտնելու և հետայսու նման համաճարակներին պատրաստ լինելու համար: Նրանք նշեցին, որ ոչ պակաս կարևոր է հանրությանը համավարակի դեմ պայքարի գիտականորեն հիմնավորված մոտեցումների մասին տեղեկացնելը:
    Ա. Սաղյանն առաջարկեց բոլորին ներկայացնել իրենց ղեկավարած ստորաբաժանումներում, և ընդհանրապես հանրապետությունում, գործող գիտահետազոտական լաբորատորիաներում խնդրի փաստացի վիճակը, զարգացման հեռանկարները, առկա և անհրաժեշտ նյութատեխնիկական բազան ու ենթակառուցվածքները, որից հետո բոլոր առաջարկներն ի մի կբերվեն, կմշակվի ընդհանուր հայեցակարգ, կկազմվի Խորհրդի գործունեությունը կարգավորող կանոնադրություն:

Latest Announcements
Publications in Press
16/07/2020
Նախարարն ամփոփել է 2020-ի առաջին կիսամյակում Գիտության կոմիտեի կատարած աշխատանքը
armenpress.am
13/07/2020
Դեմ ենք գիտության շենքերի օտարմանը. Ստորագրահավաք՝ ի պաշտպանություն ԳԱԱ Օրգանական և Դեղագործական քիմիայի գիտատեխնոլոգիական կենտրոնի տարածքային ամբողջականության պահպանման
168.am
09/07/2020
Ակադեմիկոս. «Հայոց պատմությունն» ու «Հայ եկեղեցու պատմությունը» ազգային նկարագիր ձևավորելու առումով բացառիկ նշանակություն ունեն
panorama.am
09/07/2020
Հին աշխարհը չեմ տեսել... բայց թողել է նա մի հետք
hhpress.am
08/07/2020
Անցկացվել է Հայոց Նահապետ Ղեւոնդ Ալիշանի ծննդյան 200-ամյակին նվիրված առցանց գիտաժողով
news.am
06/07/2020
«Եկել-ասում է, թե գիտական կենտրոնի մեջտեղը երկու 25 հարկանի շենք է սարքելու, այն դեպքում, որ 15 մետր այն կողմ գտնվում են քիմիական լաբորատորիաները». ՕԴՔԳՏԿ տնօրենն ահազանգում է
168.am
This site has been visited
2 861 637

times since 01.01.2005
National Academy of Sciences of the Republic of Armenia
NAS RA Logo (black, blue)
Top Website last updated on:  13:48, 03/08/2020 Top
General Page - About Academy - Organisations - Members - Contact us - Structure - COVID-19 - Divisions
Presidium Members - Documents - Innovation Proposals - News - Conferences - All Publications in Press
All Announcements - Photogallery - Videogallery - "Gitutyun" newspaper - Funds - Anniversaries
Publications - Web Resources - Other Academies - Universities
Lindau Nobel Laureate Meeting - Sitemap
© Copyright 1998-2020, All Rights Reserved.
Website is created and supported by Academical Scientific Research Computer Network of Armenia (ASNET-AM)
For any suggestions write to webmaster {[ at ]} sci.am