ՀՀ գիտությունների ազգային ակադեմիան  հայտարարում է «Մագիստրոսական կրթաթոշակների տրամադրման» մրցույթ:

Մրցույթի շրջանակներում Ակադ․ Վ․ Համբարձումյանի անվան միջազգային գիտական պետական մրցանակի դրամական միջոցներից ֆինանսական աջակցություն կտրամադրվի  2025-2026թթ․ ընթացքում իրականացվելիք գիտական վերապատրաստումների ծրագրերին։ Կախված վերապատրաստման տևողությունից, գործուղման պայմաններից և երկրից՝ հատկացվող գումարը կարող է կազմել մինչև 3 500 000 ՀՀ դրամ։

Բնագավառը․ աստղաֆիզիկա (ներառյալ միջգիտակարգային ոլորտները), ֆիզիկա, մաթեմատիկա։

Հայտերի ձևաչափը․ մինչև 5 էջ, ներառյալ գիտական հիմնավորումը, կատարվելիք աշխատանքի նկարագրությունը, ակնկալվող արդյունքները, ժամանակացույցը։

Մրցույթի պայմանները․ հայտ կարող են ներկայացնել ՀՀ հանրային գիտական կազմակերպությունների կամ բուհերի անհատ գիտաշխատողները կամ ասպիրանտները։ Դիտարկվում են միայն առաջատար գիտական կազմակերպություններում վերապատրաստման հայտերը՝ 1-3 ամիս տևողությամբ։  

Պահանջվող փաստաթղթերի ցանկը․

• մրցույթի մասնակցության հայտը
• հայտատուի գիտական կենսագրությունը (CV)՝ 2 էջի սահմաններում
• հայտատուի կողմից վերջին 5 տարում հրապարակած աշխատանքների ցանկը
• կազմակերպության գիտական խորհրդի որոշումը ներկայացվող նախագծի վերաբերյալ
• կազմակերպության տնօրենի ուղեկցող նամակը
• ընդունող կողմի հրավերը
• այլ փաստաթղթեր, որոնք կարող են նպաստել հայտի դրական գնահատականին։

Մրցույթի ժամանակացույցը․

05.09.2025 – մրցույթի հայտարարության հրապարակումը
15.10.2025 – հայտերի ներկայացման ժամկետը
10.11.2025 – հանձնաժողովի կողմից մրցույթի արդյունքների ամփոփումը և հրապարակումը։   
15.11.2025 – 15.11.2026 – վերապատրաստման իրականացումը
15.12.2026 – հաշվետվությունների ներկայացման վերջնաժամկետը (յուրաքանչյուր գործուղման համար՝ գործուղման ավարտից 1 ամիս անց)

Ներկայացված հայտերի փորձաքննությունն իրականացնում է «Ակադ․ Վ․ Համբարձումյանի անվան միջազգային գիտական պետական մրցանակի դրամական միջոցները ՀՀ-ում աստղաֆիզիկայի և հարակից բնագավառների հետագա զարգացման համար նախատեսված միջոցառումները համակարգող և վերահսկող հանձնաժողովը»՝ անհրաժեշտության դեպքում ներգրավելով անկախ փորձագետների։

Ֆինանսավորման համար հավանություն ստացած նախագծի ղեկավարի (հայտատուի) և ՀՀ ԳԱԱ միջև կնքվում է պայմանագիր, որը կարգավորում է նախագծի իրականացումը ընդհուպ մինչև հաշվետվությունը ներկայացնելը։

Փաստաթղթերի ներկայացման ընթացակարգը՝

Պահանջվող փաստաթղթերի էլեկտրոնային տարբերակները PDF ֆորմատով ուղարկել info.vaprize@sci.am էլ․ հասցեին մինչև 2025թ. հոկտեմբերի 15-ը ներառյալ։
Տպագիր տարբերակները մինչև 2025թ. հոկտեմբերի 15-ը ներառյալ ներկայացնել ՀՀ ԳԱԱ ակադեմիկոս-քարտուղարի ընդունարան հետևյալ հասցեով՝ ք. Երևան, Մարշալ Բաղրամյան 24, 2-րդ հարկ, 46 սենյակ, ժամը 9։00-ից 17։00, հեռ․՝ +374 10 516085։