National Academy of Sciences of the Republic of Armenia
ՀԱՅ  ENG  РУС
Home academy [@] sci.am
Главная страница Об Академии Организации Члены Связь с нами
Газета "Гитутюн"
N314 Январь 2018г.
N314
Структура
Отделения
Члены президиума
Документы
Новости
Конференции
Все публикации в прессе
Все объявления
Фотогаллерея
Газета "Гитутюн"
Фонды
Юбилеи
Публикации
Веб ресурсы
Другие академии
Университеты
Встреча с Нобелевским лауреатом в Линдау
Карта сайта
Новости
13/09/2017
ՀՀ ԳԱԱ-ում մեկնարկեց Երկրաբանական գիտությունների պատմության միջազգային հանձնաժողովի 50-ամյա հոբելյանին նվիրված գիտաժողովը

   Սույն թվականի սեպտեմբերի 13-ին ՀՀ ԳԱԱ-ում մեկնարկեց Երկրաբանական գիտությունների պատմության միջազգային հանձնաժողովի (INHIGEO) 42-րդ գիտաժողովը` նվիրված INHIGEO-ի 50-ամյա հոբելյանին:

  Հանձնաժողովի նպատակն է նպաստել երկրագիտության ոլորտում մշտական հետազոտությունների անցկացմանը: INHIGEO-ի հիմնադիր ժողովը տեղի է ունեցել  1967թ-ին` Հայաստանում` ՀԽՍՀ Գիտությունների ակադեմիայում: Այժմ հանձնաժողովն ունի 289 անդամ 57 երկրից: Հայաստանը հանձնաժողովում ներկայացնում են 5 մասնակիցներ:

   ՀՀ փոխվարչապետ, Միջազգային տնտեսական ինտեգրման և բարեփոխումների նախարար Վաչե Գաբրիելյանը ողջունեց գիտաժողովի մասնակիցներին և ընթերցեց  ՀՀ վարչապետ Կարեն Կարապետյանի ուղերձը. «Այսօր Երևանում մեկնարկում է Երկրաբանական գիտությունների պատմության միջազգային հանձնաժողովի 42-րդ Սիմպոզիումը, որին մասնակցում են աշխարհի 18 երկրների մոտ 70 ներկայացուցիչներ: Սիմպոզիումը նվիրված է այդ Հանձնաժողովի ստեղծման 50-ամյա տարեդարձին: Ես ողջունում եմ Սիմպոզիումի մասնակիցներին և մաղթում արդյունավետ աշխատանք:

6_1.jpg

   Հետաքրքիր փաստ է, որ երկրաբանական գիտությունների պատմության միջազգային հանձնաժողովի ստեղծումն անմիջականորեն կապված է Հայաստանի հետ։  1964թ-ի Միջազգային երկրաբանական կոնգրեսի շրջանակներում որոշվեց ստեղծել Երկրաբանական գիտությունների պատմության միջազգային հանձնաժողով, և ի կատարումն այդ որոշման, 1967թ-ին Երևանում` Խորհրդային Հայաստանի Գիտությունների Ակադեմիայում, տեղի ունեցավ Հանձնաժողովի հիմնադիր ժողովը: Հանձնաժողովը միավորեց երկրաբանական գիտությունների պատմության ոլորտի հետազոտողներին՝ ապահովելով երկրաբանական գիտության և մտքի զարգացման բազմաթիվ հաջողություններ։

   1967թ-ից ի վեր Հանձնաժողովի անդամների կողմից հրատարակվեցին գիտական մեծ արժեք ներկայացնող մեծաքանակ աշխատություններ և մենագրություններ։

   INHIGEO-ի 50-ամյա տարելիցին ընդառաջ Հայաստանը հերթական անգամ ստանձնում է այս կարևոր իրադարձության կազմակերպման գործընթացը:

   Մաղթում եմ Սիմպոզիումին հաջողություն և գիտական աշխույժ քննարկումներ:

  Համոզված եմ նաև, որ Հայաստանը ձեզ կառաջարկի այնպիսի ջերմ միջավայր, որ դուք ձեզ հետ կտանեք բազմաթիվ հաճելի հիշողություններ և անպայման կվերադառնաք մեր հյուրընկալ երկիրը ձեր ընտանիքների և ընկերների հետ»:

   Ողջունելով գիտաժողովի մասնակիցներին` ՀՀ ԳԱԱ նախագահ ՀՀ ԳԱԱ ակադեմիկոս Ռադիկ Մարտիրոսյանն ասաց. «Պատահական չէ, որ Երկրաբանական գիտությունների պատմության միջազգային հանձնաժողովի հիմնադիր գիտաժողովը տեղի է ունեցել Երևանում, որովհետև Հայոց հնագույն պատմությունից հայտնի է, որ միջնադարյան գիտնականներն ունեն նման հետազոտություններ: Հատկապես պետք է շեշտել Շիրակացու հետազոտությունները, որոնք վերաբերում են երկրագնդի կառուցվածքին: Մատենադարանում տարբեր պատմիչների, գիտնականների, մաթեմատիկոսների աշխատանքներում կան հղումներ, որոնք վերաբերում են երկրաբանության պատմությանը: Այս գիտությունն այսօր պետք է գրի առնի երկրաբանության վերաբերյալ այն հիմնական երևույթները, որոնք տեղի ունեն մեր կյանքում: Գիտաժողովին ցանկանում եմ բարի երթ, հետաքրքիր քննարկումներ»:

   INHIGEO-ի նախագահ պրոֆեսոր Բերի Քուփերը ներկայացրեց INHIGEO-ի պատմությունը և ձեռքբերումները:

   Գիտաժողովի մասնակիցներին ողջունեցին INHIGEO-2017 գիտաժողովի կազմկոմիտեի նախագահ ՀՀ ԳԱԱ ակադեմիկոս Ռուբեն Ջրբաշյանը, ՌԴ ԳԱ Երկրաբանական ինստիտուտի երկրաբանության պատմության բաժնի ղեկավար դոկտոր Իրինա Մալախովան:

   INHIGEO-ի գլխավոր քարտուղար Մարիանա Կլեմոն ներկայացրեց INHIGEO-ի 50-ամյակին նվիրված «Երկրագիտության պատմությունը. Տարելիցին»  հոբելյանական գիրքը: 

   Գիտաժողովին մասնակցում է շուրջ 70 գիտնական 18 երկրից, ովքեր կներկայացնեն 60-ից ավելի գիտական զեկուցումներ  տարբեր երկրներում երկրաբանության պատմության հիմնախնդիրների, Հայաստանում երկրաբանական մտքի կայացման և զարգացման պատմության վերաբերյալ:

   Գիտաժողովի կազմակերպիչներն են ՀՀ Գիտությունների ազգային ակադեմիան և ՀՀ ԳԱԱ Երկրաբանական գիտությունների ինստիտուտը:


ՀՀ ԳԱԱ Տեղեկատվական-վերլուծական ծառայություն
13.09.2017թ.

Фотогаллерея
Последние объявления
Отделение арменоведения и общественных наук НАН РА, Ереванский государственный университет при поддержке Министерства диаспоры РА 25-26 мая 2018 года организует международную конференцию «Республика Армения – 100», посвященную 100-летию провозглашения независимости Республики Армения и Майских героических сражений

Список научных мероприятий 2018 года, которые финансируются из государственного бюджета

Список школ молодых ученых 2018 года, которые финансируются из государственного бюджета

ЮНЕСКО объявила конкурс грантов ЮНЕСКО/PhosAgro/IUPAC для исследовательских проектов в области зеленой химии. С подробностями можно ознакомиться нажав сюда

В рамках проекта BSH Национальная академия наук РА объявила 3-ий грантовый конкурс для участия в брокерских мероприятиях, связанных с программой Горизонт 2020, а также в подготовительных совещаниях для подачи заявок по тематическим конкурсам Горизонта 2020

Публикации в прессе
21/02/2018
Սերգեյ Բագրատյան. «Սա ի՞նչ նվաստացուցիչ վերաբերմունք է գիտնականի նկատմամբ»
aravot.am
21/02/2018
90 գիտնական դրամաշնորհներ ստացան գիտական հետազոտություններ իրականացնելու համար
aravot.am
20/02/2018
Արման Սահակյան. «Չինովնիկներ են պատժվել»
aravot.am
16/02/2018
Դեղագործություն սովորող ուսանողներն արդեն դեղեր են պատրաստում ոչ թե գրատախտակին, այլ իրականում
ankakh.com
15/02/2018
Լույս է տեսել «Հայ միջնադարյան ժողովրդական մշակույթի խնդիրները» գիրքը
armenpress.am
15/02/2018
Հայաստանն ու Տաջիկստանը փոխադարձ կճանաչեն գիտական աստիճաններն ու կոչումները
168.am
с 01.01.2005г. сайт посещался
1 411 834

раз
National Academy of Sciences of the Republic of Armenia
Логотип НАН РА (черный, синий)
наверх Сайт последний раз обновлялся:  01:39, 26/02/2018 наверх
Главная страница - Об Академии - Организации - Члены - Связь с нами - Структура - Отделения
Члены президиума - Документы - Новости - Конференции - Все публикации в прессе
Все объявления - Фотогаллерея - Газета "Гитутюн" - Фонды - Юбилеи - Публикации
Веб ресурсы - Другие академии - Университеты
Встреча с Нобелевским лауреатом в Линдау - Карта сайта
© Copyright 1998-2018, Все права защищены.
Сайт создан и поддерживается Академической научно-исследовательской компьютерной сетью Армении (ASNET-AM)
Для вопросов и предложений можете писать на электронный адрес webmaster {[ at ]} sci.am