National Academy of Sciences of the Republic of Armenia
ՀԱՅ  ENG  РУС
Home academy [@] sci.am
General Page About Academy Organisations Members Contact us
"Gitutyun" newspaper
N311 October 2017
N311
Structure
Divisions
Presidium Members
Documents
News
Conferences
All Publications in Press
All Announcements
Photogallery
"Gitutyun" newspaper
Funds
Anniversaries
Publications
Web Resources
Other Academies
Universities
Lindau Nobel Laureate Meeting
Sitemap
News
31/10/2017
Գիտական հանրությունը նշում է Հայաստանում կենսաքիմիական գիտության հիմնադիր ակադեմիկոս Հրաչյա Բունիաթյանի 110-ամյակը

   Սույն թվականի նոյեմբերի 1-ին` ժամը 15:00-ին,  ՀՀ  ԳԱԱ   Հրաչյա Բունիաթյանի  անվան Կենսաքիմիայի ինստիտուտի հանդիսությունների դահլիճում (Երևան, Պարույր Սևակի 5/1) տեղի կունենա ինստիտուտի հիմնադիր ակադեմիկոս Հրաչյա Բունիաթյանի  110-ամյակին նվիրված հանդիսավոր նիստ: Նիստի ընթաքցում կներկայացվեն մեծ գիտնականի կյանքի և գործունեության մասին հուշեր: Հոբելյանական միջոցառման շրջանակներում Կենսաքիմիայի ինստիտուտի բակում կբացվի ակադեմիկոս Բունիաթյանի կիսանդրին:
   Հրաչյա Բունիաթյանը կենսաքիմիական գիտության հիմնադիրն է Հայաստանում: Նա ծնվել է Նոր Բայազետում 1907թ-ին: 1930 թվականին, ավարտելով  ԵՊՀ բժշկական ֆակուլտետը, աշխատել է նախ որպես կենսաքիմիայի դասախոս, ապա՝ ղեկավարել Երևանի անասնաբուծական-անասնաբուժական ինստիտուտի, այնուհետև 20 տարի`   Երևանի բժշկական ինստիտուտի կենսաքիմիայի ամբիոնը։ Հրաչյա Բունիաթյանը 1939-1941 թվականներին եղել է Երևանի բժշկական ինստիտուտի գիտական աշխատանքների գծով պրոռեկտոր, 1942-1946 թվականներին՝ ԵՊՀ ռեկտոր։ 1943 թվականից ղեկավարել է նաև ՀԽՍՀ ԳԱ Լ. Օրբելու անվան ֆիզիոլոգիայի ինստիտուտի կենսաքիմիայի բաժինը, իսկ 1961 թվականից մինչև կյանքի վերջը` իր հիմնադրած ՀԽՍՀ ԳԱ կենսաքիմիայի ինստիտուտը։ 1989 թվականից ՀԽՍՀ ԳԱ կենսաքիմիայի ինստիտուտը կոչվում է  Հրաչյա Բունիաթյանի անունով։
   Հրաչյա Բունիաթյանի գիտական գործունեության հիմնական ուղղություններն են՝ ուղեղի կենսաքիմիա, օքսիդացման պրոցեսներում և նյութափոխանակության նյարդային կարգավորման մեջ առանձին վիտամինների, ֆոսֆատիդների և կենսածին ամինների կենսաքիմիա։ Բունիաթյանի հետազոտությունները հնարավորություն տվեցին կարևորել նիկոտինամիդ դինուկլետիդի մասնակցությունը ամինաթթուներից ամոնիակի գոյացման մեխանիզմում և նյութափոխանակության կարգավորման մեջ գամմակարագաթթվի դերը, պարզաբանել այդ ամինաթթվի կենսասինթեզի ու կատաբոլիզմի ուղիները, ուղեղում ամոնիակի գոյացման և չեզոքացման մեխանիզմի հարցերը, կատեխոլամիների ու ֆոսֆոլիպիդների ու կենսաքիմիական առանձնահատկությունները։ Դրանցից շատերը դարձել են առանձին ուղղություններ։
   Ակադեմիկոս Բունիաթյանը շուրջ 250 գիտական աշխատությունների հեղինակ է։ Պարգևատրվել է Լենինի, Հոկտեմբերյան հեղափոխության, Աշխատանքային կարմիր դրոշի (2) շքանշաններով: Արժանացել է ՀԽՍՀ գիտության վաստակավոր գործչի կոչման:
   Հրաչյա Բունիաթյանը մահացել է 1987թ. Երևանում։

   ՀՀ ԳԱԱ Տեղեկատվական-վերլուծական ծառայություն
   31.10.2017թ.

Latest Announcements
Publications in Press
14/11/2017
ԳԱԱ նախագահը` միանգամից դոկտոր դառնալու մասին
aravot.am
09/11/2017
Դժվարություն կունենանք առաջին 4 տարիներին. Ռադիկ Մարտիրոսյանը՝ տարկետման իրավունքի սահմանափակման մասին
tert.am
09/11/2017
Մեկի խնդիրների լուծումը մյուսի հաշվին չպետք է լինի. Ռադիկ Մարտիրոսյան
slaq.am
08/11/2017
Գիտնականների և մասնավոր հատվածի համագործակցության մշակույթը դեռ ձևավորված չէ. Գևորգ Վարդանյան
panorama.am
08/11/2017
Главный Объект Исследований - Грибы
golosarmenii.am
08/11/2017
«ԳԱԱ շենքը տաճար է, ո՞վ է տեսել եկեղեցին վաճառվի»
aravot.am
This site has been visited
1 329 119

times since 01.01.2005
National Academy of Sciences of the Republic of Armenia
NAS RA Logo (black, blue)
Top Website last updated on:  15:37, 17/11/2017 Top
General Page - About Academy - Organisations - Members - Contact us - Structure - Divisions
Presidium Members - Documents - News - Conferences - All Publications in Press
All Announcements - Photogallery - "Gitutyun" newspaper - Funds - Anniversaries - Publications
Web Resources - Other Academies - Universities
Lindau Nobel Laureate Meeting - Sitemap
© Copyright 1998-2017, All Rights Reserved.
Website is created and supported by Academical Scientific Research Computer Network of Armenia (ASNET-AM)
For any suggestions write to webmaster {[ at ]} sci.am