ՀՀ գիտությունների ազգային ակադեմիա
ՀԱՅ  ENG  РУС
Home academy [@] sci.am Facebook Page
Գլխավոր էջ Ակադեմիայի մասին Բաժանմունքներ Կազմակերպություններ Անդամներ Կապ մեզ հետ
Ալեքսանդր Չուբարյան
պատմական գիտությունների դոկտոր, պրոֆեսոր
COVID-19
Կառուցվածք
Նախագահության անդամներ
Փաստաթղթեր
Ինովացիոն առաջարկներ
Հրատարակություններ
Հիմնադրամներ
Գիտաժողովներ
Մրցույթներ
Լուսանկարներ
Տեսադարան
Վեբ ռեսուրսներ
Այլ ակադեմիաներ
«Գիտություն» թերթ
«Գիտության աշխարհում» հանդես
Հրապարակումներ մամուլում
Ազդեր
Հոբելյաններ
Համալսարաններ
Նորություններ
Գիտական արդյունքներ
Սփյուռքի բաժինը ներկայացնում է
Երիտասարդ գիտնականի ամբիոն
Մեր երախտավորները
Հայտարարություններ
Լինդաու քաղաքում Նոբելյան մրցանակի դափնեկրի հետ հանդիպում
Կայքի քարտեզ
Ազդեր
Ռելյատիվիստական Աստղաֆիզիկայի Միջազգային Կենտրոն ցանցի առաջին գիտաժողովը Հայաստանում

Սույն թվականի հունիսի 28-ից մինչև հուլիսի 4-ը Հայաստանում տեղի ունեցավ ռելյատիվիստական աստղաֆիզիկայի հարցերին նվիրված ամառային դպրոց և միջազգային գիտաժողով: Ամառային դպրոցի ընթացքում (hունիսի 28-ին և 29-ին) Աղվերանում գտնվող ՀՀ ԳԱԱ-ի հյուրերի տանը տեղի ունեցան գիտական քննարկումներ երիտասարդ գիտնականների և ասպիրանտների մասնակցությամբ: Այնուհետև հունիսի 30-ից հուլիսի 4-ը ՀՀ ԳԱԱ-ում տեղի ունեցավ Ռելյատիվիստական Աստղաֆիզիկայի Միջազգային Կենտրոն ցանցի (ՌԱՄԿ ցանց) առաջին գիտաժողովը Հայաստանում <<Սև խոռոչներ. էներգիայի մեծագույն աղբյուրներ տիեզերքում>> անվանումով: Գիտաժողովին մասնակցում էին ավելի քան 80 գիտնականներ՝ Իտալիայից, Գերմանիայից, Ֆրանսիայից, Բրազիլիայից, Կորեայից, Իրանից և Հայաստանից:





Գիտաժողովի բացման հանդիսավոր արարողությանը մասնակցեցին ՀՀ ԳԱԱ նախագահ՝ ակադեմիկոս Ռ. Մարտիրոսյանը, ՀՀ ԳԱԱ ֆիզիկայի և աստղաֆիզիկայի բաժանմունքի ակադեմիկոս-քարտուղար Յ. Չիլինգարյանը, ՀՀ արտաքին գործերի փոխնախարար Կ. Նազարյանը, ՀՀ-ում Իտալիայի արտակարգ և լիազոր դեսպան Ջ. Ռիչչուլլին, ՀՀ-ում Բրազիլիայի արտակարգ և լիազոր դեսպան Է. Մ. Դ. Մոնտեյրոն, Հայաստանում Վատիկանի դեսպան Մոնսինյոր Մարեկ Սոզինսկին: Ողջունելով հյուրերին՝ Ռ. Մարտիրոսյանը նշեց, որ նման գիտաժողովի անցկացումը Երևանում վկայում է այն մասին, որ Հանրապետությունում աստղաֆիզիկայի բնագավառի հետազոտությունները համապատասխանում են միջազգային մակարդակի և հաջողություն մաղթեց գիտաժողովի մասնակիցներին: Այնուհետև ՌԱՄԿ ցանցի տնօրեն պրոֆ. Ռ. Ռուֆֆինին հակիրճ ներկայացրեց գիտաժողովի գիտական ծրագիրը և մասնակիցներին, ինչպես նաև ներկայացրեց ՌԱՄԿ ցանցի կենտրոնները Իտալիայում, Ֆրանսիայում, Բրազիլիայում, ինչպես նաև Հայաստանում:
Պաշտոնական արարողությունից հետո սկսվեց գիտաժողովը, որը ներառում էր զեկուցումներ գամմա բռնկումների, ակտիվ գալակտիկական միջուկների, նեյտրոնային աստղերի, գերնորերի, գրավիտացիոն ալիքների և այլնի մասին: Ներկայացվեցին մի շարք գիտափորձերից ստացված վերջին տվյալները՝ ինչպիսիք են MAGIC, HESS, Fermi LAT, NuStar և այլն: Ներկայացվեցին նաև ռելյատիվիստական աստղաֆիզիկայի ժամանակակից պրոբլեմներին նվիրված տեսական հետազոտությունների վերջերս ստացված արդյունքները:
Գիտաժողովի ընթացքում մասնակիցներից կազմված պատվիրակությունը հանդիպում ունեցավ ՀՀ ԳԱԱ նախագահ Ռ. Մարտիրոսյանի և ՀՀ ԳԱԱ փոխպրեզիդենտ՝ ակադեմիկոս Յ. Շուքուրյանի հետ, որի ժամանակ քննարկվեցին ՌԱՄԿ ցանց-Երևան կենտրոնի գործունեությունը և զարգացման հեռանկարները: Այնուհետև ՌԱՄԿ ցանցի տնօրեն Ռ. Ռուֆֆինին, Նեապոլի աստղադիտարանի տնօրեն Մ. Դելլա Վալլեն և ՌԱՄԿ ցանցի հայկական մասնաճյուղի ղեկավար Ն. Սահակյանը հանդիպեցին ՀՀ ԱԺ նախագահ Գ. Սահակյանի հետ:





Ողջունելով հյուրերին` ԱԺ նախագահը կարևորեց գիտության դերը մեր երկրի զարգացման գործում՝ պատվաբեր համարելով Հայաստանի անդամակցությունը ՌԱՄԿ ցանցին Իտալիայի, Բրազիլիայի և Վատիկանի հետ համատեղ: Կարևորելով գիտաժողովի անցկացումը Երևանում՝ Գ. Սահակյանը նշեց, որ Հայաստանում աստղագիտության ոլորտում հետազոտությունների և ուսումնասիրությունների կազմակերպումը հիմնված է գիտական խորը ավանդույթների և ներուժի վրա այս գործում մեծ է Վ. Համբարձումյանի և նրա դպրոցի դերը: Նա բարձր գնահատեց Հայաստանում հիմնադրված ՌԱՄԿ ցանցի տարածաշրջանային կենտրոնի դերը, որը մեծ նշանակություն կարող է ունենալ հայ գիտնականների ներուժն օգտագործելու, հետազոտություններին աջակցելու, ուսումնական ծրագրեր իրականացնելու գործում:
Գիտաժողովի պատվիրակությանը Մայր Աթոռում ողջունեց և Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսի օրհնությունը փոխանցեց Մայր Աթոռի Միջեկեղեցական հարաբերություների բաժնի տնօրեն, Արթիկի թեմի առաջնորդ Տ. Հովակիմ եպիսկոպոս Մանուկյանը: Հանդիպմանը Հովակիմ եպիսկոպոսը կարևորեց նմանօրինակ ժողովների կազմակերպումը: Զրույցի ընթացքում հյուրերին ներկայացվեց Հայ Եկեղեցու պատմական ուղին, մասնավորապես կրթական և սոցիալական դաշտում իրականացվող արդի գործունեությունը, ինչպես նաև միջեկեղեցական հարաբերությունների ոլորտում արձանագրված սերտ գործակցությունն ու ձեռքբերումները:
Գիտաժողովի ընթացքում ստացված հետաքրքիր արդյունքները տպագրվելու են առանձին գրքի տեսքով (գիտաժողովի նյութեր):
Գիտաժողովի կազմակերպման բարձր մակարդակի և Հայաստանի ջերմ մթնոլորտի արդյունքում՝ որոշվեց ապագայում նույնպես կազմակերպել նմանատիպ կոնֆերանսներ:


Ազդեր








Ս.թ. ապրիլի 1-ին, ժամը 12:00-ին ՀՀ ԳԱԱ Նախագահության նիստերի դահլիճում տեղի կունենա «Մագնիսաչափությունը՝ միջուկային սպին-բևեռացված 14N-ով ադամանդում NV-կենտրոնների հիման վրա» թեմայով սեմինար, որը կներկայացնի Լատվիայի համալսարանի պրոֆեսոր Մարցիս Աուզինշը

Ս.թ. մարտի 21-ին ժամը 11:00-ին ՀՀ ԳԱԱ հիմնարար գիտական գրադարանը կազմակերպում է «Ֆրանսերեն տպագիր ժառանգության ոսկե ֆոնդը» խորագրով միջոցառում՝ նվիրված Ֆրանկոֆոնիայի միջազգային օրվան: Միջոցառումը տեղի կունենա ՀՀ ԳԱԱ նախագահության շենքի կլոր դահլիճում

Սույն թվականի մարտի 6-ին ժամը 15.00-ին ՀՀ ԳԱԱ նիստերի դահլիճում (Բաղրամյան պող., 24) տեղի կունենա Նովա Գորիցայի համալսարանի (Սլովենիա, ԵՄ) դոցենտ Արտեմ Բադասյանի «Ջրում սպիտակուցների կոնֆորմացիաների տեսական և փորձառական հարցեր» թեմայով գիտական զեկուցումը

ՀՀ ԳԱԱ Շիրակի հայագիտական հետազոտությունների կենտրոնը սկսում է «Գիտական աշխատություններ» պարբերականի 2024թ.1 (27) հատորի հոդվածների ընդունումը: Առաջնահերթությունը տրվում է անգլերեն և ռուսերեն լեզուներով հոդվածներին: Հոդվածների ընդունման վերջնաժամկետն է՝ 2024թ. մարտի 1-ը

Международный инновационный центр нанотехнологий СНГ (МИЦНТ СНГ) при поддержке Межгосударственного фонда гуманитарного сотрудничества государств - участников СНГ (МФГС) и Объединенного института ядерных исследований объявляет о проведении конкурса на соискание грантов на разработку проектов в рамках деятельности МИЦНТ СНГ в 2024 году и очередной Стажировки молодых ученых и специалистов стран СНГ в Дубне в апреле - мае 2024года

2024թ․ մարտի 28-30-ը ՀՀ գիտությունների ազգային ակադեմիան և Երևանի պետական համալսարանը անցկացնելու են «Հայաստանը որպես քաղաքակրթական խաչմերուկ․ պատմամշակութային առնչություններ» թեմայով միջազգային գիտաժողով

ՀՀ գիտության և տեխնիկայի զարգացման 2020-2024թթ. գերակայության ՀՀ կառավարության որոշման նախագիծ

Հրապարակումներ մամուլում
27/03/2024

«Օպերային թատրոնի ստեղծագործական անձնակազմի արածը սխրանք է»
aravot.am
27/03/2024

Կլիմայի փոփոխության ազդեցությունը Հայաստանի ջրային ռեսուրսների վրա
1lurer.am
25/03/2024

Ակադեմիական քաղաքի պարագայում գիտական համակարգի 2/3-ը կկրճատվի
hraparak.am
25/03/2024

Այդ կարգի ցնցումների կարիք ո՛չ երկիրն ունի, ո՛չ էլ մեր գիտությունը
hraparak.am
Կայքը հաճախել են
6 932 810

անգամ սկսած 01.01.2005թ.
National Academy of Sciences of the Republic of Armenia
ՀՀ ԳԱԱ պատկերանիշ (սև, կապույտ)
Ճիշտ տառատեսակի արտապատկերման համար ներբեռնեք և տեղադրեք Arian AMU.ttf
Դեպի վեր Կայքը վերջին անգամ թարմացվել է՝  16:54, 28/03/2024 Դեպի վեր
Գլխավոր էջ - Ակադեմիայի մասին - Բաժանմունքներ - Կազմակերպություններ - Անդամներ - Կապ մեզ հետ - Կառուցվածք - COVID-19
Նախագահության անդամներ - Փաստաթղթեր - Ինովացիոն առաջարկներ - Հրատարակություններ - Հիմնադրամներ - Գիտաժողովներ - Մրցույթներ
Լուսանկարներ - Տեսադարան - Վեբ ռեսուրսներ - Այլ ակադեմիաներ - «Գիտություն» թերթ - «Գիտության աշխարհում» հանդես - Հրապարակումներ մամուլում
Ազդեր - Հոբելյաններ - Համալսարաններ - Նորություններ - Գիտական արդյունքներ - Սփյուռքի բաժինը ներկայացնում է - Երիտասարդ գիտնականի ամբիոն
Մեր երախտավորները - Հայտարարություններ - Լինդաու քաղաքում Նոբելյան մրցանակի դափնեկրի հետ հանդիպում - Կայքի քարտեզ
© Copyright 1998-2024 Բոլոր հեղինակային իրավունքները պաշտպանված են:
Կայքը պատրաստված է և սպասարկվում է Հայաստանի ակադեմիական գիտահետազոտական կոմպյուտերային ցանցի կողմից (ASNET-AM):
Հարցերի կամ առաջարկությունների համար կարող եք ուղարկել նամակ webmaster {[ at ]} sci.am էլեկտրոնային փոստին: